Voal-online - Këngëtarja e famshme është 17 vjet më vonë më e bukur se 17 vjet më herët. Cher, tejet e famshme për ekzibicionizmin e saj, gjithnjë të suksesshëm, sfidon tani me shumë guxim moshën dhe format trupore duke u paraqitur në skenën e David Foster and Friends në koncertin e dhënë në Mandalay Bay Events Centre të Las Vegasit me të njëjtën kostum tute të cilin e kishte bërë legjendar në vitin tashmë të largët 1992. E njëjta xhaketë e veshur mbi trup, në nuancë të zezë dhe me mbresën e transparencës, stolisur me një shi gurësh të çmuar dhe me një qendisje ndoshta edhe më avullueshe se të një kohe të dikurshme. Këngëtarja dhe aktorja amerikane është shfaqur kështu në paraqitjen e saj të fundit para publikut.

Voal-online – Kim Kardashian është gati tashmë për martesën, por jo dhe aq. “Janë të shumtë njerëzit që na bëjnë trysni, sepse na kanë parë bashkë tani apo më vonë,” thotë aktorja yll e reality shows, e cila është e fejuar me Reggie Bush që prej vitit 2007. Këtë ajo e rrëfen për revistën People gjatë një mbrëmje gala të të shtunës në Los Anxhelos. “Por ne në atë drejtim po shkojmë. Kur të jemi gati të gjithë do ta marrin vesh,” këmbëngul ajo në përgjigje të interesimit mediatik. “Kjo do të thotë se mundësitë për martesë të shpejtë janë të mëdha?” “Përfundimisht,” thotë Kardashian, 28 vjeçe, në veprimtarinë e zhvilluar në vigjile të Ditës Ndërkombëtare të Nënave. “Dua të them se martesa do të ndodhë. Ne kemi dy vjetë së bashku, por nuk jemi duke u ngutur dhe me shumë shpresë kjo do të vijë. Ne jemi të fejuar të pandarë dhe jemi mrekulli, jemi tejet të lumtur, nuk ka pse të ngutemi, pra.”

Babai im është Benedetto

Voal-online – Të vetmen intervistë të deritanishme Noemi Letizia ka pranuar t’ia japë gazetës The Times të Londrës. Fytyra e çupërlinës bjonde, ditëlindja e 18-të e së cilës ka marrë përmasa botërore, është shfaqur edhe në ishullin britanik. Tema e intervistës është kureshtja nëse vërtetë kryeministri italian është babai i saj. Nisur nga fakti se ajo e thërret atë ngrohtësisht “babi” ("papi"). Diçka që është hedhur poshtë vendosmërisht nga Noemi. Edhe babai Benedetto, 50 vjeç, ishte i pranishëm me Lucy Bannerman, gazetaren që ka marrë intervistën. A është Berlusconi babai juaj? “Jo. Absolutisht jo. Babai im është ky këtu."

Voal-online - Matthew Broderick është duke pritur vajza binjake me të shoqen Sarah Jessica Parker. Ai përsërit: “Epo, jam gati tashmë.” Pothuajse gati. “Oh, njerëz, jam i emocionuar sa herë që e mendoj këtë gjë,” tha aktori 47 vjeçar të premten në emisionin Late Show with David Letterman, në intervistën e tij të parë qëkur ai dhe Saraha Jesssica Parker kanë bërë të ditur se ata po presin vajza binjake. “Epo nuk kam lënë njeri pa pyetur: Si i bëhet kur ke vajza binjake?” i rrëfeu Broderick drejtuesit të emisionit David Letterman. “Një baba më tha: Nuk është mirë të kesh binjake, por gjithçka tjetër është pozitive.” Çifti ka tashmë një djalë 6 vjeçar, me emrin James Wilkie. “Ai është më i emocionuar se ne. “Sa herë që dalim për të blerë, ai thotë: Këtë duhet blerë për princeshat, edhe këtë tjetrën duhet blerë për princeshat.”

 Voal-online – Të punosh me Simon Cowell në emisione live TV mund të jetë një sfidë – por Paula Abdul thotë se nuk ka fare të krahasuar më luftën e saj për të dalë nga vartësia prej ilaçeve kundër dhimbjes. „Unë mund të kisha vrarë veten,“ tregon Abdul, 46 vjeçe, në revistën Ladie’s Home Journal, numrin e qershorit. „Dorëheqja – do të ishte gjëja më e keqe.“ Lidhur me problemet që ende ka me Simon Cowell: “Ai është si një vëlla, të cilin kurrë nuk e kam pasur. Që nga dita e parë, Simoni dhe unë kemi pasur marrëdhënie dashuri-urrejtje.” Po përshtypjet e saj për anëtaren e re të jurisë Kara DioGuardi? "American Idol nuk është më një klub djemsh. Tani jemi një shoqëri motrash. Me Kara DioGuardin kam një mirëkuptim dhe bashkëpunim të mrekullueshëm.”

Voal-online – Lokali ku janë parë ata të dy është një prej restoranteve më të njohura të Maiemit. Por kur kësaj hollësie ia shton faktin tjetër se njëri prej atyre të dyve është vetë George Clooney, i “kapur mat” nga fotografët në shoqëri të një femre të hatashme, atëherë ndryshojnë punët. Tani paparacët janë në garë për të gjuajtur Miss X, atë që mendohet të jetë e dashura e re e George Clooney, beqarit më gruar të Hollivudit, personazhit më të përgjuar nga paparacët dhe më të parapëlqyer nga rubrikat gossip të mediave të pafundme amerikane dhe botërore. Prandaj vetëm pakëz gjë mjafton për të ushqyer mitin e latin lover të hollivudianit Clooney e për të nxitur fantazitë e revistave amerikane, natyrisht edhe të atyre përtej Amerikës.