Voal-online -  "Nuk besoj se një politikan do t'i lejonte vetes që të bënte dallime midis jetës publike dhe private ". Barbara Berlusconi, e intervistuar nga  Vanity Fair, reagon kështu pas ndodhive më të fundit, të cilat kanë disa muaj që kanë përfshirë kryeministrin e Italisë, duke filluar prej festës në Kazoria (Caloria ) deri tek regjisttrimet e Patrizia D'Addario-s. Në intervsitën e gjatë dhënë revistës të përmendur më lart, e cila numrin e vet ia dedikon fëmijës të parë  të kryeministrit me Veronica Lario-n, pas lindjes të djalit të saj të dytë, Eduardit, që është vetëm dy-tre javësh. Barbara, 25 vjeçare nuk ka paragjykime dhe flet me zemër të hapur ashtu si mendon. Përsa i përket ndarjes së pasurisë, Barbara thotë: "S'do të ketë luftë nëse im atë do të jetë i drejtë".

Barbara Berluskoni jep mendimin e saj edhe për moralin, duke komentuar raportin që ka morali në jetën e politikanit. "Mendoj se një shoqëri e shpreh një sens të moralit të përbashkët thotë Barbara. Përfaqësuesit e klasës politike që kanë fituar votat për të qeverisur sa më mirë, me qëllim që t'i sjellin të mira komunitetit, duhet që të dijnë të mbrojnë edhe vlerat e kësaj shoqërie, dhe mundësisht t'i zhvillojnë ato në nivelet më të larta ". Nga ky pikëvështrimi, ata që përfaqësojnë administratën e Shtetit nuk mund të bëjnë dallime midis sjelljeve publike dhe atyre private.

 

Rreth festës së Noemisë, 25 vjeçarja thotë se ndihet e "habitur" për sjelljet e të jatit në raport me Noemi Letizia. "Historia ime - shpjegon Barbara Berluskoni është ajo e një vajze që ka jetuar një rini normale dhe të kthjellët. Nuk kam frektuentuar kurrë burra të vjetër në moshë. Janë lidhje psikologjike që nuk kam eksperiencë ".

Për sa i përket divorcit të prindërve të saj, ajo flet me një dhimbje të thellë dhe dëshirë për t'i mbështetur që të dy: "Dhimbja është tepër e madhe, pasi e kam tepër të fuqishëm vlerën e familjes, por të paktën që të tre (e ka fjalën për motrën tjetër dhe vëllain) jemi të rritur, dhe këtë moment të vështirë po e kalojmë në një moshë të përgjegjëshme. Dua që të jem pranë të dy prindërve të mi. "

Për sa i përket polemikës me sekretarin e PD, Dario Franceschini Barbara Berluskoni  e minimizon këtë episod, duke e konsideruar një polemikë për efekte elektorale. Është fjala për momentin kur sekretari i PD-së sulmon Berlusconi-n, duke iu drejtuar bashkëpunëtorëve të kryeministrit me pyetjen: "A do të lejonit që t'i edukonte fëmijët tuaj një burrë si ky ?" "Nuk besoj që ta ketë patur me ne", thotë Barbara. Dhe pastaj shton se « Unë besoj se ai flet nga pozita të një identiteti kultural të ndryshëm nga ai joni ".

Intervista nuk la mënjanë edhe argumentin e pasurisë të Kavalierit, rreth rolit të fëmijëve të Berluskonit nga martesa e parë dhe nga ajo me Veronica Larion. "Sot nuk ka asnë luftë, sepse babai im është një burrë i drejtë dhe na do të gjithëve në mënyrë të barabartë », e prêt shkurt Barbara, e cila nuk përjashton as një të ardhme të afërt në drejtimin e Mondatori-t.