10.11.2011

Dëshmia e ish presidentit amerikan, Riçard Nikson, para jurisë, për skandalin Uotergejt, që e shkatërroi presidencën e tij, do të publikohen sot.

Historianët shpresojnë se dëshmia e bërë në qershor të vitit 1975, që do të bëhet publike në Internet nga Libraria Presidenciale e ish presidentit Nikson, do të paraqesë tregimin më të vërtetë të rrethanave, që çuan në dorëheqjen e tij, në gusht të vitit 1974, nën kërcënimin për shkarkim.

Ishte kjo hera e parë që një ish president të dëshmoj para jurisë.

Riçard Nikson pat dhënë dorëheqje më 9 gusht 1974, pasi ishte ballafaquar me shkarkim pothuajse të sigurt në Kongres, për shkak të involvimit të administratës së tij në skandalin Uotergejt dhe përpjekjet e mëtejme për rolin e tij në fshehjen e rastit.

Skandali kishte të bënte me përgjimin e selisë së Komitetit Kombëtar të Partisë Demokratike, në kompleksin e zyrave në Uotergejt në Uashington.

(http://www.evropaelire.org)

Rating (Votes: )

Comments (0)

Dërgoja shokut

Printo

---