VOAL - Online Zëri i Shqiptarëve | ||||
HERONJTË LAHEN ME UJË FLORIRI Poemë nga FASLLI HALITI E Shtunë, 11.29.2014, 04:51pm (GMT1) FASLLI HALITI
HERONJTË LAHEN ME UJË FLORIRI Luftën Antifashiste NacionalÇlirimtare e sponsorizuan anglezët. (nga shtypi) Poemë Po, Po, Dhe po. Anglezët Na dhanë armë. Na dhanë automatikë. Na dhanë pistoleta, fishekë, Askush s'e mohon këtë mbështetje Shqipëria u është mirënjohëse taksapaguesve anglezë Përjetë, Veç gishti në këmbëzën e pushkës ishte yni, Këmbëzën e tërhoqëm ne vetë, Në shënjestër të pushkës angleze I futëm Ne, Pushtuesit, Me pupla gjeli, fashist italianë, Pushtuesit me kryq të zi të thyer nazist Gjerman , *** Fitilin e granatave angleze E tërhoqëm Ne Me dhëmbë. Xhaketat angleze U lanë në gjakun e vajzave dhe djemve tanë. *** Jo nënat angleze, Por nënat shqiptare ua thanin rrobat partizanëve, Jo duke i nderur në telin e oborrit, në erë, Por në trarët, Në qeprat e kasolles, Rreth vatrës së kasolles pa derë, Brenda Në shtëpi Në shtëpitë dhe kasollet fshatare Rrobat e lagura partizane lëshonin një avull si mjegull gri... *** Dhe çarçafët e krimbur me parazitë Të krimbur me morra Ta themi Shqip. Jo nënat angleze Por Nënat tona i lanin me duart e tyre vetë, Që djemve të malit pas luftimit Që do të kalonin natën Prapë Të qetësonin plagët flori Të bënin një gjumë më të qetë Me ëndrrën e tyre të vetme, për liri. *** Kafshatën e bukës, Thërrimen e djathit, Gjizës, Kush e ndante me partizanët: Darkë, Drekë Mëngjes, Populli shqiptar, Apo taksapaguesit anglez? *** Po në malet me borë, Stuhi, Furtunë, Buzë lumenjve, Burimeve, Përrenjve, liqeneve Kush i lante dhe shpëlante Luftëtarët e malit, Laheshin e shpëlaheshin vetë: Darkë, Drekë Mëngjes Apo laheshin Nga taksapaguesit anglezë? Kush ua lante dhe shpëlante, Kush ua qepte arnat, Kush i arnonte Rrobat E partizanëve Vallë Zonjushat angleze Apo zanat partizane me yll në ballë ? *** Po gjakun e plagëve Të trupave Partizanë Që vrijonte, Infermierkat angleze Apo infermiert partizane ia përthanin Me një copë këmishe të grisur apo me një copë beze? *** Po këmbën e gangrenizuar të atij partizanit Kush e operoi pa narkozë Mes pyllit në mal, Kirurgu anglez Apo kirurgu partizan, Me sharrë druri Ndërsa gjatë operimit Partizani s'pushonte së kënduari.. . Sepse Kënga e tij Ishte për të narkozë, Ishte për të anestezi *** S'ka rrugë Qoftë dhe një rrugicë e gjatë vetëm disa hapa Që të mos mbaj emrin e një dëshmori partizanë Apo emrin e Heroit të ri Qemal Stafa... *** S'ka piktor,, Të mos ketë pikturuar një portret partizani, Një portret të heroit Qemal Stafa «Që luftoi me patllake Gjersa i doli xhani»; S'ka këngëtar që të mos ketë kënduar Një këngë partizane, Edhe Vaçe Zela U këndoi Me zë Gjeneshe Me zë gurrash Me zë Perëndeshe. S'ka kompozitor që të mos ketë kompozuar një suitë, Për dëshmorët, heronjtë, Për partizanët E malit S'ka poet Që të mos i ketë kushtuar poezi,Vojos, Qemalit. *** Po! Aleatët ndihmuan me armë, veshje, municion Po betejën e Mezhgoranit e bëmë ne vetë. Ishte yni Asim Zeneli Që doli Nga istikami Ish ai që granatën angleze E hodhi ai mbi nazistët gjermanë, Ishte komandant Asimi që u ngrit e luftoi në këmbë Ishte Asim Zeneli ai që ua plasi granatën gjermanëve Duke ia hequr asaj fitilin me dhëmbë Ishte Zaho Koka Ynë Që duke shtënë me breshëri E la pa frymë automatikun anglez Pa pyetur për plumba, dashnori, për liri. Automatikut Tretur Në çelik Ishte Zaho Që ia mori frymën Dhe jo ndonjë ushtar anglez, sovjetik. Po! Ishin aleatët tanë, Aleatët e mëdhenj sigurisht Që na furnizuan Me armë, Rroba, Municion Dhe Ushqime, Por gjakun e derdhëm ne nëpër beteja. Mirënjohje të përjetshme, aleatëve tanë, falënderime! Por betejën e Mushkjetasë E bëmë ne vetë Ne. Që me plagë U pasuruan djemtë Duke luftuar për liri, për atdhe. Po ! Bombat, mortajat, Pushkët, mitralozat, të aleatëve ishin Po lufta e Pezës ishte e pezakëve Të babë Myslimit; Ishin partizanët e Brigadës së Parë, ata Që bënë betejën e Tendës së Qypit. Lanë shkëmbinjtë me gjak Heronjtë e Vigut. Në fund Të greminës, Humnerës së malit Krijuan një liqen të kuq gjaku Këshilltarët qëndrestarë të Hekalit Jona qe edhe epopeja e Pojkës Yni Reshit Çollaku Që përflaku liqenin Tokën me gjak E përgjaku. Jo mijëra vajza, aleanciste, Jo mijëra vajza angleze, Por Mijëra vajza tona Dolën malit: Doli Margarita Tutulani, Ramize Gjebrea; : Liri Brelishov a, Liri Gega, Zonja Çurre, Të gjitha zana mali, Të gjitha vajza me hire, Si mijëra Shote Galica, Si mijëra, mijëra Teuta Ilire *** Këngët për luftëtarët partizanë: Lule Sofo, lule djalë... I vogël, o partizanë... I kënduam Ne vetë Jo kori i aleatëve tanë Jo taksapaguesit anglezë. *** Lufta Antifashiste Nacionalçlirimtare, Heronjtë, Dëshmorët, Gjithë luftëtarët e saj me gjokse mali I vunë pushkën pushtuesit nazist Si Bajlozit të zi të detit, Dhe luftuan Për Çlirim, Pa menduar për poste, famë Për dafina fanfara, lavdi, Vetë populli i mbuloi Me kurora, Këngë, U ngriti buste Betoni Lapidarë, Monumente viganë Derdhur në bronz,sigurisht, Që vetë populli t'i shihte në këmbë Që Shqipëria t'i shohë në këmbë, përjetësisht. *** Heronjtë, luftëtarët, Dëshmorët, Trimat, Populli i lan Me ar, me flori, Nuk lejon që të ndoten me shpërfillje me harrim, përçmime, me namatisje, xhelozi... Tiranë, Korrik 2012-2014 FASLLI HALITI
|
||||
Copyright © 2005-2008 Nulled by [x-MoBiLe]. All rights reserved. |