Liria e mediave është duke u përballur me sfidën më të madhe që nga Lufta e Ftohtë, pasi në të kanë ndikuar bllokimet në Internet, zhurmat satelitore dhe rikthimi i zhurmave në valët e shkurtra.

Deklarata është lëshuar në emër të grupit të transmetuesve kryesorë ndërkombëtarë, përfshirë: Audiovisuel Extérieur de la France (AEF), Australian Broadcasting Corporation (ABC) [Australi], British Broadcasting Corporation (BBC) [Mbretëri e Bashkuar], The Broadcasting Board of Governors (BBG) [SHBA], Deutsche Welle (DW) [Gjermani], Nippon Hoso Kyokai (NHK) [Japoni] dhe Radio Netherlands Worldëide (RNW).

"Zhurma e transmetimeve satelitore është bërë një dukuri e rregullt, pasi regjimet përpiqen të bllokojnë shërbime të caktuara. Këto zhurma ndikojnë zonat që shtrihen nga Evropa Veriore në Afganistan dhe në Afrikën e Veriut. Po ashtu kemi parë bllokim të shërbimeve në Internet dhe sulme kibernetike ndaj organizatave mediatke në gjithë botën, zhurma në valë të shkurtra dhe ndërhyrje në transmetimet FM. Liria e mediave nuk është përballur me një fushatë të tillë të koordinuar të pengesave që na fundi i Luftës së Ftohtë", thuhet në deklaratë.

Reagimi përkon me 3 majin, që është edhe Dita Ndërkombëtare e Lirisë së Shtypit.

Transmetuesit po ashtu u kanë bërë thirrje të gjitha vendeve që të njohin rolin legjitim të transmetuesve ndërkombëtarë në ofrimin e qasjes së lirë te mediat globale dhe në mbulimin e ngjarjeve.

Rating (Votes: )

Comments (0)

Dërgoja shokut

Printo

---