Që duart ajo lan

Me sapunë gjithfarë markash

"Lux","Camay".

Por asnjë prej tyre

Nga duart dot s'ia heq

Njollat e gjakut

Ledit Makbeth.

Cdo natë në TV

Reklama gjithfarësh,

Sapuni gjakshlyes

Do të shpiket vallë.

Përpara ekranit,

Ledi, ti pret me kot.

Bimësi e globit

Më kot u lodh.

U lodhën mendjet

E shpikësve në botë

S'do të shpiket kurrë

Ai sapun kob.

Në qoftë se ky planet

Ka një grusht cilësish,

Një ndër më të çmuarat

Është kjo, natyrisht.