"Desperate Housewives" pa Nikoletë Sheridan
E Enjte, 02.12.2009, 04:08pm (GMT+1)
Voal-online - Seriali "Desperate Housewives" (Shtëpiaket e dëshpëruara) nuk do ta ketë më njërën nga banoret e famshme të Wisteria Lane. Nicollette Sheridan, e cila luan bjonden tunduese Edie Britt në komedinë e rrjetit televiziv amerikan ABC, do të largohet nga filmi. Këtë e bëri të ditur një zëdhënëse e këtij rrjeti televiziv. ABC nuk dha hollësi të tjera për rrethanat e ndryshimit të ekipit të aktoreve me largimin e personazhit llafazan që mishëronte në rolin e saj Sheridan. Ndërsa në revistën E!, botimin online, kolumnisti Ted Casablanca, shkruante se Britt do të përfshihet në një aksident automobilistik pas një komploit të burrit të saj Dave Williams për ta vrarë atë.
Personazhi i Nicollette Sheridan është larguar edhe një herë tjetër nga ky serial televiziv. Ajo u përzu atëherë prej Wisteria Lane nga shtëpiaket e tjera stinorin e shkuar, por u kthye kur seriali kapërcei pesë vite më vonë me 2008.
Aktorja me prejardhje britanike Nicollette Sheridan, 45 vjeçe, luajti në serialin televiziv soap opera "Knots Landing" në vitet 1990 përpara se të bashkohej me ekipin aktorial të serialit
"Desperate Housewives" më 2004.
|
Comments (0)
Dërgoja shokut
Printo
