Voal-online Përpara se t'i merrte dy fëmijët e saj në Suedinë e vet për pushime, pa të shoqin (dhe babain e fëmijëve) Tiger Woods Elin Nordegren është duke u këshilluar me avokatin veteran të divorceve të Hollywood-it, Sorrel Trope.
Duke pasur një praktikë që zë fill nga viti 1949 dhe që përfshin nga legjenda e shpesh martuar e ekranit të madh Cary Grant, deri te Nicole Kidman, Hugh Grant dhe Britney Spears, Sorrel Trope ka ndërtuar reputacionin e një ndërmjetësuesi të papërsëritshëm, bën të ditur Daily News e Nju Jorkut.
Duke folur për gazetën, avokati I divorceve I Manhattan-it Robert Wallack, e quajti Trope-n, 82 vjeç, dekanin e klubit martesor të Kalifornisë", ndërsa përmbaruesi ligjor i çështjeve familjare me qendër në Beverly-Hills, Alexander Leichter, tha: "Ai është një ndër 12 ose 15 avokatët të cilët merren me çështje tejet të majme, me divorce tejet të larta në mënyrë të pandërprerë."
Sorrel Trope nuk iu përgjigj telefonatave për të dhënë komente lidhur me prishjen e martesës Woods-Nordegren, e cila është nën kryqëzim tashmë teksa është shpalosur ( dhe më vonë konfirmuar nga vetë Woods) se golfisti No 1 i botës ka bërë një varg shkeljesh bashkëshortore.
(http://www.people.com/people)
Comments (0)
Dërgoja shokut
Printo
