VOAL - Online Zëri i Shqiptarëve - SI TË LIROHEMI NGA UZURPATORËT E SHTETITNga FLORIM ZEQA

Padrejtësisht është krijuar bindja tek një pjesë e opinionit publik, se nuk kemi njerëz më të mirë për politikë nga këta që i kemi aktualisht ! Si pasojë e këtij mentaliteti të krijuar (imponuar) që sa vite po kemi vetëm rotacion e jo ndryshim strukturor mbrenda subjekteve tona politike.

Ngjajshëm mund të fillohet rrëfimi për secilin lider të partive politike pa përjashtim, që skanë asgjë të përbashkët me qytetarët e vendit, të cilët vetëm fizikisht janë në Kosovë, për shkak se mendjen e kanë tek pasuria dhe të milionat e tyre të deponuar në bankat jashtë vendit.

Elektoratin e tyre e përdorin vetëm si objekt përgjatë fushatave zgjedhore, sa për t'ua grabitur besimin (marrë votën), ndërsa gjitha pazarllëqet i bëjnë mes vete dhe me ndërkombëtaret!

Kasta aktuale politike e vendit, në veqanti liderët e partive tona politike para opinionit publik (elektorateve të tyre) shpesh përlahen mes vete, por asnjëherë nuk mund t'i shkojnë deri në fund "konfliktit", shkaku i interesave të përbashkëta, apo thënë më kjartë dhe troq, shkaku i bizneseve të përbashkëta, tenderëve që i ndjanë me njëri-tjetrin e deri të aferat korruptive, kontrabandimi i votave të elektoratit të tyre tek njëri-tjetri pa pyetur fare këta të fundit.

Të gjithë liderët e subjekteve politike, pa dallim janë shëndrruar në uzurpator të shtetit dhe varrmihës së ardhmërisë së qytetarëve të këtij vendi, janë bërë sinonim i së keqës, i korrupsionit, krimit të organizuar, zhvatjes së pasurisë shoqërore (shtetërore),...duke e shëndrruar Kosovën e pasur me resurse të shumta natyrore në një vend të varfër dhe të pashpresë për të jetuar në të.

Kësaj gjendje në masë të madhe i ka kontribuar pritja e gjatë e popullit me shpresën se një ditë do të bëhet mirë, si dhe në anën tjetër dhe heshtja e pajustifikueshme e një pjese të intelegjencës së vendit.

Edhe pse jo drejtëpërdrejtë të kqyrë në politikë, me idetë dhe vizionin e tyre, intelegjenca e jonë do të bënin, që shumë gjëra të ndryshojnë për të mirë në vendin tonë.

Ja shembulli konkret: Levizja Vetëvendosje derisa ishte jasht parlamentit kishte fituar simpatinë e një pjese të popullatës duke rritur shpresat për ndryshime pozitive në vend.
Me të hyrë në parlament, sikur ndryshuan gjërat edhe tek ky subjekt! Ambiciet për pushtet i bënë t'i harrojnë projektet madhore në të cilat thirreshin vazhdimisht si; bashkimi me Shqipërinë, mospranimi i planit të Ahtisarit mbi decentralizimin politik (etnik), kundërshtimi i bisedimeve me Serbinë...etj.

Edhe ajo e vetmja shpresë reale për ndryshime pozitive që kishte mbetë, LDK-ja, "trashëgimia" rugoviane, vlerat demokratiketë, besa dhe shpresa e qytetarëve, u zvënit pas marrveshjes politike paszgjedhore (të 8 qershorit të vitit të kaluar).

Kur të gjithë pritnin fundin e keqeverisjes 7 vjeqare në vend, për befasinë e gjithë opinionit vendor, LDK-ja i hyri nën sqetur "dinosaurit" shkatrrimtar të vendit, duke i thyer përfundimisht shpresat e qytetarëve për ndryshime pozitive në vend.

Kështu, krerët e LDK-së, siq cilësoheshin ndryshe edhe si "elitat intelektuale" e vendit, për interesat e tyre personale u bënë bashk me "intelegjencën" e diplomave (falso) të pasluftës.

Rënja në të njëjtin nivel e kastës aktuale e drejtuesve të LDK-së me injorancën politike të vendit, shtonë dyshimet për "plagjiaturë" apo siq i thonë ndryshe përfitim titujsh profesional dhe akademik pa mbulesë të punimeve të tyre shkencore.

Vendit i duhet një filim i ri, një organizim i ri, një levizje e re politike e përmasave kombëtare. Qasja aktive me problemet politike e intelegjencës së pastër, pa ngarkesa ideologjike apo fetare do të krijonte, përveq se një platformë të qartë politike, do të luante rolin e fuqishëm të opozitarizmit në vend dhe do ta mbronte shtetin nga katandisja e mëtutjeshme politike dhe ekonomike.

Këtë shkrim dëshiroj ta përfundoj me një thënje të Daut Demakut; "Intelegjencia është themeli i një shoqërie,...intelegjencia që shitet për pare si lopa në pazar zgjonë neverinë e njerëzve e jo respektin".