Voal-online - Harrison Ford dhe e dashura e tij Calista Flockhart janë fejuar zyrtarisht dhe kanë vendosur të martohen. Kështu bënë të ditur ekskluzivisht për revistën burime krejt të afërta me çiftin hollivudian. Aktori Harrison Ford, 66 vjeçar, e befasoi Calista Flockhart-in, 44 vjeçare, me një unazë fejese në fundjavën e Shën Valentinit, ndërkohë që të dy ishin larg familjeve të tyre në pushime me djalin Liam. Tani Harrison Ford i ka kërkuar asaj të martohen. Zëdhënësit e çiftit nuk iu janë përgjigjur interesimeve telefonike të gazetarëve të rubrikave të gossipeve. Harrison Ford dhe Calista Flockhart bashkëjetojnë me njëri tjetrin prej shtatë vjetësh e gjysmë. Sipas burimeve të përmendura të revistës People ende nuk është caktuar data e saktë e martesës.