Rupert Neudeck, bashkëthemelues i Komitetit Cap Anamur dhe drejtuesi i
"Helmetave të Gjelbra", flet në intervistë rreth dëshpërimit të njerëzve
në Kosovë dhe instabilitetin në vend.
PYETJE: Z. Neudeck, mijëra vetë
janë larguar nga Kosova me autobusë përmes Serbisë - në fund shumë prej
tyre kanë ardhur në Gjermani. Si mund të shpjegohet ky ekzod?
Neudeck: Shumë e qartë. Në Kosovë mbizotëron një mungesë e tmerrshme e
perspektivës. Papunësia është e madhe. Madje edhe fshatarët ankohen se
po varfërohen. Shteti është në duart e politikanëve të papërgjegjshëm
dhe djallëzisht të korruptuar, të cilët gjithmonë mendojnë vetëm
fillimisht për veten e tyre dhe jo për qytetarët. Aq më tepër që një
pjesë e politikanëve janë thjesht kriminelë. Kështu kryetari i një
qyteti të madh të Kosovës është i dënuar për kontrabandë. E megjithatë
njeriu është ende në detyrë.
PYETJE: Që nga lufta e Kosovës dhe që prej shpalljes së pavarësisë, Kosova ka marrë shumë ndihma ndërkombëtare. A ishte gjithçka e kotë?
Neudeck: Ky është një prej krimeve të pabesueshme që asgjë pozitive nuk
është bërë për njerëzit nga paratë. Këtu, Bashkimi Europian duhet, këtu
Gjermania ka nevojë për të ngritur presionin dhe të thonë: "Ndihma
është në dispozicion vetëm në qoftë se i hiqni qafe politikanët
kriminalë dhe i sjellni pas grilave! Nëse ju jeni një qeveri që është
aty për vendin dhe jo anasjelltas!".
PYETJE: A mundet aty EULEX-i
Misioni i BE-së për sundim të ligjit, i cili ka një kontigjent prej
gjykatësve, oficerëve të doganës dhe rojeve të burgut në Kosovë, të bëjë
një ndryshim për më mirë?
Neudeck: Ky mision deri tani është
dëshmuar vetëm si një vetë-mashtrim evropian dhe zhgënjim për popullin e
Kosovës. Misioni i EULEX-it ka dështuar plotësisht. Asgjë nuk do të
ngjante poqese do bëhej heqja e përjashtimi i këtij misioni- me
përjashtim të interesave të njerëzve të paguar shumë të cilët punojnë
për EULEX-in. Shumë qytetarë në Kosovë nuk e dijnë nëse edhe ka mision
të tillë. Ata nuk e vërejnë atë, sepse nuk ka asgjë pozitive të
theksohet për të. Nëse të gjitha paratë që janë djegur kot do të
investoheshin atje në ndërtimin e qendrave të formimit profesional,
popullsia do të mund të përfitonte së paku nga ato para.
PYETJE:Numri i
refugjatëve nga Kosova, i cili arrinte në Gjermani, pas një shpërthimi
të madh kohët e fundit ka shënuar rënie të dukshme por shumë njerëz
sërish po vazhdojnë të vijnë. Çfarë probleme shihni ju rreth situatës në
Kosovë?
Neudeck: Për t'iu përgjigjur kësaj pyetjeje, ne duhet ta
bëjmë të qartë se largimi i njerëzve po ngjet përmes territorit të
armikut të vjetër- Serbisë. Dhe kjo është e organizuar nga
kontrabanduesit të cilët cak e kanë për të fituar një shumë të mirë të
hollash. Qeveria në Beograd ka vërejtur me shije të madhe këtë lëvizje
të popullatës dhe me sa duket shpreson se Kosova të bie si një shtëpi e
kartave. Dhe me këtë Serbia shpreson se do të mbajë të gjallë kartën e kthimit në "lojën" e Kosovës.
PYETJE:Jeni duke e dramatizuar situatën tani?
Neudeck: Përkundrazi, kur Serbia të sheh një shans ajo do të provojë ta
marrë Kosovën me grusht shteti. Mëpas mund të imagjinojmë sesi edhe
presidenti rus Vladimir Putini Beogradit do t'i japë mbështetjen
vëllazërore ortodokse. Pastaj, Kosova brenda disa ditësh do zhduket si
një shtet i pavarur. Unë nuk mund ta imagjinoj se qeveria gjermane do të
ishte e gatshme që ushtarët gjermanë janë për të luftuar për Kosovën!
PYETJE: Qeveria e Serbisë do të dëmtonte veten nëse do të vepronte kështu. Vendi do që të bashkohet me BE ...
Neudeck: Kjo është një levë e cila nga BE-ja dhe qeveria gjermane duhet
ta përdorin. Të gjitha vendet e Ballkanit kanë një të ardhme të mirë
ekonomike vetëm në Evropë. Prandaj, ne duhet ti themi qeverisë serbe se
ata duhet të ndalojnë punën e kontrabandistëve kriminelë që organizojnë
eksodin nga Kosova. Dhe ne duhet të punojmë për të siguruar që të rinjtë
e Kosovës të kenë një perspektivë të mirë të arsimit dhe të jetës. Nga
të gjithë këto ne gjermanët do të përfitonim më së shumti. Sepse
përndryshe fluksi i pakontrolluar i refugjatëve do të vijë pikërisht në
drejtimin tonë.
(Marrë nga gazeta Blick- Balkanweb/ar.sh)