VOAL - Online Zëri i Shqiptarëve - PAPËRGJEGJËSIA E PERSONELIT NË AEROPORTIN E SHKUPITPavarësia e Kosovës është suksesi më i madh kombëtarNga XHAFER LECI

Mërgimtarët lë të përgaditen me kohë për udhëtim drejt në Prishtinë e jo në Shkup.

Familja Krasniqi: Falënderon Ambasaden e Republikës së Kosovës në Shkup.

Më datën 29.07.2014 nga Memmingen-i i Gjermanisë me aeroplan fluturojnë në Shkup të Maqedonisë nënë e bijë, Fatmire e Saranda Krasniqi. Edhepse dokumentacionin-pashaportat i kishin në rregull, me leje qendrimi dhe punësimi të përhershëm në Gjermani, autoritetet e personelit të Aeroportit të Shkupit, zonjën Fatmire donin ta kthenin mbrapa për Gjermani! Ata sipas mendimit tonë pa ndonjë arsye nuk e njihnin si të vlefshme pashaporten e zonjës Fatmire. Kjo pashaportë udhëtimi është lëshuar nga organet legjitime të Komunës së Kirchheim-Teck-ut në Gjermani, ku ajo jeton e punon për më shumë se dy dekada!

Sipas personelit të Aeroportit të Shkupit, pashaporta nuk ishte në rregull, sepse, kinse, ata nuk kishin pas rastin ndonjëherë të shohin një pashaportë udhëtimi gjermane të këtij lloji, ku në të shkruan se shtetasja është kosovare, ndërsa në dokument gjermane..!

Burri i zonjës Fatmire, z.Xhavit Krasniqi, me të marrë vesh për rastin e hidhur, përpiqet të lidhet me Ambasadën e Gjermanisë në Shkup, por pa sukses, sepse orari i punës, kishte kalur, ora ishte 18.30, në Ambasadë duhej të ishte një kujdestar. Telefoni cingërronte, por kot nuk e merrte kush. Z.Krasniqi lidhet me Ministrinë e Punëve të Jashtme të Gjermanisë dhe ata të Ministrisë së Jashteme shpejt lidhen me Ambasadën e Gjermanisë në Shkup. Edhe pas përpjekjeve të autoriteteve gjermane të Ambasadës, se pashaporta është në rregull dhe se me atë mund të udhtojë kudo në Evropë.

Megjithatë, kot, nuk arrijnë ta bindin personelin e kontrollit të Aeroportit!

Zoti Xhavit Krasniqi, pasi që nuk sheh rrugë tjetër, nga Gjermania e rezervon një biletë që gruaja e tij të kthehet me aeroplan në Gjermani. Ndërkohë, ai provon të lidhet përmes telefonit me Ambasadën e Republikës së Kosovës në Shkup. Edhepse ishte kohë e vonë, ora 19.30, orari i punës kishte kaluar, z. Burim Qorri, këshilltar i Ambasadës tonë në Shkup, menjëherë shkon në Aeroport dhe kontakton me autoritetet zyrtare atje. Zyrtarët e Aeroportit të Shkupit i thonë z. Burim, se zojna Fatmire, duhet ta ketë një dokument udhëtimi të lëshuar nga organet zyrtare të Kosovës. Në Aeroport nuk kishte pasur mundësi të bëjë një fotografi për dokumente-pashaportë. Z.Krasniqi nga Gjermania, përmes postës elektronike, e-mail ardesës, dërgon një fotografi orgjinale për pashaportë të gruas së tij në Ambasadën e Republikës së Kosovës në Shkup.

E bija e Fatmires, zonjusha Saranda Krasniqi, një vajzë e vyeshme dhe shumë punëtore, udhëton në fshatin e saj, Brezhnicë të Kastriotit të Kosovës, ndërsa zonja Fatmire mbetët të kalojë natën në Aeroportin e Shkupit, ku siç tregon ajo, e kishin sistemuar e pritur mirë, duke i siguruar asaj një dhomë për fjetje, ushqim dhe pije.
Të nesërmen, më 30.07. 2014, Ambasada jonë në Shkup lëshon një dokument në formë pashaporte, me emërtesë "Travell dokument" dhe për fat të mirë, edhe zonja Fatmire, më në fund, arrin në shtëpi.

Zonjusha Sarandë Krasniqi këto ditë martohet, dasmën do ta bëjë në Kosovë dhe e gjithë kjo odisejadë, në lidhje me pashaportën, ka shkatuar një lodhje, tronditje të papritshme. Pra, zonjës Sarandë, nga zemra i dëshirojmë shëndet e gjithë të mirat në jetë, lumturi e rehati bashkëshortore me zotin Edmond Daci. Urime e përgëzime për dasmën e familjes Krasniqi dhe Daci!

Qellimi për bërjen e këtij shkrimi është: më shumë për ata që kanë mundësinë ta lexojnë këtë shkrim, lë të kujdesen për raste të këtilla udhëtimi, lë të përgaditen me kohë për udhëtim drejt në Prishtinë e jo në Shkup. Dhe, për fund, në shenjë respekti përshëndesim dhe falnderojmë shumë, për angazhimin qytetar dhe zyrtar stafin e Ambasadës të Republikës së Kosovës në Shkup, në krye me Ambasadorin Ylber Hysa dhe posaçërisht z.Burim Qorri, këshilltar pranë kësaj Ambasade.