E Enjte, 03.28.2024, 07:43pm (GMT+1)

Ballina Linqe Stafi Kontakt
 
 
::| Fjala:       [Advance Search]  
 
Gjithë lajmet  
LAJMI I FUNDIT
OPINONE-EDITORIALE
ZVICRA
INTERVISTË-PRESS
SHQIPTARËT
LAJME NDËRKOMBËTARE
POLITIKË
DIASPORA NË ZVICËR DHE BOTË
PERSONAZH
ART KULTURË
DOSSIER
KËNDI I SHKRIMTARIT
HOLLYWOOD
AFORIZMA
GOSSIPE
SPORT
::| Newsletter
Emri juaj:
Emaili juaj:
 
 



 
INTERVISTË-PRESS
 
Vazhdojnë tensionet në Mitrovicë
E Shtunë, 08.29.2009, 01:52pm (GMT+1)

 

Gjendja në pjesën veriore të Mitrovicës edhe sot është vlerësuar të jetë e tensionuar. Ndonëse nuk janë shënuar incidente, autoritetet e rendit kanë njoftuar për tubime të qytetarëve serbë e atyre shqiptarë tek lagjja Kroi i Vitakut.

Qytetarët shqiptarë dhe ata serbë në pjesën veriore të Mitrovicës, tek lagjja Kroi i Vitakut, edhe sot kanë vazhduar të kenë mospajtime rreth ndërtimeve që po bëhen në këtë pjesë të qytetit.

Serbët e atjeshëm vazhdojnë t'i pengojnë banorët shqiptarë në renovimin e shtëpive të tyre, përderisa në mes dy komuniteteve të revoltuara mbetet e përqendruar Policia e EULEX-it dhe ajo e Kosovës, me qëllim të pengimit të eskalimeve dhe dhunës.

Përveç akuzave ndaj serbëve, të cilët kanë uzurpuar vendin ku shqiptarët po ndërtojnë shtëpitë e tyre, banorët shqiptarë akuzojnë edhe Policinë e Kosovës, komandën në veri, e cila drejtohet nga serbët, se është e përfshirë në pengimin e ndërtimit të shtëpive të tyre.

Këto akuza, ata i mbështesin në faktin se policia nuk i ka penguar serbët që të pozicionohen në pronat e shqiptarëve ku po kryhen punimet.

Musa Haliti, banor i kësaj lagjeje, thotë se fajtorë për gjendjen e krijuar dhe bllokimin e punëve janë edhe policët e stacionit verior, edhe ata të EULEX-it.

"Sot ndodhin këto marri nga ana e pjesëtarëve serbë të Policisë së Kosovës, kurse ajo që na nxit edhe më shumë, është se Policia e EULEX-it i është bashkangjitur palës joreale që ka ardhur këtu. Marria më e madhe është që këta njerëz (policia) kanë bërë kordonë pikërisht këtu tek ne", thotë banori Musa Haliti.

Mirëpo, në anën tjetër, komandanti i stacionit verior, Millija Millosheviq, thotë se policia nuk është e përfshirë në çështjen e lejimit apo pengimit të ndërtimeve dhe se ajo përkujdeset vetëm për sigurinë e atjeshme.

"Ne, si polici, nuk duam që t'ia ndalojmë dikujt dhe as që e kemi atë të drejtë që dikë ta pengojmë në ndërtimin apo kthimin në pronën e tij. Të gjithë njerëzit që jetojnë në territorin e Kosovës, kanë të drejtë të kthehen nëpër pronat e tyre", thotë Millosheviq.

Policia, shton ai, ka autorizim që të pengojë dhe parandalojë çdo incident dhe dhunë të mundshme.

Ndërkohë, një banor serb i veriut të Mitrovicës, Dragosllav Zhivkoviq, thotë se serbët tubohen në shenjë proteste ndaj punimeve të shqiptarëve në pronat dhe shtëpitë e tyre.

"Jemi marrë vesh që të rinovohen pesë shtëpi në të dyja anët. Shqiptarët i kanë rinovuar 23 shtëpi, kurse ne pesë sosh", shprehet Zhivkoviq.

Me zhvillimet në Mitrovicë dhe përfshirjen e policisë së atjeshme po merret edhe Komanda Qendrore në Prishtinë.

 

Zëdhënësi i Policisë së Kosovës, Arbër Beka, thotë se janë duke u zhvilluar disa hetime të brendshme për të vërtetuar nëse komanda në veri ka marrë vendime të shkëputura nga zinxhiri komandues apo jo.

"Është një zinxhir unik komandues, ashtu siç është e paraparë në Ligjin për Policinë. Në Drejtorinë e Përgjithshme të Policisë është duke u bërë një vlerësim sa u përket veprimeve të ndërmarra policore në veri të Mitrovicës".

"Në rast se rezultatet e këtij vlerësimi tregojnë se ka pasur ndonjë devijim sa i përket zinxhirit komandues, atëherë do të formohet një ekip i veçantë hetimor, ose rasti do të përcillet tek Inspektorati Policor i Kosovës",
thekson Beka.

Gjendja në Mitrovicë, ndonëse e qetë, nga institucionet vendase vlerësohet e tensionuar. Aktualisht, autoritetet vendore dhe ato ndërkombëtare po përpiqen të gjejnë një zgjidhje që banorët serbë të tërhiqen dhe të lejojnë banorët shqiptarë t'i vazhdojnë punimet.

Dje, kryeministri Hashim Thaçi i ka quajtur të papranueshme veprimet e grupeve të serbëve për moslejimin e shqiptarëve që të jetojnë e punojnë në pronat e tyre. Ai ka paralajmëruar masa edhe kundër zyrtarëve, përfshirë dhe ata të policisë, që pengojnë normalizimin e jetës në këtë qytet. REL 28 gusht 2009
www.voal-online.ch


Rating (Votes: )   
    Comments (0)        Dërgoja shokut        Printo


Other Articles:
EUObserver: Lidershipi Kosovar përplaset me autoritetet e BENga Andrew Rettman (08.29.2009)
Policia dhe EULEXi vazhdojnë t'i pengojnë shqiptarët në rindërtimin e shtëpive në veri (08.29.2009)
Policia do të bëjë vlerësimet e veprimit të pjesëtarëve të saj te Kroi i Vitakut (08.29.2009)
Prolongimi i marrëdhënieve me Kosovën (08.29.2009)
Këmbimet tregtare të Kosovës me vendet e rajonit (08.29.2009)
Ellison: Rusia të zgjedhë mes Polonisë e Ballkanit (08.29.2009)
Statfor: Politika e jashtme e Serbisë është skizofrenike (08.28.2009)
Djajtë e kanë gjumin e lehtëNga Ismail Kadare (08.27.2009)
Zëri i Amerikës: Veprimtarët e lëvizjes Vetëvendosja sulmojnë makinat e EULEXit (08.26.2009)
BBC: Dënohet sulmi ndaj EULEXit (08.26.2009)



 
::| Lajme të fundit
::| Kalendari
Mars 2024  
D H M M E P S
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
 
::| Hot News
SA MBRAPA KA MBETUR UEFA... MJAFT U PËRKËDHEL SERBIANga OWEN GIBSON, The Guardian
KADARE - NUK IU JAP RËNDËSI XHUXHËVE DHE SPIUNËVE
Intervistë ekskluzive e shkrimtarit Ismail Kadare dhënë Vehbi Bajramit, botues i gazetës “Illyria” në New YorkISMAIL KADARE - DOKTRINA ANTISHQIPTARE E SERBËVE DO PËRMENDUR, SEPSE DOKTRINA KA MBETUR GJER MË SOT E PADËNUAR
DOLI NË QARKULLIM LIBRI I RI POETIK I ELIDA BUÇPAPAJT "RAPSODI E GOLGOTËS SË TRANZICIONIT"
PËRSHËNDETJA E PRESIDENTIT OBAMA NË RASTIN E 70 VJETORIT TË ZËRIT TË AMERIKËS
TRUPAT AMERIKANE NË KOSOVË NUK E ZVOGËLOJNË NUMRIN DERI NË MESIN E VITIT TË ARDHSHËM
Intervistë dhënë gazetës IllyriaISMAIL KADARE: Krimet serbe nuk mund të lihen në harresë në emër të paqësimit të gadishullitIntervistoi: Vehbi BAJRAMI

 
VOAL
[Shko lart�]