E Enjte, 03.28.2024, 04:17pm (GMT+1)

Ballina Linqe Stafi Kontakt
 
 
::| Fjala:       [Advance Search]  
 
Gjithë lajmet  
LAJMI I FUNDIT
OPINONE-EDITORIALE
ZVICRA
INTERVISTË-PRESS
SHQIPTARËT
LAJME NDËRKOMBËTARE
POLITIKË
DIASPORA NË ZVICËR DHE BOTË
PERSONAZH
ART KULTURË
DOSSIER
KËNDI I SHKRIMTARIT
HOLLYWOOD
AFORIZMA
GOSSIPE
SPORT
::| Newsletter
Emri juaj:
Emaili juaj:
 
 



 
INTERVISTË-PRESS
 
GJON PALI II - FRAGMENTE NGA 'TRIPTIKU ROMAK'

E Djelë, 04.05.2015, 02:41pm (GMT+1)





Në fill të mortjes

Kur shkelim në breg të vjeshtës,
në shtjellë stuhie
rrihen, përplasen
në skaje të rrëmbyeshme:
sosja frymëshkurtë,
e vrulli i valëve të gjakut.
Dëshira kundërshtare
ndeshen në shtjellë stuhie,
mbi breg të vjeshtës.
Sosja ka etje,
do të kthehet prap në jetë.
Te ajo që ishte,
që është e nuk është jetë.
Fija e fundit këputet,
në sa dashuria digjet nga dëshira
për të rrahur flatrat lart,
për të fluturuar
ku lind agimi
ku shndrit një ditë e re
në breg të pranverës pa mort.
Dëshira kundështare,
në shpirtin endacak
ende në brigje të vjeshtës.
Tërbohet lufta e ndarjes.
Korpi lufton me shpirtin
për udhë drejt qiellit.
Lufton, pse dridhet droje
në skajin e së sotmes,
drejt bregut të panjohur
ku shkelin vetëm shpirtrat.
Drejt ditës së re.
Por s'ia del dot ta lidhë
këtë ditë me korp të vet
që është e nuk është më.
Në fill të mortjes,
kur jeta këputet,
sytë ndalen e pushojnë
në pikë të Dritës.

Fjala

Fjala, vegim i amshuar
është, e kumt.
Ai që krijonte
e pa "çka ish e mirë".
E pa me sytë e tij,
jo me sytë tanë.
Vëzhguesi i parë,
vështroi: e mbi gjithçka
dalloi vulën e vet,
gjurmët e përkryerjes së vet.

Në Kapelën Sikstina
Libri priste figurën,
e muri, Mikelangjelon.
Ai, që po krijonte
e pa se "ish' gjë e mirë".
Ai vëzhgonte
e Libri priste vegimin.
O ti, njeri, që shikon!
O ju të gjithë, që me sy në ball
kundroni kohët. E ti, o Mikeangjelo!
Në Vatikan do të ngrihej një kapelë.
Në kapelë do të zdrypte vegimi.
Njeriu, dalë nga peneli
në shtroje të murit,
do të njihte hijen e vet.
Do të priste e do të shikonte,
si bëhen vegimet figura.
Që nga ajo ditë
kur Fjala u bë Njeri.
Vegimi priti qysh prej asaj dite.
Vegimi pret e pret
figura të reja:
që njeriu të shohë vetveten
e të njohi Zotin.

Kyçet e mbretërisë

"Con-clav" do të thotë
të lëshosh në duar njerëzore
në duar të ligështa,
kyçet e rënda
t'Mbretërisë hyjnore.
Mbretëri e zanafillës
e e zanafundit.
E ditës së krijimit
e e ditës së zemrimit,
Ditës së gjyqit
Ditës së mbrame:
tejdukje drite,
tejdukje ngjarjesh
tejdukje zemrash:
gjithçka, si në pasqyrë,
si prej penelit
të Piktorit të madh,
krejt lakuriq do të dalë
përpara syve të Atit
që vrân e kthiell.
E asnjë portë
të mbyllur më s' do të ketë.
Asnjë mendim të fshehtë.
Çdo rrahje zemre
do të shihet, si në pasqyrë.
Con-clav.
T' i lëshosh në duar njeriu
çelësat që i hapin të gjitha portat.
E të mund të shikosh kur Ai
ty të shënon me gisht
e të thërret.
Në se dëshiron
mund të shijosh amshimin:
Ai t'i hapi Portat,
që ditën kur të krijoi.
Mjaft që të dëshirosh.

Fund i padukshëm

Mbi murin e Sikstinës,
fundi i padukshëm
u bë i dukshëm.
E sytë tanë u ndeshën
me sytë e Atij "që është".
Nga muri i ylbertë,
jehoi pyetja e parë:
"Adam, ku je?".
Edhe përgjigjja e parë:
"U fsheha se kam turp
të dal në sytë e tu,
kështu krejtësisht lakuriq".
Nga muri i ylbertë
Njeriu pa, në figurë,
turpin e parë,
e fundin e mbramë.
U bë i dukshëm
fundi i padukshëm.
Njeriu pa përmbi mur
shkëndijat e flakëve hyjnore.
Pa dritën e u lut:
"O Zot i shpresës ,
ma ruaj besimin
e më shero prej së ligash,
atje, në majë, te Drita!".

E Vërteta

Vijon e vijon të kërkosh...
Po çka kërkon, o njeri?
Ndoshta kërkove tepër.
Kërkove të vërtetën
ndërmjet së vërtetash.
N' filozofi kërkove,
kërkove në art.
Der'sa u binde
se ajo s' vonon
e del në dritë
si vaji përmbi ujë.
Vetë jeta, që e fshehu,
edhe e zbulon
pak e nga pak,
por pa pushuar për asnjë çast.
E mos harro:
Ajo është në zemër tënde,
në mendje tënde
në çdo skutinë të jetës.
Njeri! Të Vërtetën ti e ke
në thelb të shpirtit.
E fortë është e Vërteta:
e qartë,
e tejdukshme,
e ndritshme.

www.voal-online.ch


Rating (Votes: )   
    Comments (0)        Dërgoja shokut        Printo


Other Articles:
ALBUMI I PIKTORIT - HELIDON HALITI MERR PJESË ME TRI AKUARELE NË BIENALEN 2015 TË TORINOS (04.05.2015)
ISTOGU NGUSHËLLOI MËRGIM MAVRAJN (04.05.2015)
LUGINA E PRESHEVËS - COPËZA DHIMBJEJE NGA VENDLINDJA E XHEMAIL XHEMËSNga VEHBI BAJRAMI (04.03.2015)
Para 16 viteshDJEGIA PËR SË GJALLI E NANËS, VËLLAIT, DY DJEMVE TË MIXHËS, SI DHE KUNATËS SIMENga XHEVAT REXHAJ (04.03.2015)
10 VJET MË PARË - PAPA WOJTYLA KTHEHEJ NË SHTËPINË E ATIT (04.03.2015)
PAPA SHËN GJON PALI II DHE FJALËT QË IU KA DREJTUAR SHQIPTARËVE (04.03.2015)
“RRNOFTË KRISHTI MBRET, RRNOFTË SHQIPNIA!”“E PREMTJA E ZEZË NË SHQIPNI KA FILLUE ME 29 NANDOR 1944, DHE KA ME VAZHDUE DERISA TË MAROJË KOMUNIZMI.” Don Dedë MALAJ (1959)Nga FRITZ RADOVANI (04.03.2015)
2 PRILL - DITA NDËRKOMBËTARE E AUTIZMIT (04.02.2015)
NJË PRITJE PËR 'KRUSHQIT' E PAJTIMIT TË GJAQEVE NGA KOSOVA NË SHTËPINË TIME NË ARMONK, SHBA(Me rastin e 25 vjetorit)Nga HARRY BAJRAKTARI (04.02.2015)
BESOHET ENDE NË RELIKE HIPOKRITE TË DIKTATURËSMeditime dhe përjetime nga ATJON V. ZHITI (04.02.2015)



 
::| Lajme të fundit
::| Kalendari
Mars 2024  
D H M M E P S
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
 
::| Hot News
SA MBRAPA KA MBETUR UEFA... MJAFT U PËRKËDHEL SERBIANga OWEN GIBSON, The Guardian
KADARE - NUK IU JAP RËNDËSI XHUXHËVE DHE SPIUNËVE
Intervistë ekskluzive e shkrimtarit Ismail Kadare dhënë Vehbi Bajramit, botues i gazetës “Illyria” në New YorkISMAIL KADARE - DOKTRINA ANTISHQIPTARE E SERBËVE DO PËRMENDUR, SEPSE DOKTRINA KA MBETUR GJER MË SOT E PADËNUAR
DOLI NË QARKULLIM LIBRI I RI POETIK I ELIDA BUÇPAPAJT "RAPSODI E GOLGOTËS SË TRANZICIONIT"
PËRSHËNDETJA E PRESIDENTIT OBAMA NË RASTIN E 70 VJETORIT TË ZËRIT TË AMERIKËS
TRUPAT AMERIKANE NË KOSOVË NUK E ZVOGËLOJNË NUMRIN DERI NË MESIN E VITIT TË ARDHSHËM
Intervistë dhënë gazetës IllyriaISMAIL KADARE: Krimet serbe nuk mund të lihen në harresë në emër të paqësimit të gadishullitIntervistoi: Vehbi BAJRAMI

 
VOAL
[Shko lart�]