Voal-online - «Një shkatërrues familjesh, një tradhëtar i pangopur, një Don Zhuan i pandreqshëm ». Për pjesën tjetër të botës, Bruce Springsteen vazhdon të mbetet i adhuruari dhe i paimitueshmi Boss, por për biznesmenin amerikan Arthur J. Kelly, legjanda 59 vjeçare e rokut është një maskara qelbësirë. Prandaj ai ka kërkuar divorcin për ndarje me të shoqen Ann pas 17 vitesh martesë. Në akuzën që është depozituar pranë gjykatës të lartë të Monmouth County, në shtetin e New Jersey, Kelly  përveçse kërkon që të ketë ai nën kujdesin e rritjes të dy vajzat e tyre 10 dhe 13 vjeç, , por  i kërkon gjykatës që ta detyrojë ish-gruan e tij që të paguajë një pjesë të mirë të shpenzimeve për ushqim dhe shkollim që duhet për bijat e tyre, kosto që ka mundësi që t’i kalojnë këngëtarit të «Born in the Usa» dhe «Streets of Philadelphia».

Ish presidenti i Polonisë Lech Walesa është kërcënuar se do të emigrojë nga vendi në shenjë proteste ndaj biografisë së tij më të re.
Në librin "Lech Walesa: Ideja dhe Historia", autori Pawel Zyzak thotë se ai është baba i paligjshëm i një djali, dhe se ka bashkëpunuar me policinë sekrete në kohën e komunizmit.
Walesa, i cili gjithashtu ishte udhëheqës i sindikatës "Solidariteti", tha se në shenjë proteste do t'i shmangë ceremonitë publike, dhe nëse kjo nuk ndihmon, atëherë do ta braktisë vendin. Walesa tha se dëshiron hetim zyrtar shtetëror të së kaluarës së tij, në mënyrë që të ndalen spekulimet e këtilla në të ardhmen. Evropa e Lirë/Voal-online.

Voal-online – Titulli i filmit është “Special Relationship“ (Marrëdhënie të veçanta) dhe ka në qendër „sjelljen e papërshtatëshme“ të Bill Clinton me stazhieren Monica Lewinsky midis viteve 1995 dhe 1997. Clinton-ët do të luhen përkatësisht nga Julianne Moore dhe Dennis Quaid. Një nga realizuesit e filmit zbulon: „Ky është një shans i madh për të dy aktorët. Të luash një Hillary Clinton e cila i ndodhet pranë burrit të saj është diçka në të cilën Julianne do të ketë çfarë të shpalosë.“ Afera me Lewinsky-n i pati kushtuar Bill Clinton-it pothuaj humbjen e pushtetit. Ndaj tij u ngrit një proces shkarkimi, i cili nuk u arrit. Quaid konkuroi të tillë aktorë yuperyje si Russell Crowe, Philip Seymour Hoffman, Alec Baldwin dhe Tim Robbins për ta marrë rolin e ish presidentit. Me filmin “Special Relationship“ e përfundon regjisori Peter Morgan trilogjinë e tij politike. Me filmat e mëparshëm „The Deal“, që ka në qendër kryeministrin britanik Tony Blair dhe „The Queen“, i cili tregon si u përball familja mbretërore britanike me vdekjen e Princeshës Diana.