E Premte, 10.31.2014, 12:50pm (GMT+1)

Ballina Linqe Stafi Kontakt
 
 
::| Fjala:       [Advance Search]  
 
Gjithë lajmet  
LAJMI I FUNDIT
OPINONE-EDITORIALE
ZVICRA
INTERVISTË-PRESS
SHQIPTARËT
LAJME NDËRKOMBËTARE
POLITIKË
DIASPORA NË ZVICËR DHE BOTË
PERSONAZH
ART KULTURË
DOSSIER
KËNDI I SHKRIMTARIT
HOLLYWOOD
AFORIZMA
GOSSIPE
SPORT
::| Newsletter
Emri juaj:
Emaili juaj:
 
 



 
INTERVISTË-PRESS
 
ALI LUSHAJ I KA NGRITË NJË MONUMENT SHIPSHANIT E TROPOJËS NË KULTURËN KOMBËTARE
Nga ISA HALILAJ

E Mërkurë, 07.03.2013, 07:36am (GMT+1)



Lexova me kujdes librin tuaj “Shipshani i Malësisë së Gjakovës”. Të lumtë! Ta them me plot gojën se ke bërë një punë dinjitoze, ndoshta më mirë se shumë të tjerë që kanë shkruar monografi të këtij lloji për vendlindjen e tyre.

Në vlerësimin e monografisë “Shipshani i Malësisë së Gjakovës” unë gjykoj në disa plane:

Së pari: ju manifestoni atdhetarizëm të pakufishëm, duke pasqyruar historinë e kulturën në truallin ku keni lindur e jeni burrëruar si pjesë e Tropojës dhe e gjithë Shqipërisë, duke punuar me tërë fuqinë tuaj shpirtërore, fizike e mendore.

Së dyti: e tregoni me vepër se të dhënat e librit tuaj janë autentike për gjithë periudhën gjysëm shekullore të shkruara me zemër të kthjellët, me vështrimin që kjo e kaluar vlerëmadhe t’i shërbejë të ardhmes, jopër t’u ngatërruar se kush unë e kush ti apo më keq ne e ju, ata e ne, por vetëm më të bashkuar si një trup i një gjaku e i një gjuhe. Ky mesazh u nevojitet brezave të ardhshëm, e këtë mesazh, libri juaj e jep më së miri.

Së treti: përmbledhja e librit tuaj ka një shtrirje enciklopedike për Shipshanin e krejt Tropojën. Aty ka histori, gjeografi, etnografi, demografi, folklor, e në qendër të të gjitha visareve qëndron e përshkruhet populli liridashës, patriot e punëtor i Shipshanit e i Tropojës, bijtë e bijat trime të atij vendi.

Ndërtimi, stili e gjuha e përdorur nga ju mjeshtërisht janë vënë në funksion të përmbajtjes së pasur e të plotë të librit.

Me mjeshtri janë zgjedhur ilustrimet dokumentare, skica dhe fotografitë e përdorura për çdo etapë zhvillimore dhe anë e sektor administrativ, ekonomik e kulturor të asaj zone.

Historia është histori, realiteti është realitet. Në gjysmën e dytë të shek. XX e në kapërcim të shekullit të ri Tropoja në mënyrë të pakundërshtueshme ka zhvillimin e vet në të gjitha fushat me arritje të pakrahasueshme që kurrësesi nuk mund të futen në thesin e harresës. Shiko qytetin “Bajram Curri”, një perlë e vërtetë mes Alpeve, i denjë për t’u krahasuar me qytetet alpine të Zvicrës, Austrisë e Gjermanisë. Atë qytet e ndërtuan dhe e gëzuan tropojanët.

Kush mund ta mohojë se Tropoja ka edhe disa qyteza, hotele e pika turistike, ka patur 6 spitale, e 110 ambulanca me një shërbim falas. Kush mund ta mohojë se deri në vitin 1990 kishin kryer 1.217 veta arsimin e lartë dhe mbi 650 të tjerë e vazhdonin. Se pati, mbi 20 ndërmarrje shtetërore, nga të cilat një SMT, Parkun Automobilistik me mbi 250 automjete e 20 autobuzë, e të tjerë e të tjerë.

Pavarësisht se tranzicioni e bëri punën e tij të mbrapshtë, po ama në kushtet e reja të ekonomisë së tregut, që autori i librit nuk i futet këtij problemi, tropojanët më mirë se më parë do ta gjallërojnë jetën ekonomike të asaj zone duke i krijuar rinisë të gjitha kushtet për t’iu futur punës në vend e për t’i gëzuar të gjitha burimet e gjalla të Malësisë, mbi dhe e nën tokën e saj. Këtë mesazh e jep libri i studiuesit veteran Ali Lushaj.

Në mënyrën e tyre shumë veta janë përpjekur që të bëjnë e të kenë diçka të mirë për vendlindjen e tyre. Kanë mbjellur pemë, kanë rregulluar çezma e kanë ndërtuar lokale shërbimi e tregtie komode e të mira, kanë ndërtuar shtëpi e vila që zbukurojnë vendin, etj. Po shërbim i madh është edhe të shkruash kështu siç ka bërë Ali Lushaj. Ky libër është një monument që i ngrihet Shipshanit dhe krejt Tropojës në kulturën shqiptare, ku letërsia dhe arti në Tropojë ka patur prurje të shumta dhe dinjitoze.

Në Malësinë e Gjakovës, në çdo kohë ka rrahur fort pulsi i atdhetarizmës, i punës dhe i këngës, i sportit dhe mbarë kulturës arbërore. Në panteonin e pasur të kulturës në Tropojë ka vendosur një gur të çmuar edhe patrioti zemërmirë Ali Musë Lushaj.

-

Isa HALILAJ - Mësues i Merituar,
historian, publicist, kulturolog


ISA HALILAJ


Rating (Votes: )   
    Comments (0)        Dërgoja shokut        Printo


Other Articles:
PRESIDENTI OBAMA PËRFUNDON TURNEUN AFRIKAN (07.02.2013)
NË SHQIPËRI PROBLEMI JANË INSTITUCIONETNga FRED ABRAHAMS* (07.02.2013)
THAÇI - DEKLARATA KUSHTETUESE E 2 KORRIKUT 1990, AKT GUXIMI (07.02.2013)
Në 110 vjetorin e lindjesDON KOLEC PRENNUSHI: "PËR KRISHTIN O KUNDËR KRISHTIT"Nga FRITZ RADOVANI (07.02.2013)
FOTO E JAVËS - PRESIDENTI OBAMA DHE ZONJA E PARË FLASIN NË TELEFON ME GRUAN E ISH PRESIDENTIT MANDELA (07.02.2013)
VALBONË - FLUKS I MADH TURISTËSH TË HUAJ DHE VENDAS (07.02.2013)
2 KORRIK 1990 – 2 KORRIK 2013, 23 VJET NGA HYRJA NË AMBASADANga ILIR HYSA (07.02.2013)
PRESIDENTI OBAMA ARRITI NË TANZANI (07.01.2013)
PROJEKTI EVROPIAN I REVISTËS 'EUROPA' (07.01.2013)
FJALORËT E DAJËS, DHE KY I TANISHMI SHQIP-SUEDISHT DO JENË GURËT E SHENJTË TË GJUHËS SHQIPENga SOKOL DEMAKU (06.30.2013)



 
::| Lajme të fundit
::| Kalendari
Tetor 2014  
D H M M E P S
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
 
::| Hot News
SA MBRAPA KA MBETUR UEFA... MJAFT U PËRKËDHEL SERBIANga OWEN GIBSON, The Guardian
KADARE - NUK IU JAP RËNDËSI XHUXHËVE DHE SPIUNËVE
Intervistë ekskluzive e shkrimtarit Ismail Kadare dhënë Vehbi Bajramit, botues i gazetës “Illyria” në New YorkISMAIL KADARE - DOKTRINA ANTISHQIPTARE E SERBËVE DO PËRMENDUR, SEPSE DOKTRINA KA MBETUR GJER MË SOT E PADËNUAR
DOLI NË QARKULLIM LIBRI I RI POETIK I ELIDA BUÇPAPAJT "RAPSODI E GOLGOTËS SË TRANZICIONIT"
PËRSHËNDETJA E PRESIDENTIT OBAMA NË RASTIN E 70 VJETORIT TË ZËRIT TË AMERIKËS
TRUPAT AMERIKANE NË KOSOVË NUK E ZVOGËLOJNË NUMRIN DERI NË MESIN E VITIT TË ARDHSHËM
Intervistë dhënë gazetës IllyriaISMAIL KADARE: Krimet serbe nuk mund të lihen në harresë në emër të paqësimit të gadishullitIntervistoi: Vehbi BAJRAMI

 
VOAL
[Shko lart]