FALEMINDERIT MOTRA JONË E DASHUR TIZIANA! Nga MERITA BEKTESHI (URBANO) - ish operatore e Caritasit nr 129
E Premte, 12.19.2014, 03:47pm (GMT+1)
Ajo ishte motra jone e dashur , suor Tiziana.U be protagoniste e lagjes time ne vitet e luftes se Kosoves.
Ne ato vite te mbrapshta kjo murgeshe trime rrezatonte me gjithe miresine e saj e lehtesonte dhembjet e familjeve kosovare te shpernulura ne qytetin tone.Ishte krejt e thjeshte histori e njohjes me moter Tizianen nje grua trime ,e shkathet ,motra qe shkrepetin e therrisnin ate kosovaret.Ajo su lodh kurre duke shperndare ndihmat e pafundme qe prej ushqimeve me elementare e deri ne shampot per koke e per trup te te gjitha markave per familjet e shperngulura kosovare.Nuk mungonin as te brendshmet e markes "Liabel" prej pambuku e prej leshi te cilesise me te mire dysheket apo jorganet e te gjitha tipeve per te gjithe llojet e krevateve.Vetem njehere e vume ne veshtirese motren tone,pasi i kerkuam nje pale kepuce me numer 45 .Ajo thonte qe nuk i gjente dot ,por pasi mberriten edhe ndihmat nga nje tjeter kontigjent ne misionin e atehershem misionin " arcobaleno " : edhe kepucet me nr 45 u gjeten ,biles dhe te ngrohta.
Neve ne grupin tone kishim gjithsejt 98 kosovare me sa mbaj mend ,te gjithe nga Peja.Moter Tiziana kishte perzgjedhur qendren tone per te ndihmuar kosovaret sepse ne ate qender ( qe ishte ne nje lagje me banore me shumice muslimane ) misionet e huaja kishin depertuar me pakice.Moter Tiziana pasi konstatoi numrin e shumte te kosovareve qe strehoheshin ne shtepite afer qendres tone ( baneses tone )vendosi menjehere te jepte kontributin e saj me te gjitha mjetet per keta familje ne nevoje.Dhe ndihmat ishin te papara,te konsiderueshme dhe mjaft cilesore.Ishin aq te teperta sa nje dite mendova ti bej nje lutje " Moter e dashur Tiziane ,a mund te ndihmojme dhe famijet shkodrane te varfera qe jetojne ketu pereth meqenese ndihmat jane te bollshme ? Ajo mu pergjigj : Po Merita !vetem per cdo shperndarje me bej nje inventar te sakte ,sepse une jap shpjegime per cdo material te dhuruar tek eproret e mi.
C'te them moter Tiziana ishte e papare! Por duhej te kalonim edhe neve sproven e radhes.Nje femije nga kosovaret qe jetonte afer baneses tone ben nje aksident dhe gabimisht nje autobus urban i shtyp kemben kur po ecte indietro.Vrapuam te gjithe si te ishte femije i te gjitheve Djali ishte biri i Smajl dhe i Mire Osmanaj, nje cift i mrekullueshem nga Peja ! Ne fillim u dergua ne spitalin rajonal te Shkodres, ku mjeku Vu katana beri te pamunduren per ti shpetuar kemben ,por na rekomandoi ta nisnim jashte shteti meqenese nuk kishin mjete per ta asistuar me vone djalin.Nderhyme nepermjet karabiniereve te misionit " Arcobaleno " qe njihte moter Tiziana ta nisnin djalin per ne itali,por ishte shume e veshtire per ti dhene nje vize dhe djali nuk nisej dot vetem pa nenen e tij.Karabinieret kerkuan nga ambasada te pamunduren dhe nuk arriten shume.Ditet kalonin dhe leotrimin e spostuan nga spitali i Shkodres per ne spitalin e Tiranes ku gjendja ishte e tmerrshme .Dita dites kemba mund ti infektohej dhe rrezikonte keputjen totale.Atehere ne nje dite te lume moter Tiziana se bashku me karabinieret Italiane te misionit" Arcobaleno "e moren djalin ne krahe si te ishte femija i tyre ,therasin nenen e tij dhe nisen per ne aeroportin e Tiranes .Policia kontrollon dokumentat dhe veren qe dokumentat e nene Mires kishin mangesi.Motra jone Tiziane se bashku me karabinieret vrapon drejt ish kryeministrit Pandeli Majkos qe po nisej dhe ai diku per jashte dhe i luten " Te lutem zoteri na ndihmoni ta dergojme kete femi kosovare per mjekim jashte ne Itali ,perndryshe do humbase perfundimisht kemben " Lejojeni nenen e tij te niset ne avion me te se ne anen tjeter do ndihmojem neve qe ajo te hyje normalisht ne Itali.Fondet i kemi grumbulluar me bamiresi.
Ne moment Pandeli Majko bisedon dicka me policet e aeroportit dhe te dy ,nene e bir shoqeruar nga dy karabinieret e misionit te modenas " Arcobaleno ", lejohen te udhetojne per ne Itali ku djali do operohet edhe 5 here te tjera dhe pas nje muaj e gjysem ne dhomen iperbarike do i shpetohet kemba komplet dhe do i jepej mundesia qe ai te mbathte kepuce si gjithe bashkemoshataret e tij.Ishte nje gezim i papare per neve ,ja arritem asaj qe deshem edhe pse era frynte kunder nesh.Moter Tiziana ishte perfundimisht e lehtesuar qe edhe kosovaret e grupit tone po ktheheshin te gjithe shendosh e mire per ne vendet e tyre ,ne ishim po te gezuar sepse beme dicka qe na e urdheroi zemra,ndihmuam te gjithe kosovare dhe jo kosovare qe ishin ne nevoje .Kishte plot ,kishte per te gjithe.Fundi i misionit shenoi dhe fundin e shoqerise tone te mrekullueshme me moter Tizianen.Ajo kerkoi te kthehej prape ne Brazil.Aty ku varferia ishte ne ekstrem .Ajo na pershendeti dhe na the do shihemi prape Merita " i thashe e dashur Tiziane ,rrini dhe pak ne Shqiperi ,edhe ketu ka varferi " "Po tha ka varferi por diku tjeter kane me shume nevoje per ne ".
Ato ishin fjalet e fundit qe motra Tiziane ne la si kujtim.Ajo ishte me te vertete vetetime .I pelqente te ndihmonte kedo qe ishte ne nevoje ,katolike apo muslimane kosovare apo shkodrane ,mjafton qe gjithcka te ishte inventarizuar me regull.Ajo dhe shume misionare te asaj kohe te caritasit punuan me mish e me shpirt e pa orare qe gjithcka te ecte si duhej. Sot leotrimi eshte ne Itali dhe duket se spitali italian e ka italianizuar komplet edhe ate.Ai gjithmone na falenderon neve dhe ne falenderojme zotin qe kishim prane nesh motren Tiziane dhe Karabinieret Italiane ,por dhe zotin Pandeli Majko qe mundesuan kete akt human te paharrueshem.
MERITA BEKTESHI (URBANO)
|