Chelsea Clinton është fejuar bën të ditur ABC News - e verën e ardhshme do të marohet me të fejuarin e saj të një kohe të gjatë Marc Mezvinsky.
Të dy kanë shpallur fejesën me një email dërguar mediave amerikane: 'nuk jemi martuar verën që shkoi, por do të martohemi dhe shpresojmë se do ta kremtoni bashkë me ne'. Verën e shkuar mediat hamendnin se Chelsea Clinton do të martohej në fund të gushtit në ishullin e Martha's Vineyard në liqenin e Massachusetts-it.
Chelsea Victoria Clinton (lindur më 27 shkurt 1980) është bija dhe fëmija e vetme e ish gurvernatorit të Arkansasit e Presidentit të SHBA Bill Clinton dhe ish senatores, Zonjës së Parë e aktualisht Sekretare e Shtetit e SHBA, Hillary Rodham Clinton.
Vitet e hershme
Clinton lindi në Little Rock, Arkansas. Emri i saj u frymëzua nga dobësia që kishin prindërit për regjisrtimin e vitit të 1969 nga Judy Collins 1969 të këngës së Joni Mitchell, "Chelsea Morning".
Clinton është përshkruar si një fëmijë e pjekur para kohe. Ajo shkëlqente që fare e vogël në komunikimin me të rriturit dhe zgjuarsinë e saj e dëshmoi edhe në rezultatet shkollore. Dhe prindërit e saj e nxitën shkëlqimin e saj në mësime. I ati e mbante në tavolinën e tij të punës kur ishte guvernator i Arkansasit dhe ajo i përgatiste mësimet e detyrat. Në Little Rock ajo mbaroi shkollën fillore, ciklin e lartë të tetëvjeçares dhe shkollën e mesme. Në këto vite ajo luante volejboll, letrash, ping pong e tjerë. Ajo u bë vegjeteriane.
Adoleshente në Shtëpinë e Bardhë
Clinton shkoi në Shtëpinë e Bardhë ditën e përurimit të parë të babait të saj, më 20 janar 1993, kur ajo ishte 12 vjeçe. Në Washington, D.C. ajo vijoi Sidwell Friends School. Ajo meritoi vlerësime të larta në shkollën e lartë. Ndërkohë shtoi interesimine saj për kërcimin, që e kishte pasur dhunti qëkur ishte e vogël. Që në shkurt 1999, pak para shqyrtimit në Senat për shkarkimin e të atit, ajo zuri vend në krye të revistës People. Kjo e shqetësoi Familjen e Parë dhe Shërbimin Sekret. Ajo mori përgjegjësitë e së ëmës si mikpritëse në shtëpi, kur Hillary filloi garën për në Senat më 2000, në vijim të presidencës së babait, që mbaroi mandatin e dytë më 20 janar 2001.
Jeta pas presidencës së babait
NëStanford University, ku Clinton bëri studimet paradiplomike, ajo tregoi interes të madh në kimi, sidomos në mjekësi, para se të prirej ndaj historisë. Filmi Chasing Liberty (2004) thuhet të jetë frymëzuar nga një fotografi e Clinton në një ndeshje basketbolli në Stanford. Më 2001 ajo u diplomua në Stanford; tema e diplomës ishte Marrëveshja e Belfastit në Irlandën Veriore më 1998. Ajo shkoi të marrë master në Oksford, për marrëdhëniet ndërkombëtare.
Më 2003, Clinton u bashkua në firmën këshillëdhënëse McKinsey & Company në New York City, New York; ku ishte më e reja në moshë. Më 2006 u largua që andej dhe shkoi në Avenue Capital Group, një fond avokatie drejtuar nga Marc Lasry, një dhurues për çështjen demokrate dhe përkahës i familjes Clintons. Ajo shërbeu në bordin e School of American Ballet dhe ishte mbledhëse fondesh dhe pjesëtare e Clinton Foundation të babait. Në nëntor 2006, kur votohej për të ëmën në rizgjedhjet për Senat, ajo, nga banesa në Nju Jork, zbuloi se emri i saj nuk figuronte në listën e votimeve. Ajo u lejua të votonte me një dokument të veçantë. Aktualisht Clinton studion Politikën e Shëndetit dhe Menaxhimit në Mailman School of Public Health të Universitetit Columbia./Elida Buçpapaj