Retë e varura mbi majat dhe shpatet e maleve i kthejnë ato në fantazma.  Mjegulla e lagësht bie mbi lugina dhe i gjithë pejsazhi është i mbuluar nga një gri ëndërruese.  Kështu vjen dhe emri "Smokys", tymnajat për parkun kombëtar Great Smoky Mountains.

Pyjet e vjetra, shumë të vjetra i kanë mbijetuar Epokës së Akullit. Great Smokys kanë më shumë drurë autoktonë se sa gjithë Evropa Veriore.  Pjesa më e madhe e këtij parku kombëtar është ende e pashkelur.  
Por shtigjet alpine prej 800 miljesh e bëjnë këtë pejsazh të afërt për njerëzit.

Dikur, njerëz tamam si ne, tentuan ta kultivonin këtë natyrë të egër.  Këta ishin gra dhe burra të guximshëm të maleve.  Tani koha i ka lënë ata në mjegullën e harresës.

Këtu ne mund të dalim nga epoka e elektronikës në një botë të praprekur prej saj.  Shëpiza, kasolle, stalla, këmbana kishash. Askush nuk ka jetuar këtu për gjysmë shekulli.