VARRIMI I COREY HAIM DO TË PAGUHET NGA QYTETI I TORONTOS
E Djelë, 03.14.2010, 06:57pm (GMT+1)
Voal-online Ndonëse miku më i mirë Corey Feldman thotë se Corey Haim vdiq pa lënë para mënjanë në emrin e tij, shpenzimet e varrimit të aktorit të ndjerë nuk do të përballohen nga nëna e tij.
Judy Haim, e cila është e sëmurë më kancer, tha për Access Hollywood se qyteti i Torontos do ta ndihmojë atë duke i mbuluar shpenzimet e varrimit të Corey Haim, të cilat do të bëhen të martën. Aktori i ndjerë ishte kanadian.
Judy gjithashtu thotë se Startifacts.com, një uebsajt përkujtimor i njerëzve të famshëm, ofroi të paguajë për varrin e djalit të saj dhe disa shpenzime të tjera. Deri tani nuk ka derdhur fonde në këtë drejtim. Një zëdhënës tha se kjo kompani do të paguajë $20 000 për familjen e aktorit Haim.
Ndonëse aktori kishte bërë disa projekte për filma të vegjël vitin e shkuar, miku i tij Chance Corbitt, i cili u njoh me Haim kur po xhironin filmin The Lost Boys, tha se aktori nuk kishte para për të paguar as faturat e shpenzimeve të tij të përditshme.
(http://www.people.com/people)
www.voal-online.ch
|