Njerëzit në Australi ishin dje dëshmitarë të një eklipsi tepër të rrallë të diellit. Shumë prej tyre, të pajisur me teleskopë, brohoritën ndërsa hëna rrëshqiste midis Tokës dhe Diellit, duke krijuar një spektakël qiellor të njohur si "unaza e zjarrtë".

Eklipsi, që errësoi rreth 95 për qind të Diellit kur arriti kulmin e vet, zgjati për rreth tre minuta. Ai u pa pjesërisht edhe në Indonezi, në Zelandën e re dhe në vendet e Paqësorit të jugut.