Prishtinë, 9 gusht Maksim Ferra ka rekrutuar mbi 50
agjentë në Kosovë për organizatën e tij të quajtur Agjencia e Kërkimit dhe e
Investigimit. Të gjithë janë identifikuar dhe po zhvillohen hetime nga
Prokuroria për përfshirje në veprime kriminale.
"Koha Ditore" ka siguruar një listë të këtyre njerëzve të gjithë kosovarë.
Ish-policë, ish-kandidatë për deputetë, njerëz që pretendojnë se kanë punuar
për Shërbimin Informativ të Kosovës sipas kësaj liste të hartuar nga
autoritetet e rendit punojnë për Maksim Ferrën nga Shqipëria.
Ish-pjesëtari i Njësisë Speciale të Policisë së Kosovës, ROSU, Arbresh Dalipi,
figuron si specialist në këtë organizatë. Specialist është edhe fotoreporteri
Vedat Xhymshiti, sikurse edhe pretenduesi se ka qenë pjesë e SHIK-ut, Naim Miftari.
Ata gjenden në një listë prej 50 personash të cilën e posedojnë Policia e
Kosovës dhe Prokuroria.
Faton Mehmetaj del te jetë drejtor për Kosovë i Agjencisë së Kërkimit dhe
Investigimit (AKI). Bilall Kryeziu, shef i AKI-së, e Rino Jonay, shqiptar nga
Kosova koordinator në Shtetet e Bashkuara të Amerikës. Si agjente figuron edhe Fitnete Ramosaj - autore e
disa librave për luftën në Kosovë. I fundit në listë është Xhavit Berisha, si
agjent kërkimi.
Zejnullah Ganiu e Mair Qaili janë agjentë për Republikën e Maqedonisë.