Shet koka-kola, e prodhime të vendit,
Në uijt e Kronit, si melodi me lahutë,
Në vendin e legjendave të motshme,
Përshëndet rrugtarët, në çdo minutë.
...!
Ja zgjata një 2-mijë lekshe..., ia dhashë,
-Çka dëshiron? -më pyeti AjoMue ?
-Asgja nuk dua, moj motër, -i thashë,
Janë për Ty, nderim, me të respektue.
Ma hodhi shikimin, diçka ndërdyzash,
(Duket, bleu, -e kam me gjithë mend),
I thash se -jam një amerikan-Tropoje,
Nderin e kemi, vetëm në këtë vend !
Ju dridh pak dora, diçka se ç'ndrojti:
-E paç rrugën hapur, ngado të shkosh!
Gjithmonë, bollek, Ty, t'i baftë Zoti,
Dhe kurrë, në jetë, mos i dëshirofsh !
...!
Ma japin një dollar, disa klientë në USA,
Kur i ndihmoj ushqimet me ngarkue,
Ju thom: -"Thank you", -e dridhet buza,
Fjalët e pukjanes, (vetvetiu), tuj kujtue!