Henning Riecke, ekspert për sigurinë në Shoqatën për Politikën e Jashtme shpjegon sfondin e sulmeve me bombë

Voal-online –Sarah Palin nuk është duke u divorcuar nga i shoqi Todd. Kështu Meg Stapleton, zëdhënësja Meg e ish guvernatores së Alaskës, ka përgënjeshtruar lajmet e përhapura sot nga AlaskaReport, të cilin bashkëshortët paralajmërojnë se do ta paditin.

“Palinët janë dhe do të mbeten të martuar si dhe të përkushtuar njëri ndaj tjetrit dhe ndaj familjes,” thekson Stapleton. Një përgënjeshtrim që, megjithatë, nuk arrin t’i davaritë zërat që kanë qarkulluar qëkur Palin la në mënyrë befasuese drejtimin e Alaskës dhe nga largimi i saj nga jeta publike në një mënyrë të pazakonshme për të.

Sidomos ka habitur fakti që ajo ka ndërprerë komunikimin në Twitter. Prej një jave nuk iu ka shkruar 129 000 vetave që presin përgjigjet e saj.

Jo vetëm kaq. Rreziku, pas ngacmimeve gjatë fushatës zgjedhore për në Shtëpinë e Bardhë, se mos historia e tradhtive bashkëshortore merrte dhenë, kishte bindur zonjën Palin të largohej 18 muaj para kohe nga drejtimi i Alaskës.

Uebsajti AlaskaReport nënvizon se bashkëshortët janë shpërfillur gjatë ceremonisë së shkarkimit dhe Palin prej shumë javësh nuk e mbante më unazën e martesës. Jo vetëm kaq. Ish kandidatja për nënpresidente kishte blerë një shtëpi në Montana, ku ka ndërmend të zhvendoset me familjen, pavarësisht se ajo është me prejardhje nga Idaho.

Anëtari i Dhomës së Përfaqësuesve të Kongresit amerikan, Dana Rohrabaker, i cili dikur ka qenë shkrues i fjalimeve të Presidentit Ronald Regan, kohët e fundit foli me Zërin e Amerikës mbi gjendjen në Ballkan. Kongresmeni iu referua veçanërisht rajonit të Preshevës, në jug të Serbisë, i banuar me shumicë shqiptare, ku muajt e fundit ka patur tensione. Ai tha se e vetmja zgjidhje funksionale për stabilizimin e rajonit do të ishte një shkëmbim territoresh mes Kosovës dhe Serbisë. Me zotin Rohrabaker bisedoi kolegu ynë Ilir Ikonomi. Dana Rohrabaker përfaqëson në Kongres njërën prej zonave më të bukura dhe më të pasura të këtij shteti perëndimor të Amerikës. “Raketa Saturn 5 që çoi njeriun e parë në Hënë, është ndërtuar në distriktin tim. Jemi një distrikt që përfaqëson atë që është vetë thelbi i Amerikës: lirinë, gëzimin, teknologjinë, tregtinë, shpirtin e biznesit, respektin për njerëzit e tjerë. Shpresoj që edhe unë vetë të jem i tillë.” - thotë ai. Rohrabaker, njëri nga të paktët anëtarë të Kongresit amerikan që ushtron serfin, sportin e rrëshqitjes mbi dallgë, është po ashtu ndër të paktët sot në Kongres që interesohet për çështjet e Ballkanit. Ai mendon se plagët në atë pjesë të Europës nuk janë shëruar:

Presidenti Barak Obama po përpiqet të zbusë tensionet raciale pas një incidenti, që ndodhi në Kembrixh të shtetit Masaçusets, i cili u kthye në një çështje të madhe kontradiktore. Presidenti ftoi dje në Shtëpinë e Bardhë një oficer policie, i bardhë, dhe një profesor kolegji, zezak, për të biseduar dhe për të pirë një gotë birrë.

Nuk ishte një gotë birrë e zakonshme pas pune, edhe pse Presidenti Barak Obama u përpoq të mos i jepte shumë rëndësi këtij takimi.

“Po takohemi për një pije freskuese në fund të ditës së punës, me shpresë që njerëzit të kenë mundësinë të dëgjojnë njeri tjetrin”.

Qëllimi i kësaj bisede, ndërsa pinin birrë të ftohtë, ishte zbutja e një debati të nxehtë lidhur me marrëdhëniet racore në Amerikë, i cili mori shkas nga një incident më 16 korrik në Kembrixh të shtetit Mesaçusets.

Zhan do t’i japë një nip

Policia gjermane njofton se u gjet automjeti zyrtar që iu vodh në Spanjë një anëtareje të kabinetit gjerman gjatë kohës që ishte atje me pushime.
Limuzina e tipit Mercedes u gjet e braktisur pranë qytetit spanjoll të Alikantes, aty ku ishte vjedhur javën e kaluar. Njoftimi për vjedhjen e makinës shkaktoi debate të shumta në Gjermani rreth përdorimit për qëllime personale të një mjeti zyrtar nga Ministrja e Shëndetësisë Ula Shmid.
Ministrja social-demokrate i kishte kërkuar shoferit ta çonte në qytetin turistik të Spanjës, rreth 2 mijë kilometra larg. Por në qytet makina u vodh.
Zëdhënësja e zonjës Shmid tha më pas se gjatë pushimit dy javor, ministrja ishte marrë të paktën dy herë me punë zyrtare. Disa analistë në Gjermani thonë se skandali rrezikon të dëmtojë shanset e Ministrit të Jashtëm Socialdemokrat, Frank Valter Shtainmajer për t’u zgjedhur në postin e kancelarit në zgjedhjet e ardhshme parlamentare. 

Veprimtarja ujgure në mërgim Rebiya Kadir thotë se rreth 10 mijë banorë u zhdukën brenda një nate pas trazirave të dhunshme në rajonet veriperëndimore të Kinës këtë muaj.Duke folur sot në Tokio, aktivistja me banim në Amerikë, bëri thirrje për hetime të pavarura për trazirat në Urumçi, kryeqyteti i provincës Sin-Kiang të Kinës.

Pekini thotë se gjatë trazirave humbën jetën 197 persona. Dhuna filloi më 5 korrik kur banorët etnikë ujgurë protestuan ndaj veprimeve të policisë kundër një proteste të ujgurëve të tjerë në juglindje të Kinës.
Në shenjë hakmarrjeje, hanët etnikë kinezë filluan plaçkitjet në lagjet e ujgurëve. Rebiya Kadeer tha se është e zhgënjyer nga Shtetet e Bashkuara dhe vendet e tjera që nuk e ngritën zërin për këtë situatë. Pekini e akuzon zonjën Kadeer si organizatore të protestave, akuzë që ajo e mohon