E Martë, 08.20.2019, 02:22pm (GMT+1)

Ballina Linqe Stafi Kontakt
 
 
::| Fjala:       [Advance Search]  
 
Gjithë lajmet  
LAJMI I FUNDIT
OPINONE-EDITORIALE
ZVICRA
INTERVISTË-PRESS
SHQIPTARËT
LAJME NDËRKOMBËTARE
POLITIKË
DIASPORA NË ZVICËR DHE BOTË
PERSONAZH
ART KULTURË
DOSSIER
KËNDI I SHKRIMTARIT
HOLLYWOOD
AFORIZMA
GOSSIPE
SPORT
::| Newsletter
Emri juaj:
Emaili juaj:
 
 



 
INTERVISTË-PRESS
 
Kalendar 8 maj ATSH
E Premte, 05.08.2009, 06:53am (GMT+1)

1786 - Në skenën e Teatrit Francez në Paris, u dha premiera e tragjedisë “Skënderbeu” e autorit francez Ulrik Debuson. Heroi ynë kombëtar, Skenderbeu, eshte bere personazh kryesor në shumë vepra të letërsisë, muzikës, arteve të bukura, që sintetizojnë vetitë dhe virtytet e shqiptarit. Lartësimi i figurës së tij, është vlerësim edhe per Shqiperine, në mbrojtje të vlerave njerëzore dhe civilizimit evropian.

1910 - U zhvillua beteja e Carralevës ndërmjet kryengritësve shqiptarë të udhëhequr nga Isa Boletini dhe ushtrive osmane, të komanduara nga gjenerali Shefqet Turgut Pasha. 20 mijë ushtarë osmanë u ndeshën me 8 mijë luftëtarë shqiptarë të lirisë. Pas 3 ditë luftimesh osmanët mundën të rrethonin kryengritësit, qe çanë rrethimin dhe u tërhoqën në Drenicë. Nga të dy palët pati shumë të vrarë dhe të plagosur.

     1926 - U përfundua marrëveshja ndërmjet Qeverisë Shqiptare dhe bankës Serbo-Shqiptare për dhënien në koncesion të minierave të bakrit në Pukë. Koncesioni ishte me afat 50 vjeçar dhe të drejtën për zgjatjen e afatit edhe për 30 vjet të tjera.

     1925 - U lind ne Elbasan, Faton Ahmet Gashi, doktor i shkencave mjekësore. Arsimin e mesëm e mbaroi në Tiranë. Gjatë kohës së luftës u përjashtua nga shkolla dhe u përndoq nga pushtuesit fashist. Shkoi në Kosovë, ku drejtoi gazetën “Lidhja e dytë e Prizrenit”. Pas luftës emigroi në Perëndim dhe më 1956 u vendos në Shtetet e Bashkuara të Amerikës. Atje diplomohet për mjekësi dhe specializohet për terapi moderne të Rehabilitimit fizik dhe Neuro-muskular. Bëhet anëtar i disa shoqatave të njohura mjekësore në SHBA dhe në botë, merr pjesë aktive në mjaft konferenca e kongrese ndërkombëtare, jep leksione në disa universitete.

     1937 - Mbreti Zogu i Parë dekretoi Ligjin për ndryshimin e emrave të disa qyteteve, fshatrave, lagjeve, lumejve, etj. me prejardhje nga gjuhët e popujve që ndër shekuj kishin pushtuar trojet shqiptare.

     1937- Vdiq në Tiranë kapiten Ethem Vlora, djali i madh i Ismail Qemalit. Në shenjë nderimi të familjes së shquar vlonjate, funerali i varrimit u bë me shpenzimet e Bashkisë.

     1942 - U nda nga jeta albanologu austriak Norbert Jokli, një nga viktimat shumëmilionëshe të kampeve naziste të shfarosjes. Jokli tërë jetën e tij ia kushtoi studimit të gjuhës shqipe dhe mësimit të saj në Universitetin e Vjenës. U thellua në etimologjinë dhe fjalëformimin në gjuhën tonë, në marrëdhëniet e shqipes me gjuhët e tjera, në fonetikën dhe morfologjinë historike të saj. Më 1911 botoi “Studime për etimologjinë dhe fjalëformimin e shqipes” dhe më 1923 “Gjurmime gjuhësore e historike-kulturore nga lëmi i shqipes”. Shumë studime të tij të rëndësishme janë botuar në faqet e shtypit, disa edhe pas vdekjes tragjike të autorit. Si punonjës i bibliotekës universitare, ai për 25 vjet mbajti rubrikën e bibliogarfisë për gjuhën shqipe në organin vjetor ndërkombëtar “Indogermanishes Jahrbuk”.

     1947 - U lind ne Vlore Kujtim Laro, kompozitor i talentuar, Artist i Merituar. Pas diplomimit në Institutin e Lartë të Arteve në vitin 1970 dha ndihmesën e tij të vyer për pasurimin dhe përhapjen e muzikës sonë nëpërmjet mikrofonit të Radio Tiranës. Pjesëmarrës i suksesshëm i festivaleve të këngës në Radio-Televizion dhe i veprimtarive të tjera muzikore të institucionit. Disa nga veprat e tij janë luajtur nga Orkestra Sinfonike e Radios dhe janë regjistruar për të mbetur në thesarin e kulturës sonë muzikore. Ai mbetet një nga kompozitorët që ka kontribuar më shumë në zhvillimin e kinematografisë shqiptare, duke kompozuar muzikën e rreth 25 filmave artistik.

     1990 - Kuvendi Popullor miratoi Ligjin për krijimin e Ministrisë së Drejtësisë dhe Ligjin “Për avokatinë”, institucione të hequra në vitet e diktaturës.

     1992- U përfundua në Romë “Memorandumi i mirëkuptimit ndërmjet Qeverisë së Shqipërisë dhe Qeverisë së Mbretërisë së Bashkuar të Britanisë së Madhe, mbi vendosjen e marrëdhënieve diplomatike të ndërprera pas pushtimit fashist të Shqipërisë më 7 prill 1939.

     1993- U ngrit në Bejrut të Libanit, Konsullata Shqiptare e Nderit me konsull nderi dr. Andre Amin Aour.

     1997-Në Qendrën Spitalore në Hajdelberg të Gjermanisë, u nda nga jeta Abdyl Lahni, luftëtar i vendosur i çështjes kombëtare. U lind në Gllamnik të Podujevës më 1941. Në bangat e shkollës u njoh dhe u bë shok lufte me Adem Demaçin. Në vitin 1964 arrestohet dhe dënohet me 10 vjet burg që i vuajti në burgun e tmerrshëm të Goli Otokut. Edhe pas lirimit ai vazhdoi veprimtarinë patriotike dhe përsëri arrestohet dhe dënohet nga shovinistët serbë. Në periudhat e lirisë ai ushtroi profesionin e nderuar të mësuesit dhe edukoi breza të tërë patriotësh.

     2000 - Në Elbasan, u përurua Poliklinika e re, me një vlerë prej 433 mijë euro. Ndërtimi i saj u financua nga Komuniteti Evropian.

     2000- Në Spitalin Obstetrik Gjinekologjik në Tiranë, u përurua reparti i fëmijëve të braktisur. Për rehabilitimin e tij qeveria amerikane akordoi 105 mijë dollarë.
www.voal-online.ch


Rating (Votes: )   
    Comments (0)        Dërgoja shokut        Printo


Other Articles:
Mimoza Kusari Lila: Anëtarësimi në FMN - moment i rëndësishëm (05.07.2009)
Kalendari 7 maj ATSH (05.07.2009)
Nermin Kumanova: Nëse ti nuk merresh me politikë, atëherë politika do të merret me ty (05.07.2009)
Berluskoni hap zemrën ndaj Veronikës dhe italianëve - "E majta vetëm shpif, Veronikën e dua, kthehu Veronika !" (05.06.2009)
Veronika Lario i thotë addio Berluskonit (05.03.2009)
Kalendar 3 maj ATSH (05.03.2009)
Kalendari 2 maj ATSH (05.02.2009)
Andrey Shary: Ballkani - strategjik për Rusinë (05.01.2009)
Kalendari 1 maj ATSH (05.01.2009)
Wisner: Si do të shuhet nacionalizmi i Ballkanit (05.01.2009)



 
::| Lajme të fundit
::| Kalendari
Gusht 2019  
D H M M E P S
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
 
::| Hot News
SA MBRAPA KA MBETUR UEFA... MJAFT U PËRKËDHEL SERBIANga OWEN GIBSON, The Guardian
KADARE - NUK IU JAP RËNDËSI XHUXHËVE DHE SPIUNËVE
Intervistë ekskluzive e shkrimtarit Ismail Kadare dhënë Vehbi Bajramit, botues i gazetës “Illyria” në New YorkISMAIL KADARE - DOKTRINA ANTISHQIPTARE E SERBËVE DO PËRMENDUR, SEPSE DOKTRINA KA MBETUR GJER MË SOT E PADËNUAR
DOLI NË QARKULLIM LIBRI I RI POETIK I ELIDA BUÇPAPAJT "RAPSODI E GOLGOTËS SË TRANZICIONIT"
PËRSHËNDETJA E PRESIDENTIT OBAMA NË RASTIN E 70 VJETORIT TË ZËRIT TË AMERIKËS
TRUPAT AMERIKANE NË KOSOVË NUK E ZVOGËLOJNË NUMRIN DERI NË MESIN E VITIT TË ARDHSHËM
Intervistë dhënë gazetës IllyriaISMAIL KADARE: Krimet serbe nuk mund të lihen në harresë në emër të paqësimit të gadishullitIntervistoi: Vehbi BAJRAMI

 
VOAL
[Shko lart]