E Martë, 01.21.2020, 11:48pm (GMT+1)

Ballina Linqe Stafi Kontakt
 
 
::| Fjala:       [Advance Search]  
 
Gjithë lajmet  
LAJMI I FUNDIT
OPINONE-EDITORIALE
ZVICRA
INTERVISTË-PRESS
SHQIPTARËT
LAJME NDËRKOMBËTARE
POLITIKË
DIASPORA NË ZVICËR DHE BOTË
PERSONAZH
ART KULTURË
DOSSIER
KËNDI I SHKRIMTARIT
HOLLYWOOD
AFORIZMA
GOSSIPE
SPORT
::| Newsletter
Emri juaj:
Emaili juaj:
 
 



 
DOSSIER
 
TURQIA EVAKUON MONUMENTIN OTOMAN NË SIRI

E Hënë, 02.23.2015, 10:50am (GMT+1)


Qindra trupa turke me automjete të blinduara kanë hyrë në Kobani të Sirisë dhe kanë evakuuar një varr historik osman dhe ushtarët që e ruanin atë.

Kryeministri i Turqisë, Ahmet Davutoglu, ka thënë se operacioni ka qenë i suksesshëm dhe se eshtrat e Suleyman Shahut, gjyshit të themeluesit të Perandorisë Osmane, do të zhvendosen diku tjetër në Siri.

 “Trupat turke kanë hyrë në Siri me rreth 100 automjete – 39 tanke dhe 57 automjete të blinduara – dhe me 572 ushtarë. Rreth orës 3 të mëngjesit, trupat tona kanë arritur te varri i Sulejman Shahut. Ata kanë përfunduar misionin e tyre shpejt dhe, po ashtu, është mbajtur një ceremoni fetare për zhvendosjen e eshtrave”, ka thënë Davutoglu.

Ai, po ashtu, ka thënë se trupat e tij kanë shkatërruar varrin, me sa duket për të ndaluar përdorimin e tij nga militantët e Shtetit Islamik.

Davutoglu ka thënë se Turqia nuk ka kërkuar leje ose ndihmë për misionin, porse ka informuar aleatët e koalicionit ndërkombëtar kundër grupit të Shtetit Islamik, pasi ka nisur operacionin.

Turqia e konsideron vendin e shenjtë si territor sovran, por Siria e ka cilësuar ndërhyrjen si “agresion flagrant”.

Në një deklaratë të lexuar në televizionin shtetëror, Siria ka thënë se Turqia ka informuar konsullatën e saj në Stamboll në lidhje me operacionin, porse nuk ka pritur për miratimin e Sirisë.

Varri i Suleyman Shahut ka qenë e vetmja enklavë turke jashtë vendit, në përputhje me një marrëveshje të nënshkruar në vitin 1921.

Turqia ka qenë vazhdimisht e shqetësuar me forcimin e militantëve të Shtetit Islamik në këtë zonë. Në mars të vitit 2014, Shteti Islamik ka kërcënuar se do të sulmojë varrin nëse trupat turke që e ruajnë atë, nuk tërhiqen brenda tre ditësh. Por, një sulm i tillë, megjithatë, nuk ka ndodhur.

Në gusht të vitit 2012, presidenti i Turqisë, Recep Tayyip Erdogan, në atë kohë kryeministër, kishte paralajmëruar se çdo akt kundër varrit do të konsiderohet si “sulm në territorin tonë dhe në tokën e NATO-s”.

Duke folur të dielën në televizion, Davutoglu ka thënë se operacioni është kryer “për të mbrojtur vlerat tona shpirtërore dhe sigurinë e forcave tona të armatosura”.

Ai ka thënë se eshtrat e Suleyman Shahut janë zhvendosur në Turqi, porse, së shpejti, do të rivarrosen në një zonë të Sirisë, më afër kufirit me Turqinë dhe nën kontrollin e ushtrisë turke.

Davutoglu ka thënë se nuk ka pasur përleshje me militantët e Shtetit Islamik gjatë operacionit, porse një ushtar ka vdekur në një aksident.

Kobani ka qenë në fokus të sulmeve ajrore të Shteteve të Bashkuara, derisa forcat kurde kanë luftuar militantët e Shtetit Islamik, të cilët kontrollojnë një të tretën e Irakut dhe disa territore në Siri. (rel)


www.voal-online.ch


Rating (Votes: )   
    Comments (0)        Dërgoja shokut        Printo


Other Articles:
KURANI 320 VJEÇAR EKSPOZOHET NË NJË ANKAND NË STAMBOLL (02.22.2015)
ATLANTIDA - MES LEGJENDËS DHE REALES, NË NJË DRITË TË RE (02.21.2015)
Wall Stret Journal - ZBULOHET MOLEKULA QË MUND TË BLLOKOJË VIRUSIN AIDS (02.19.2015)
ZËRI I AMERIKËS - KOMUNITETET MYSLIMANE DHE EKSTREMIZMI (02.19.2015)
KAMERA ME LAZER PËR RESTAURIME (02.17.2015)
DËSHTIMI BRITANIK - HITLERI PARA LUFTËS NDËRTOI RRJETE TË AEROPORTEVE NË ANGLI! (02.16.2015)
10 SHOQËRITË SEKRETE TË CILAT NUK E KEMI DITUR SE EKZISTOJNË (02.15.2015)
I GJITHË UNIVERSI I BINDET DASHURISË - 10 LETRAT MË ANTOLOGJIKE TË DASHURISË (02.15.2015)
DREZDEN 1945 - LUFTË TOTALE NË LUFTË (02.14.2015)
DIMRI NË 'PARAJSËN E BARDHË' - PAMUKKALE TË TURQISË (02.12.2015)



 
::| Lajme të fundit
::| Kalendari
Janar 2020  
D H M M E P S
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
 

 
VOAL
[Shko lart]