VOAL - Online Zëri i Shqiptarëve | ||||
NAIM MIFTARI: VËLLAI I THAÇIT, INFORMATOR I UDBsë Me Nazim Bllacën flasin për sulmin e serbëve ndaj familjes Jashari, gazetarit Bardhyl Ajeti, Selim Broshit, Ibush Kllokoqit dhe vrasje e sulme të tjerë E Premte, 08.10.2012, 10:13pm (GMT1) Prishtinë, 10 gusht - Në një video ekskluzive që e ka siguruar Koha Ditore, shihen bashkë dy të vetëshpallurit agjentë të SHIK-ut duke folur për "problemet e mëdha". Dy personazhet, të bërë të famshëm së fundi për përplasjet mes tyre dhe letrat e shkëmbyera mes veti, ishin takuar kohë më parë në shtëpinë e Nazim Bllacës. Në këtë takim ata flasin për sulmin e serbëve ndaj familjes Jashari, gazetarit Bardhyl Ajeti, Selim Broshit, Ibush Kllokoqit dhe vrasje e sulme të tjera. Në këtë video, Naim Miftari, i cili në gjykatë kishte mohuar që njihej me Nazim Bllacën, kurse tash shihet duke pirë çaj në shtëpinë tij, pretendon se ka fakte që e implikojnë vëllanë e kryeministrit Hashim Thaçi me shërbimin informativ serb (UDB). Megjithëse publikisht thotë që nuk është Azem Syla pjesë e SHIK-ut, në shtëpinë e agjentit Nazim Bllaca, Naim Miftari e pohon të kundërtën. Ai madje pretendon se informacionet e marra nga Shërbimi Informativ i Kosovës fillimisht shpërndaheshin në shërbimet sekrete serbe e pastaj ktheheshin në instancat kosovare. Miftari në këtë video flet edhe për shumë raste tjera të ndjeshme e të cilat deri tani kanë qenë enigmatike. www.voal-online.ch
|
||||
Copyright © 2005-2008 Nulled by [x-MoBiLe]. All rights reserved. |