Voal-online Bukuroshi amerikan Ben Affleck do të ketë patjetër një djalë, e do me çdo kusht, me çdo çmim. Aktori kishte shpresuar më kot se do të bëhej me djalë, por gruaja e tij, aktorja Jennifer Garner, muajin e shkuar solli në jetë vajzën e tyre të dytë, Seraphina Rose. Affleck prapë është i vendosur që familja e tij të zgjerohet më tej vazhdimisht derisa të bëhet me djalë. Vajza e madhe e çiftit, Violet, është trivjeçare.
Një njeri i brendshëm thotë: "Ben nuk e ka problem sa do të shkojë numri i pjesëtarëve të familjes, derisa të lindë djali. Ai ëndërron që biri i tij të veshë kostumin e klubit Boston Red Sox'-Outfit, të luajë atje beisboll dhe të përjetojë kënaqësinë e brohoritjeve të publikut.
Pa çka se 33 vjeçarja Jennifer Garner nuk dëshiron të ketë fëmijë të tjerë, Ben është i sigurtë se ajo nuk do të jetë kundër dëshirës së tij. Njeriu i brendshëm flet për këtë në revistën amerikane OK!: "Miqtë nuk guxojnë të ma kundërshtojnë vendimin. Ndërsa e shoqja bën shaka me Benin: Nëse ti dëshiron të kesh fëmijë të tjerë, duhet atëherë ta gjesh një mënyrë që ta lindësh vetë. Por Jennifer e kalon shumë shpejt këtë situatë, nuk ia lëndon zemrën Benit dhe e miraton dëshirën e tij."
Gjithsesi Jennifer ka shpallur se Ben është një baba i mrekullueshëm: "Mund ta marrësh me mend sa bukur duket një burrë i rritur pranë një foshnje, nuk mund ta marrësh me mend si e mban ai në krahët e tij foshnjën? Ben është i tillë. Violet e ka rritur atë si njeri dhe si baba. Ai është bërë një kukull Teddybär. Asgjë nuk më bën mua më të lumtur se kur i shikoj ata të dy së bashku, kur e shikoj dorën e saj të vogël duke ledhatuar fytyrën e babait të saj. Ajo është mrekullia dhe paqja për ne."