| VOAL - Online Zëri i Shqiptarëve | ||||
|
Jeta dhe vepra e këngëtarit amerikan Pit Siger E Djelë, 08.16.2009, 08:34pm (GMT1)
Kur arrijnë moshën 65 vjeçare, shumë njerëz mendojnë për të dalë në pension dhe të ngadalsojnë ritmin e jetës për të gëzuar frytet e punës së tyre. Por kjo formulë nuk vlen për këngëtarin e njohur amerikan Pete Siger i cili kohët e fundit mbushi 90 vjeç me një koncert në qytetin e Nju Jorkut. "Unë e ti, thotë Siger, pavarësisht se ku banojmë, kemi një punë për të bërë jo vetëm për të pastruar një lumë, por për të shpëtuar gjithë botën". Në vitin 1938, Pit Siger ndërpreu studimet në Harvard dhe iu përkushtua muzikës. "Nuk desha të bëhesha muzikant. Muzika si biznes nuk më pëlqen, dhe për të kënduar fillove të shkojë nëpër kolegje e shkolla e kampuse studentësh". Pas luftës së dytë botërore, Pit Siger formoi grupin Wiver, i cili u bë shumë i njohur e shiti miliona disqe kudo në botë. Në vitet 1950, kongresi amerikan filloi hetimet rreth ndikimit të komunistëve në botën e artit. Pit Siger u thirr për të dëshmuar, sepse 3 prej pjestarëve të grupit Wiver kishin qenë anëtarë të partisë komuniste. Siger nuk pranoi të dëshmonte. Për këtë kundërshtim, Dhoma e Përfaqësuesve vendosi që Siger së bashku me dramaturgun Arthur Miller e 6 të tjerë, që kishte vepruar po njësoj, të dënoheshin me nga 1 vit burgim. Vendimi u prit me protesta në mbarë botën. Çështja shkoi në gjykatë, e cila megjithëse e anuloi vendimin, Siger nuk u lejua të këndonte më në publik. Kjo zgjati deri në fund të viteve 1960 kur Pit Siger u kthye në radio e televizion Më 1994, presidenti Bill Klinton e nderoi Pit Sigerin me Medaljen e Artit, nderi më i lartë amerikan për një artist. Më 1996, Siger u përfshi në Hollin e Famës së muzikës Rok and Roll. Ndërsa janarin e kaluar ai mori pjesë në koncertin në Uashington me rastin e përurimin të presidentit Barak Obama. ZA www.voal-online.ch
|
||||
| Copyright © 2005-2008 Nulled by [x-MoBiLe]. All rights reserved. | ||||
