Është hera e parë që në një eveniment me jehonë ndërkombëtare paraqiten së bashku artistët  nga Shqipëria dhe Kosova në Bienalen e 4-t të Pragës të arteve pamore. Rreth 230 artistë nga gjithë bota janë pjesëmarrës në këtë bienale e cila e hapi edicionin e saj me 14 maj dhe vazhdon deri me 24 korrik 2009. Pavioni Shqiperia dhe Kosova është një ndër pavionet më të mira në këtë eveniment internacional. Në inaugurimin e hapjes se saj erdhi edhe ambasadori i Shqipërisë në Pragë z. Qazim Tepshi bashkë me stafin e tij diplomatik. Ai mbeti shumë i kënaqur nga mënyra dhe prezentimi artistik i artisteve tanë në këtë ekspozitë internacionale.  

Promovimi i librit bëhet të shtunën, më 16 maj 2009, në Langenthal të Bernës, në Hotel Bären (Salla „Barock“), Sankt Urbanstrasse 1, 4900 prej orës 19:00 deri në orën 21:00. Në program do të jenë një pikë muzikore; fjala hyrëse e Kryetarit të Lidhjes Shqiptare në Botë për Zvicër Mr. Nazmi Jakurti (Jurist&Mediator); mendime mbi Fjalorin e Gjuhës Shqipe të autorit Mehmet Elezi do të japë Driton Kajtazi, studiues e shkrimtar, pastaj do të jetë fjala e autorit Mehmet Elezi. Të interesuarit mund ta blejnë librin me autografin e autorit. Veprimtarinë e nderon pjesëmarja e autorit Mehmet Elezi, ambasador i Republikës së Shqipërisë në Bernë, filolog, shkrimtar, publicist dhe diplomat i mirënjohur. Fjalori i Gjuhës Shqipe, që promovohet të shtunën, përmban 41 000 fjalë të cilat nuk ndodhen në Fjalorin e Gjuhës së Sotme Shqipe (FGJSSH) të Institutit të Gjuhësisë të Tiranës.

Është hera e parë që Vaçe Zela, megjithë gjendjen e saj shëndetësore jo të mirë, merr pjesë në një aktivitet kulturor. Hyrja e saj në sallën e madhe të restorantit TROPICALE- Hotel des Communes, Geneveys-sur Caffrane, Neuchatel (Neushatel) u prit me duartrokitje që vazhduan më tepër se 20 minuta, shoqëruar me tingujt e këngëve të paharruara të perlës së muzikës së lehtë dhe popullore shqiptare , Vaçe Zelës. E emocionuar dhe e përmalluar nga një pritje e tillë e veçantë për të, artistja jonë e shquar, por tepër modeste dhe fisnike, pranoi të dalë në fotografi, si kujtim i bukur i kësaj mbrëmje festive, me të gjithë pjesëmarrësit, bashkëkombas në Zvicër, por edhe të ardhur nga vende të tjera të Europës.

Bëhet promovimi i romanit të Bedri Dedjes “Presidenti i planetit të kuq” (Planeti Mars i kuqëremtë). 

LAPSHI “Naim Frashëri” (Lidhja e Arsimtarëve dhe Prindërve Shqiptarë), në bashkëpunim me Bashkësinë Shqiptare të Kantonit të Neuchatelit (Nëshatel), organizon të shtunën, më 9 maj 2009, promovimin e librit “Presidenti i planetit të kuq”, të fundit të autorit të ndjerë për fëmijë Bedri Dedja.

Të pranishmit do t’i përshëndesë Belul Bajrami, kryetar i Bashkësisë Shqiptare në Neuchatel, pastaj, në kuadër të programit, me një fjalë do të paraqitet Mahir Mustafa, koordinator I SHSHMP në Zvicër. Në vazhdim, Asllan Gjinovci do të evokojë “Kujtime me Bedri Dedjen”, ndërsa Saime Isufi, arsimtare e gjuhës shqipe në Bienne do të paraqitet po ashtu me një fjalë. Krijuesi Alfred Papuçiu do të mbajë “Dy fjalë për autorin Bedri Dedja dhe për krijimtarinë e tij”, ndërsa Edlira Dedja do të lexojë vështrimin “Libri “Presidenti i planetit të kuq” dhe vlerat e tij edukative për fëmijët”.

Zëri i Amerikës - Të mërkurën, në Universitetin Harvard të Bostonit një numër studiuesish shqiptaro-amerikanë u mblodhën për të përkujtuar Faik Konicën, njeriun e shquar të letrave dhe të diplomacisë, eruditin dhe bashkëthemeluesin e organizatës Vatra, i cili ia kushtoi jetën pavarësisë dhe përparimit të Shqipërisë.

Në diskutim folën Van Kristo, drejtor i organizatës Frosina, Profesor Gregory Pano i Kolegjit Shtetëror të Salemit, Artur Liolin, kancelar i Kishës Ortodokse Shqiptare në Amerikë dhe Agron Alibali, studiues në Universitetin e Masaçusetsit në Boston. Diskutimi u drejtua nga doktore Ardeta Gjikola e Shkollës Pasuniversitare të Arteve dhe Shkencës në Harvard, universiteti ku edhe studioi Konica.

Nga Dr. Eno Koço

Artur (Anastas) Tashko është piktori shqiptaro-amerikano-kolumbian i cili me gjithë dëshirën shumë të madhe, nuk e pa kurrë Shqipërinë. Vdiq larg atdheut, në Kolumbi, më 25 nëntor 1994, në moshën 93 vjeç. Karriera e tij artistike është me të vërtetë e pasur. Punoi fillimisht si flautist profesionist në Orkestrën Simfonike të Bostonit, më vonë kryeredaktor i gazetës shqip “Republika” sërish në Boston në vitet 1931-32, dhe më pas gjatë gjithë jetës, me ndërprerje të pjesëshme, vazhdoi karrierën si piktor profesionist në shumë vende të botës, ndër më kryesoret në Amerikë, Francë, Spanjë, Itali dhe 30 vjetët e fundit të jetës së tij, në Kolumbi. Arsyeja për këtë lëvizje tëndit në kontinentin latino-amerikan ishte martesa e tij e dytë me kolumbianen Rosa Tashko. Arturi është vëllai i nënës sime Tefta Tashko-Koços por dhe i Koços, Gaqos, Lekos dhe Katinës.

Voal-online - Korespondenti i saj në Athinë, bazuar në burime mediatike vendase, i ka raportuar dje agjencisë së pavarur NOA se një prift grek ka ndaluar një djalë shqiptar që të marrë pjesë në meshë në zonën e Mitilinit. Bëhet fjalë për një djalë 14-vjeçar shqiptar, që jeton me familjen e tij në Greqi prej vitesh, me dokumente të rregullta dhe momentalisht gjenden familjarisht në zonën e Hippias, lokalitet i Mitilinit. Madata, agjenci private lajmesh në Athinë, përshkruan përmes të dërguarit të saj në Mitilini, se banorët atje janë ndarë më dysh, për shkak të incidentit të fundit që ka ngjallur jo pak debate. Kur i erdhi radha një nxënësi që dallohej si i huaj, prifti pyeti fillimisht mësuesit që shoqëronin grupin duke kërkuar të dijë se mos vallë fëmija, nxënës në liceun shtetëror të Mitlinit, ishte nga Shqipëria. Prifti i është drejtuar nxënësit duke e larguar nga radha dhe i ka thënë: Unë nuk kam ndërmend që një shqiptar mysliman ta fus në procesion sepse nuk është i krishterë”.