PRESIDENTI OBAMA PËRFUNDON TURNEUN AFRIKAN
E Martë, 07.02.2013, 06:25pm (GMT+1)
Presidenti amerikan Barack Obama përfundoi turneun në Afrikë dhe shprehu
bindjen se me politikat e duhura, popullsia e këtij kontinenti mund të
"shpalosin një epokë të re begatie".
Zoti Obama u nis nga Afrika sot, pasi vizitoi një kompleks energjitik dikur të
shkretuar në Tanzani që rifilloi punën falë një përpjekjeje të përbashkët
amerikano-tanzaneze.
Atje presidenti foli për programin e tij të ri prej 7 miliardë dollarësh për të
shtuar numrin e afrikanëve që kanë qasje tek energjia elektrike, me synimin për
të forcuar ekonomitë e kontinentit.
Po sot, ish-Presidenti amerikan George W. Bush, mori pjesë së bashku me
Presidentin Obama në një ceremoni për të nderuar 11 personat që gjetën vdekjen
në sulmin me bombë në ambasadën amerikane në Dar es Salaam, në vitin 1998.
www.voal-online.ch
|