VOAL - Online Zëri i Shqiptarëve - A DO TË LUAJË NATALIE PORTMAN NË GIRL WITH THE DRAGON TATTOO?

(nga e majta) Lea Seydoux, Rooney Mara dhe Sophie Lowe

Voal-online -Me një regjisor, producent dhe me Daniel Craig i cili tashmë ka nënshkruar dhe madje edhe me datën e daljes së filmit në kinema të paracaktuar, përshtatja e Hollivudit e The Girl with the Dragon Tattoo (Vajza me tatuazh dragoni) është tashmë në kërkim të zonjës kryesore.

Por roli shumë i rëndësishëm i Lisbeth Salander, gjeni në matematikë dhe hakere kompjuterash në romaninin bestseller të mistereve të autorit Stieg Larsson, nuk është duke gjetur dot një fytyrë familjare në Hollivud.

Natalie Portmane, Ellen Page dhe Carey Mulligan ishin përfolur si konkurueset kryesore - dhe lexuesit e PEOPLE.com votuan për ta marrë Kristen Stewart në këtë rol. Por sipas një lajmi të Entertainment Weekly report, katër aktore aktore relativisht të panjohura janë aktualisht në qendër të vëmendjes për këtë rol. Ato janë:

Rooney Mara: Lindur dhe rritur në New York, karriera e saj në industrinë artistike filloi me role të vogla në Law & Order: Special Victims Unit dhe ER. Duke u shkëputur prej bizneseve të sporteve të trashëguara nga familja ajo është stërmbesë e themeluesit të Pittsburgh Steelers, Art Rooney, dhe themeluesit të Giants, Tim Mara ajo është parë kohët e fundit në A Nightmare on Elm Street dhe së afërmi do të luajë përkrah Justin Timberlake në The Social Network.

Léa Seydoux: Aktorja nga Parisi u afirmua në Cannes Film Festival sivjet me Russell Crowe dhe Cate Blanchett me të cilët promovoi filmin e tyre Robin Hood, dhe ndonëse ajo më së shumti është e aktivizuar në filma francezë, ajo ka luajtur edhe në filmin e Quentin Tarantinos Inglourious Basterds.

Sarah Snook dhe Sophie Lowe: Të dyja nga Australia, ato nuk kanë bërë debutin e tyre në filma amerikanë dhe kanë pak pjesëmarrje në filmat australianë, ndonëse Snook e filloi karrierën e saj vetëm më 2009 me një spot të vogël në një dramë popullore me temën e mjekësisë./Elida Buçpapaj