VISAR ZHITI - MË GËZOI LAJMI I RIKTHIMIT TË MOTRAVE ISLAMI NË ZËRIN E AMERIKËS
E Premte, 09.19.2014, 03:01pm (GMT+1)
Visar Zhiti në Departamentin e Shtetit USA
Voal-online.ch - Në një letër dërguar këto ditë personalitetit shqiptaro-amerikan Muç Xhepa, shkrimtari i njohur, ish i burgosur politik Visar Zhiti, shkruan: I dashur Muçi,
Më gëzoi shumë lajmi i bukur, i rëndësishëm, domethënës i rikthimit të motrave Islami në Zërin e Amerikës. Ju lutem përshëndetini nga Atdheu, guxoj të them, e kam fjalën nga ana ime, aq më tepër që ato janë dhe nga fshati i Nënës time të vuajtur, por jo, ato janë simbol dhe emblemë i persekutimit dhe sfidës, që në Vendin e Demokracisë bënë realitet ëndrrën, të tyren dhe tonën.
Përgëzime Juve, Shtëpisë së Lirisë, për qëndrimin, që nuk u dëshpëruat, por ngulmuat me besim e dinjitet. Jam i gëzuar vërtet, ogur i mirë, them tani...
Te fala të tuve dhe miqve të përbashkët, mbarësi në rrugën e nisur...
Përqafime, Visar Zhiti
www.voal-online.ch
|