DALJA E DHIMBSHME NË OPOZITË
E Djelë, 07.27.2014, 06:54am (GMT+1)
Në këtë javë, Musli "Omega", "Ish"-analist, A.PR.SHIK, në dosjen e përjavshme "Pronto" në "E diela me Koha Ditore", sjell një transkripto që flet për veten.
"E pashë të udhës vetëm të vëreja sesa me rëndësi është që këtë ta lexojë Shefi personalisht", thotë në komentin e tij ai, teksa ka "transkriptuar" një bisedë tejet interesante në mes të Hashim Th. dhe Edi R.
"Përgjimi ishte i mundur, meqë sipas urdhrit 014 të marsit 2014, e kisha nën përcjellje të vazhdueshme kryetarin e Qeverisë sonë, dhe mbeta i obliguar që këtë linjë ta përcjell deri në fund të korrikut, për shkak të mungesës së stafit, me gjithë pensionimin e përkohshëm nga Shërbimi", thotë më tej ai në komentin e tij.
"Transkriptin" e plotë të kësaj bisede kryeministrore mund ta lexoni në numrin e sotëm të "Kohës Ditore". Vetëm një pjesë mund ta lexoni edhe këtu:
Hashim Th.: Po them, çka po flas nuk po rrej, nuk po gënjej!
Edi R.: Aha! Po, por nuk na ka hije ne të flasim ashtu, me ton shpotitës e tensionues... si të ishim opozitarë... oh, më fal, të lutem, po harroj që ti je afër për të dalë në opozitë... sa pa sens prej meje... më fal Hashim!
Hashim Th.: Kush me dalë në opozitë?! Kurrë jo!
Edi R.: Paj, në rregull! Ashtu disi e mendonte edhe Doktori, por ja që punët nuk vajtën si deshi ai...
Hashim Th.: Po më krahason me Saliun?!
Edi R.: Jo, jo, s'ka mundësi!...
www.voal-online.ch
|