ARKIV - GAZETA SPORTIVE ITALIANE I QUAN BISHA ULTRASIT SERBË QË SHKAKTUAN TRAZIRAT E TETORIT 2010 -STANKOVIÇ KËRKON NDJESË
E Djelë, 10.19.2014, 12:58pm (GMT+1)
 VOAL - Kthehemi 4 vjet pas. Pikërisht më 13 Tetor 2010 menjëherë pas ndeshjes të ndërprerë Itali-Serbi për shkak të trazirave të shkaktuara nga ultranacionalsitët serbë. "Le Bestie", Bishat cilësohen me gërma të mëdha që në faqen e parë ultrasit serbë në tetorin e 2010, nga La Gazzetta dello Sport, gazeta kryesore sportive në Itali, për shkak të dhunës në stadiumin e Gjenovës kur gjithçka degradoi në kaos, kur ultrasit serbë dogjën një flamur shqiptar. Ja çfarë shkruan gazeta sportive italiane në kopertinë: "Ultranacionalistët serbë shkaktojnë kaos në Gjenovë: loja nisi, por u ndërpre. Italia do ta fitojë 3-0 në tavolinë. Ndeshje dhune, të plagosur dhe të arrestuar gjatë natës të gjatë në Marassi". La Gazzetta dello Sport e ka zgjedhur ta përfshijë gjithashtu në kopertinë edhe fotografinë e ultrasit Ivan Bogdanovic, i cili i udhëhoqi trazirat në ndeshjen në Itali gjatë 2010, dhe u shfaq në fushë edhe në ndeshjen Shqipëri-Serbi.
Italianët ishin shumë të ndjeshëm kur e panë Bogdaniviçin më 14 tetorit në Beograd në fushën e stadiumit Partizani ku po luhej ndeshja Shqipëri-Serbi dhe e fiksuan menjëherë në fotografi të cilat bënë xhiron e botës.
Në kopertinën e gazetës sportive italiane, botuar katër vite më parë, lexohet po ashtu në kopertinë titulli: "Stankoviç në lot: "Kërkoj ndjesë!". Është fjala për lojtarin e kombëtares serbe Dejan Stanković që asaj kohe luante me INTER-in. Stanković natyrisht nuk kishte asnjë faj dhe përgjegjësi për atë që u bë në Gjenovë, opr megjithatë kërkoi ndjesë. www.voal-online.ch
|
Comments (0)
Dërgoja shokut
Printo
A.jpg "DOLI NË QARKULLIM LIBRI I RI POETIK I ELIDA BUÇPAPAJT \"RAPSODI E GOLGOTËS SË TRANZICIONIT\""){kind=icon}
