VOAL - Online Zëri i Shqiptarëve

Histori - Çfarë ka ndodhur më 23 korrik? 90 - NË ALEKSANDRI LINDI PTOLEMEU E Premte, 07.25.2014, 08:09am (GMT1) 90 Në Aleksandri, provincë romake, Egjipt - lindi Klaudius Ptolemy (Ptolemeu), astrolog, muzikolog, matematicien, shkrimtar dhe gjeograf; Prejardhja e saktë e tij nuk dihet; disa thonë se ishte romak, të tjerë thonë, helen, por nisur nga emri "˜Ptolemy', ai mund të ketë qenë me prejardhje nga Ptolemenjtë e periudhës së Aleksandrit të Madh. Pavarësisht.., Ptolemy shkroi shumë libra, traktate shkencore, studime, por shqiptarët e përmendin atë kryesisht për Gjeografinë e tij (rreth vitit 130), ku Ptolemy sjell për herë të parë të dokumentuar emri "˜Albanian' me kryeqytet Albanopolis, sa kalon Durrësin, diku midis Tiranës dhe Krujës. (kjo faqe në librin e tij thuhet se ka humbur a është grisur, por të dhënat citohen nga burime të asaj kohe). Dhe kështu fillon rrugëtimi historik i një emri; "˜Albania' u popullarizua nga Anna Komnena (1083-1146), bija e perandorit bizantin Aleks i parë, e cila shkroi në historinë e saj të famshme Alekseida, se njerëzit që banonin në zonën përtej Durrësit e quanin veten "˜Arbanez'; në fillim të shekullit XII normanët në epikën e tyre në frëngjisht, "˜Këngët e Rolandit' e quajtën "˜Albania' rajonin nga Durrësi në Vlorë; në shekullin XIV, ata që ikën në Greqi nga këto troje e quajtën veten në dialektin gjuhësor "˜Arbanitë' - "˜Arvanitë'; në shekullin XV ata që ikën në Italinë jugore e quanin atdheun e tyre "˜Arbana' dhe veten "˜Arbëreshë'; Gjon Buzuku, një nga shkrimtarët e pare shqiptarë të shekullin XVI, i referohej vendit të vet "˜Arbën'; Madje Buzuku ishte i pari që e quajti gjuhën e tij "˜Shqip'; ndërkohë bota vazhdon të përdorë emrin e vjetër "˜Albania' (ndikuar nga Ptolemy) dhe "˜Albanian' për gjuhën që flitet, ndërsa vendasit mbështeten në fjalën "˜shqip' dhe "˜Shqipëri" dhe "˜Shqiptarë' e quajnë veten e tyre. 636 - Arabët marrin kontrollin e shumicës së Palestinës nga Perandoria Bizantine 1632 - Treqind kolonistët e parë nisen nga porti Dieppe i Francës. për në Nju Francë (Franca e re) - zonë e Amerikës së Veriut që shtrihej nga Kanadaja e sotme lindore në veri të Luizianës deri në Gjirin e Meksikës në jug. 1649 - Lindi Papa Klementi XI (vd. 1721), Klementi XI (Albani, Shqiptari) ishte mbrojtës i arteve dhe të shkencës; bamirës i madh i Bibliotekës së Vatikanit; interesi i tij në arkeologji nxiti studimet e antikitetit të Romës. Në fakt, ai autorizoi gërmimet në katakombet romake.  Klement Albani u kujdes edhe për vendin e të parëve, duke urdhëruar shqyrtimin e gjendjes së besimtarëve të tij - kulturë, zakone, kushte jetese - në trojet shqiptare. 1827 SHBA; hapet shkolla e pare për mësimin e notit (Boston Masaçusets) 1829 - Në Shtetet e Bashkuara, William Austin Burt regjistron patentën e tipografit, pararendës i makinës shkrimit. 1903 Ford Motor Company shet makinën e tij të parë. Makina kushtonte 850 dollarë, me shpejtësi maksimale rreth 50 km në orë. 1904 Kaushi i akullores i krijuar nga Charles E Menches shitet për herë të parë gjatë ekspozitës botërore në Saint Louis, Mizuri. 1908 - Kushtetuta e dytë miratohet nga osmanët (turqit e rinj). 1914 - Austro-Hungaria paraqet një seri kërkesash në një ultimatum për Mbretërinë e Serbisë duke kërkuar që të lejojë austriakët për të përcaktuar se kush e vrau arkidukën Franc Ferdinand. Serbia nuk i pranoi të gjitha kërkesat, dhe Austria i shpalli luftë Serbisë më 28 korrik. 1929 Purifikim - Qeveria fashiste në Itali ndalon përdorimin e fjalëve të huaja. 1936 - Në Katalonjë, Spanjë, themelohet Partia e Unifikuar Socialiste e Katalonjës përmes bashkimit të partive socialiste dhe komuniste. 1940 - Nën sekretari i amerikan i Shtetit Sumner Welles lëshon një deklaratë se Amerika nuk e njeh aneksimin sovjetik të tri shteteve baltike: Estoni, Letoni dhe Lituani. 1942 - Holokausti: kampi nazist i shfarosjes Treblinka fillon të presë viktimat e para. 1952 Krijohet Komuniteti Evropian i qymyrit dhe çelikut; dita u festua me parakalime e paradada në vendet kryesore perëndimore Komuniteti Evropian shihet si gurthemeli i Bashimit të sotëm  Evropian. 1955 Vdiq Cordell Hull (lindur më1871) - ishte politikan amerikan nga shteti Tennessee; i njohur si Sekretari i Shtetit që shërbeu më gjatë, për 11 vjet (1933-1944). Hull mori Çmimin Nobel të Paqes në vitin 1945 për rolin e tij në krijimin e OKB-së; presidenti Franklin Roosevelt e ka quajtur atë "babai i Kombeve të Bashkuara".   1974 - Rrëzohet junta ushtarake greke, dhe ish-kryeministri Konstantinos Karamanlis thirret për të udhëhequr qeverinë e re. 1984 - Vanessa Williams bëhet e para Miss America që jep dorëheqjen kur ajo dorëzon kurorën pas fotografive të saj lakuriq që u shfaq në revistën Penthouse. Mendim i ditës "Si i vdekshëm, e di se jam lindur për një ditë. Por kur ndjek kënaqësinë time - turmën e ngjeshur të yjeve në rrugën e tyre rrethore - këmbët nuk prekin më tokën. " Ptolemeu www.voal-online.ch

Copyright © 2005-2008 Nulled by [x-MoBiLe]. All rights reserved.