DEKLARIME TE GAZETAREVE SHQIPTARE QE KANE PERCJELLE NE STRASBURG SAMITIN E NATO-S, KU SHQIPERIA U PARAQIT NE KRAH TE ALEATEVE PERENDIMORE

Deklaroi per Voal-online

Juela Mecani,  gazetare dhe zedhenese e Kryeministrit te Shqiperise

Pranimi i Shqiperise ne NATO perben nje moment historik per Shqiperine dhe te gjithe kombin shqiptar. Tani nuk kam e dyshim se Shqiperia ka dale nga udhekryqi i tranzicionit dhe pas pranimit ne NATO, ajo shpejt do te jete edhe pjese e BE-se. Mendoj se anetaresimi ne NATO do teperbeje ngjarjen me te rendesishme per shqiptaret ne shekullin e 21. Pas vuajtesh shekullore, mendoj se me ne fund ora e shqiptareve eshte kthyer per se mbari.

Sami Neza, Kryeredaktor i "Standard"

Prej shekujsh flamuri shqiptar dhe shqiptaret ne pergjithesi  kane munguar ne ngjarjet  politike, ushatrake dhe diplomatike te Evropes ndersa prej dje iu bashkuam me ne fund dhe perfundimisht miqve natyrale te shqiptareve.Ata shqiptare qe kane mundesi si ne gazetaret qe po ndjekim punimet e samitit te NATO-s, ta shohin nga afer keto dite renditjen e  Shqiperise mes 28 "te froteve" te botes nuk  do ta harrojne me ate moment te kontaktit te pare me faktin. Delegacioni i Shqiperise mberriti dje ne Strasburg per t'iu ngjitur presidenteve dhe kryeministrave te 28 vendeve te NATO-s ne te gjitha aktivitetet e tyre. Ndoshta do te mbetet nder delegacionet me  historike  shqiptare fatmiresisht jo me per te mbrojtur te drejtat e shqiptareve por per te konsoliduar te drejtwn e tyre per te mbrojtur te tjeret dhe demokracine ne bote. Nderkaq vete Shqiperia tashme i duhet te jetoje pervec me privilegjet e organizates edhe me pergjegjesite e saj si nje nga 28 votat  qe vendose jo rralle per fatet e botes.

 

Denis Minga, Redaktor Pergjegjes i News 24

Padyshim qe anetaresimi ne NATO perben nje moment te rendesishem per vendin, pasi duke qene pjese e nje Aleance kaq te madhe dhe kaq te sigurt, Shqiperia do te konsiderohet gjithnje e me teper nje vend me i sigurt dhe kjo do te shtoje edhe investimet e huaja. Tjeter moment pozitiv i anetaresimit ne NATO eshte fakti qe mendoj se do ta beje me te pergjegjshem politiken shqiptare per te mos shkelur standartet e demokracise per te qene nje vend ne NATO, pasi eshte shume e kufizuar  hapesira per cdo politikan per te shkelur standartet e demokracise apo ceshtje e tjera qe lidhen me lirite e njeriut apo edhe te demokracise moderne.

Esmeralda Mulaj, gazetare e TVSH

Antarsimi i Shqiperis ne Nato shenon kthesen e  madhe ne historine e kombit shqiptar. Askush nuk do te mund te neperkemb me popullin shqiptar ne Shqiperi, Kosove, Mal te Zi, Maqedoni a kudo qe ndodhen anembane botes.    Nje popull qe per shkak se ishte i vogel iu nenshtruar per shekuj ndarjes e coptimit, nje popull qe vuajti diktaturen me te eger ne Europe nje popull i etur per liri  qe sot e ne shekujt e mijevjecaret qe do te vijne do te lundroje ne mrekullin e tij. Sot te gjithe ne themi me krenari se jemi shqiptare, Flamuri kuq e zi falvitet mes flamujve te demokracive me te medha te botes dhe shteteve me te fuqishme. Bota qe sot do ta shoh ndryshe Shqiperin, fjala e saj do te degjohet e vendimi do te pranohet. Pra sot ne jemi ndryshe, me te fort, me te medhenj dhe me te sigurt.