E Enjte, 03.28.2024, 07:57pm (GMT+1)

Ballina Linqe Stafi Kontakt
 
 
::| Fjala:       [Advance Search]  
 
Gjithë lajmet  
LAJMI I FUNDIT
OPINONE-EDITORIALE
ZVICRA
INTERVISTË-PRESS
SHQIPTARËT
LAJME NDËRKOMBËTARE
POLITIKË
DIASPORA NË ZVICËR DHE BOTË
PERSONAZH
ART KULTURË
DOSSIER
KËNDI I SHKRIMTARIT
HOLLYWOOD
AFORIZMA
GOSSIPE
SPORT
::| Newsletter
Emri juaj:
Emaili juaj:
 
 



 
KËNDI I SHKRIMTARIT
 
NUK SHKOJ KURRË MA NË MITINGJET E TYNE
Nga ELIDA BUÇPAPAJ

E Djelë, 03.31.2013, 12:03pm (GMT+1)



nuk do të shkoj kurrë ma në mitingjet e tyne
të dëgjoj si do të na rrejnë
ca rrejtarë
të dalë boje
që rrojnë aq lluksshëm
tuj i shitë rrenat e tyne
se gjejnë budalla
si puna jonë

që për 22 vjet nuk lamë miting
shkuam e stërshkum në mitingjet e tyne
tuj hangër e tuj pi
rrena
tuj i ba keq stomakut
e trunit

se rrenat e tyne
që nuk i hanë as qentë
i shesin si të jenë
mall bio
pa konservues dhe ngjyrues
sepse gjejnë
prapë e prapë
budallë si na

a i dëgjoni si ulërojnë
Zot i madh
runa prej tyne
mbyllini veshët me dyll
si veproi Ulisi
sepse janë
ma të rrezikshëm
se Sirenat
ato knonin magjishëm
kta knojnë si gozhdat
që gërvishtin murin
ta çajnë tipanin e veshit
nuk ka gja
më të stonushme
si ata
antimuzikë
antiharmoni
sepse
nuk e njohin zanin tjetër
sepse kështu krijohet
rezonanca
ata nuk njohin askënd
veç zanin e tyne
të çjerrshëm
tuj tjerr fjalë rrejshëm

unë nuk kam me shku
kurrë ma
në mitingjet e tyne
ku rrenën e ngritën
në piedestal
dhe piedestalët
i lanë pa krena

unë nuk kam me shku
kurrë ma
në mitingjet e tyne
sepse e kthyn
gjuhën shqipe
në gjuhë rrenash
e nuk ka dhimtë ma të madhe
me dëgju në gjuhën e nanës
se si po ta ngopin
barkun e trunin me rrena

nuk do të shkoj ma në mitingjet e tyne
tuj e pa veten si delja Dolli
tuj t'i ofru rrenat
pa doreza krejt
tuj të than troç hape
gojën
se po të hedh si në kosh plehnash
rrena
tuj të thanë troç
« jena tuj ta shpla trunin me rrena»
ashtu turpshëm
tuj e sakatos gjuhën e bukur shqipe
tuj i llabuçit nëpër gojë
fjalët e gjuhës shqipe
tuj t'i ofru rrenat
krejt të zhveshuna
lakuriqe ose zhele-zhele
krejt pa ambalazh
qyqanisht
tuj të konsideru si bagëti
e tufëzash kooperativash

nuk shkoj ma në mitingjet e tyne
rrenat e tyne ma nuk i ha
prej 22 marsit 1992
jam çlirue prej vargojve të rrenave

edhe durimi e ka sensin e masës

e kta rrenat e tyne
t'i hajn për veten e tyne
sa herë të dojn
në drekat e tyne të pasura
me proteina rrenash
me karbohidrate rrenash
me 100 përqind rrena
pa organe, pa zorrë, pa zemër,
pa shpirt, vetëm rrena
edhe pjata e parë
rrena
edhe pjata e dytë rrena
edhe dezerti rrena
edhe në vend të verës
franceze
pini rrenat e juaja
sepse
ky asht malli i juaj

ndërsa unë

nuk shkoj ma në mitingjet e tyne
do të qëndroj sa ma
larg shesheve të mbushur
me smogun e rrenës
që në vend të ajrit të pastër
të bëjnë të frymëmarrësh
helmin e idhtë të rrenës
që ta shkurton jetën

nuk shkoj kurrë ma në mitingjet e tyne
do të rri sa ma larg tyne...
e çlirume prej rrenës
e të jetosh e çlirume prej rrenës
do të thotë ta ndish
shijen e vërtetë të lirisë...


ELIDA BUÇPAPAJ


Rating (Votes: )   
    Comments (1)        Dërgoja shokut        Printo


Other Articles:
FAIK KONICANga GIJOM APOLINERI (03.31.2013)
KËSHILLA NJË GAZETARINga FAIK KONICA (03.31.2013)
FLAMURINga FAIK KONICA (03.31.2013)
NGA LIBRI 'FLUTURIMET E KORBAVE NË NETËT PA HËNË'Tregime nga ADEM ZAPLLUZHA (03.31.2013)
JU RRUGAÇA SALLAHANA Nga AT GJERGJ FISHTA (03.30.2013)
MIK, NË ÇASTIN E SHKATËRRIMITPoezi nga ERIK JOHAN STAGNELIUS (1793-1823)E shqipëroi: ULLMAR QVICK (03.30.2013)
JETA IME U BË STATUJË E ZVERDHURCikël poetik nga DIN MEHMETI (03.30.2013)
NDERIM PËR SHQIPTARIN Dr. ZEF MULAJ-I jepet titulli “Onorato i shoqates Leopardian Komuniti” në Itali- (03.29.2013)
TE DELTA E MJELLMAVEVëllimi i ri poetik nga ADEM ZAPLLUZHA (03.28.2013)
MISIONI I POETITPoemë nga ARTUR VREKAJ (03.27.2013)



 
::| Lajme të fundit
::| Kalendari
Mars 2024  
D H M M E P S
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
 

 
VOAL
[Shko lart�]