Voal-online Ish Presidenti i Bill Clinton fajësoi stresin dhe mungesën e gjumit që nga tërmeti shkatërrues i Haitit për përshpejtimin e gjendjes së zemrës që shkaktoi shtrimin e tij në spital.

 

 Clinton, i cili është i dërguar special i OKB-së në Haiti, iu nënshtrua një ndërhyrjeje të suksesshme në zemër në një spital të Nju Jorkut të enjtne, për të hapur një arterie të bllokuar që i solli atij dhimbje gjoksi.

 

63 vjeçari, i cili ishte president nga 1993 deri më 2001, kishte udhëtuar kohët e fundit në Haiti, ku tërmeti i 12 janarit vrau më shumë se 200 000 veta dhe la më shumë se 1 milion pa strehë në vendin e varfër të Karaibeve.

 

"Sapo ndodhi tërmeti i Haitit unë nuk fjeta mjaft për një muaj dhe kjo me sa duket e përshpejtoi atë të po ndodh tani me këtë arter që nuk po punon si duhet," iu tha Clinton reporterëve në një veprimtari për të përkrahur përpjekjen e Aleancës për një Brezni më të Shëndoshë kundër mbipeshës së fëmijëve.

 

"Ajo që më ndodhi mua nuk ishte diçka e rrallë, por përfundimi që kam nxjerrë është se nuk mund të bëj tri fluturime gjatë natës, sepse dua që ta ndihmoj Haitin për shumë vjet. Dhe kjo është një gjë që nuk mund të bëhet brenda një jave," tha ai.

 

Clinton, i cili kishte kryer bypass në zemër më 2004 për t'i çliruar arteriet e bllokuara, tha se do të ishte një "gabim i tmerrshëm" po të ndalte së punuar dhe se ai ka në plan ta përballojë stresin më mirë nëpërmjet pushimit, ushtrimeve dhe ngrënieve të shëndetëshme.

 

"Mua ma bënë këtë dhuratë të jetës nëpërmjet ndërhyrjes kirurgjike para pesë vjetësh, po ashtu me barnat që marr, si dhe nëpërmjet ndryshimit të silit të jetës. Unë nuk dua të vegjetoj, por dua të bëj sa më shumë gjëra," tha Clinton. (http://www.reuters.com)