E Martë, 08.04.2020, 08:35pm (GMT+1)

Ballina Linqe Stafi Kontakt
 
 
::| Fjala:       [Advance Search]  
 
Gjithë lajmet  
LAJMI I FUNDIT
OPINONE-EDITORIALE
ZVICRA
INTERVISTË-PRESS
SHQIPTARËT
LAJME NDËRKOMBËTARE
POLITIKË
DIASPORA NË ZVICËR DHE BOTË
PERSONAZH
ART KULTURË
DOSSIER
KËNDI I SHKRIMTARIT
HOLLYWOOD
AFORIZMA
GOSSIPE
SPORT
::| Newsletter
Emri juaj:
Emaili juaj:
 
 



 
HOLLYWOOD
 
NJË FILM I VEÇANTË PËR VAN GOGUN

E Hënë, 02.09.2015, 07:22am (GMT+1)



Jeta e trazuar e piktorit të famshëm holandez të shekullit të 19 Vincent van Gogh është treguar përmes shumë librave dhe filmave, por asnjëherë në mënyrën që po përpiqet ta bëjë tani një grup kineastësh. Loving Vincent do të jetë filmi i parë me metrazh të gjatë i bërë ndonjëherë me imazhe të animuara të pikturuara me dorë në stilin e vetë artistit.

Me ndihmën e 60 piktorëve, një grup kineastësh, fitues të çmimit Oscar,  është duke punuar për një film mbi jetën dhe vdekjen misterioze të Vincent van Goghut, duke animuar pikturat dhe vizatimet e tij.

Frymëzimi erdhi nga njëra prej letrave të piktorit për vëllanë e tij, i cili ishte gjithashtu artist, thotë regjisorja e filmit, Dorota Kobiela.

"Ai shkruante në letër se ne mund të flasim vetëm përmes pikturave. Këto fjalë ishin shumë të rëndësishme për mua dhe në fakt ishin arsyeja që ne po e bëjmë këtë film."

Producentët vendosën ta bëjnë filmin në Poloni, sepse atje ka piktorë të mirë, po ashtu edhe studentë të artit, shumë prej të cilëve bëjnë pikturë deri në shtatë vjet në shkollë.

Në një studio të Gdanskut, disa artistë punojnë njëkohësisht në studio duke përdorur bojëra vaji në kanavacë.

Me imazhin origjinal të projektuar mbi kanavacë, artisti realizon kopje të sakta të pikturave dhe pastaj bën ndryshime nga njëri kuadër tek tjetri, në bazë të skenarit.

"Animatori përdor këtë material dhe pikturon bazuar në foton e projektuar, duke e mbuluar imazhin e mëparshëm me imazhin e ri. Kur piktura është gati, ajo fotografohet dhe procesi fillon nga e para. Pas dymbëdhjetë kuadrove kemi një sekondë material filmik."

Procesi i sjell në jetë pikturat origjinale dhe shikuesit i duket sikur filmi të ishte realizuar nga vetë artisti i madh.

Producentët llogarisin se filmi 80-minutësh do të kërkojë rreth 57.000 kuadro të pikturuara me dorë. Ata e pranojnë se ky është një projekt i guximshëm.

"Çdo ditë, mendoj se po bëjmë diçka mjaft të frymëzuar, që askush nuk e ka bërë dhe se do t'ia arrijmë qëllimit. Por mendoj gjithashtu se kjo është një çmenduri dhe se ka arsye që askush tjetër nuk e ka bërë deri më sot, pra askush nuk është përpjekur të bëjë një film të tërë me piktura."

Zoti Welchman thotë se do të duhet rreth një vit e gjysmë për të realizuar të gjitha pikturat dhe gjashtë muaj të tjerë për ta përfunduar filmin.za
www.voal-online.ch


Rating (Votes: )   
    Comments (0)        Dërgoja shokut        Printo


Other Articles:
BERLINALJA E 65të - ART DHE ARTICIALITET NË BERLIN (02.08.2015)
6 SHKURTI, DITËLINDJA E 70-të E BOB MARLEYT (02.06.2015)
E VEJA E 'SNJAPERISTIT AMERIKAN' - DASHURIA JONË ISHTE ASHTU SI TREGOHET NË FILM (02.03.2015)
KATY PERRY - NJË SUPERYLL NË SUPERBOWL (02.02.2015)
MICHELLE OBAMA LAVDËRON FILMIN 'AMERICAN SNIPER' (02.01.2015)
'AMERICAN SNIPER' NXIT POLEMIKA (01.26.2015)
FSHATARI AFGAN - I PËRNDJEKUR PSE SHPËTOI USHTARIN AMERIKAN (01.22.2015)
JA DHJETË FEMRAT MË TË BUKURA TË TË GJITHA KOHËVE (01.19.2015)
NDAHET NGA JETA AKTORJA FATEN HAMAMA - IKONË ARABE E FILMIT (01.18.2015)
FILMI 'SNAJPERI AMERIKAN' - KANDIDAT PËR OSKAR (01.17.2015)



 
::| Lajme të fundit
::| Kalendari
Gusht 2020  
D H M M E P S
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          
 

 
VOAL
[Shko lart]