Voal-online Kjo letër e famshme dashurie nga King Henry VIII drejtuar Anne Boleyn është e padatuar. Ajo është gjetur në Vatican Library, me sa duket vjedhur nga Anne dhe dërguar në papat gjatë luftës së Henry VIII për anullimin e martesës së tij me Katharine of Aragon. Edhe pse Henry argumentonte se anullimi bëhej mbi bazën e ndërgjegjës së tij (ai deklaronte se martesa ishte në kundërthënie të hapur me Biblën), shumë njerëz besonin se ai thjeshtë donte të martohej me Anne Boleyn. Përgjigjet e Anne kanë humbur. Letra është shkruar në frëngjisht.
***
E dashura dhe mikja ime: Unë dhe zemra ime vëmë veten tonë në duart tua, duke të lutur ty që t'i kesh ata mëtuesit e tu të pranuar prej teje, dhe se shpirtmirësia jote për ata nuk do të pakësohet gjatë mungesës. Prandaj do të ishte tejet e dhimbshme të rritej keqardhja e tyre gjersa mungesa nuk është e mjaftueshme, dhe më shumë se kurrë ata do të na kujtonin ne një pikë të astronomisë, e cila është, se sa më larg të jenë ditët ndaj diellit aq më shumë ato bëhen të zjarrta. Kështu është edhe me dashurinë tonë, sepse mungesa jonë nuk e zbeh aspak përvëlimin tonë, së paku nga ana ime, dhe unë shpresoj se edhe nga ana jote: duke të siguruar ty se mërzia ime nga mungesa jote është tashmë tepër e madhe: dhe kur unë mendoj për rritjen e vuajtjes e di se ajo do të bëhet e papërballueshme nëse nuk do të ketë kundruall saj shpresën e vendosur që kam përderisa unë nuk mund të jem pranë teje fizikisht, prandaj pi të dërgjoj të vetmen gjë të mundshme, pikërisht, portretin tim në byzylykun tim, me emblemën e tërë të cilën ti e njeh mirë. Duke e dëshiruar veten në vend të tyre, kur ti do të jesh e kënaqur. Kjo nga dora e
besnikut Tënd dhe mikut
H. Rex
***
Letra, shkruar nga Henry VIII për Anne Boleyn, në përpjekje për ta bindur atë që të bëhej gruaja e tij e dytë, do të publikohet e plotë në Britani për herë të parë në prill. Letra është shkruar aty nga viti 1528, në kohën kur ai kishte vendosur të shkëputej nga Kisha Katolike Romane, e cila nuk ia anullonte martesën e parë të tij me Katerinë Aragon.
Henry dhe Anne u martuan më 1533, por historianët thonë se Anne kishte disa afera gjatë martesës së tyre jetëshkurtër. Më 1536 Henry ia preu kokën asaj për tradhti bashkëshortore në Kullën e Londrës dhe u martua me katër gra gjatë jetës së tij. Gjatë mbretërimit të tij ai mbyti brutalisht reformimin protestant të kishës dhe u ndesh me Vatikanin, duke çuar në ndarjen e Kishës Anglikane nga Roma. Letra e dashurisë do të publikohet në kuadrin e eskpozitës
"Henry VIII; Man and Monarch", që hapet më 23 prill deri më 6 shtator dhe do të ketë edhe libra, objekte e tjerë.
Comments (0)
Dërgoja shokut
Printo
