Voal-online -Roman Polanski do të dalë nga burgu të premten dhe do të arrijë në Gshtad (Gstaadt) aty nga ora 13:00.
Në shaletin të cilin e ka në pronësi ai do të përballet me vendimin rreth mundësisë së ekstradimit të tij në Shtetet e Bashkuara të Amerikës.
Këtë e ka bërë të ditur zëdhënësi i Zyrës Federale të Drejtësisë, Folco Galli, duke saktësuar se hollësi më të mëdha të mëtejshme do të jepen në një komunikatë e cila do të lëshohet pas daljes së regjisorit franko-polak nga burgu.
Kineastit të famshëm, siç është e ditur, i është kërkuar kaucion shuma 4,5 milionë franga. Ai do të mbajë ndërkohë një këmbalec elektronik gjatë arrestit shtëpiak.
Në Shtetet e Bashkuara Polanski është i kërkuar prej më shumë se 20 vitesh, për shkak se ai kishte përdhunuar një 13 vjeçare.
(http://info.rsi.ch)