VOAL - Online Zëri i Shqiptarëve

ELEGJI PËR ATJONIN E VISARIT Nga PËRPARIM HYSI E Hënë, 12.22.2014, 09:50am (GMT1) Lajmi i zi! Sa na tronditi! Vdiq Atjon Visar ZHITI! A e shihni? Sa i bukur! Loti rrjedh si lumë i turbull. Vdiq Atjoni! Ah, sa keq! Vdekje, moj, shkofsh në dreq! Po ku ishe vallë, O Zot? Si lejove atë kob?! Vdiq Atjoni... eh, çfarë djali! Gjurmë për gjurmë siç është Visari! Në studime qe honor Si lider në auditor. Vdekje, moj, t'u bëftë në grykë! Si s'të erdhi keq içikë? Vajte more ti Atjonin E trondite mbarë kombin. Kush dëgjoi e s'u përlot Kush një fjalë prindërve u thotë? Si t'ju thotë e çfarë t'ju flasë Po vë kujen dhe bërtas: -Vdekje të të shuhet fara! Kur vjen bën të tillë hatara Vete merr një djalë të ri Merr Atjonin shpirtflori! Shpirt flori, honor student Ndjen boshësi një universitet! Se Atjoni qe i tillë Një student xhevahir. Mbahu, moj nënë e ti Visar! Se nuk gjej dot një fjalë Që t'ju them e t'ju ngushëlloj Poezinë për të e shkroj. Le ta kini si kujtim Në ia vlen, si ngushëllim. Gjallë sa jini ta kujtoni Është dhe dhimbja jonë Atjoni. Tiranë, 21 dhjetor 2014 PËRPARIM HYSI

Copyright © 2005-2008 Nulled by [x-MoBiLe]. All rights reserved.