VOAL - Online Zëri i Shqiptarëve

Delegacioni i Kosovës në regjionin Fermo (Itali) DËSHIROJMË BASHKËPUNIM ME FIRMAT FERMANO PËRMES DHOMAVE TË TREGTISË Nga FLORIM ZEQA E Djelë, 03.01.2015, 04:24pm (GMT1) Këto ditë ishte për vizitë në Fermano (Itali), një delegacion kosovar i udhëhequr nga Isuf Berisha, pronar i firmës Burimi Comerc në Kosovë dhe Riad të Arabisë Saudite, në bashkëpunim me firmën Ascom Industria në Fermano së shpejti do të kriojnë dhomë të përbashkët ekonimike Kosovë-Itali. Delegacioni kosovar i shoqëruar nga Cesare Rossi dhe Gian Daniele Battilà u pritë në dhomën e tregtisë nga presidenti i saj Graziano Di Battista. "Ky takim i sotëm është sinjifikativ dhe tregues i levizjeve tona drejt krijimit të raporteve të mira fqinjësore, të një bashkëpunimi të sinqertë me fqinjët më të afërt, në këtë rast me Kosovën", theksoi afaristi Cesare Rossi, i cili i hodhi disa ide konkrete për forcimin dhe bashkëpunimin ekonomik me Kosovën dhe rajonin e Ballkanit. "Favorizimi i lidhjeve të disa Asociacioneve, me hapjen e mundësive të bashkëpunimit të firmave italiane që kanë interesa për investime në Kosovë,...do ta kenë ndihmën tonë në arritjen e marrveshjeve bilaterale", përfundoi presidenti i Ascom-it, Graziano Di Battista. Udhëheqësi i delegacionit kosovar në këto bisedime, zoti Isuf Berisha ndër të tjera u shprehë: "Shprehim gadishmërinë tonë për lidhjen e bashkëpunimit dhe fuqizimin e raporteve afariste me firmat e kësaj Province, përmes dhomave respektive të tregtisë së dy shteteve tona". E kemi fuqinë e punës dhe dëshirën për arritjen e marrveshjeve të bashkëpunimit, por na mungon eksperienca në këtë drejtim,....por falë miqësisë me Ascom-in dhe raporteve të sinqerta mes dy dhomave të tregtisë shpresojmë që së shpejti të fillojmë me projekte të reja dhe konkrete të bashkëpunimit. Pas shpalosjes në mënyrë ilustrative të ekonomisë Regjionale dhe të Fermanos në veqanti, presidenti i Ascom-it, Di Battista u shprehë: "Përmes një bashkëpunimi ernergjik mes dy dhomave të tregtisë, mund të mendojmë edhe për projekte madhore dhe me vlerë nga fondi Europian i zhvillimit, të cilat do t'na lehtësonin arritjen e qëllimeve tona të përbashkëta për zhvillimin e një Makro Regjioni Adriatik. Ne shpesh mendojmë për internacionalizimin e raporteve me vendet e largëta, është e rëndësishme edhe kjo, por më e rëndësishme dhe me vlerë është t'i shfrytëzojmë energjitë tona të zhvillimit me shtetet përballë dhe shumë afër nesh. Kështu, jemi të gatshëm për të shqyrtuar çdo mundësi bashkëpunimi socio-ekonomik mes Fermano dhe Kosovës," përfundoi fjalën e tij presidenti i Ascom-it, zoti Graziano Di Battista. FLORIM ZEQA

Copyright © 2005-2008 Nulled by [x-MoBiLe]. All rights reserved.