VOAL - Online Zëri i Shqiptarëve | ||||
AH, I NJOH KËTO SHTEGËTIME Cikël poetik nga PËRPARIM HYSI E Shtunë, 12.21.2013, 06:12pm (GMT1) KU? Ku të harbojnë mendimet, moj mike? Në ç'çahir degdisesh për "kullotë?!" Jam mahnitur nga hiret e tua,shpirte, Sa jam kthyer,i tëri, si behot! E humb,pse mos ta them,sa të shoh Tek ti humb si në mendime Ah, i njoh këto shtegëtime, i njoh Dhe brehem përbrënda prej regëtime Janë regëtima që lindin nga malli Që lind,sa të shoh, si vetvetiu Ç'janë këto regëtima made in kokëbardhi Mos vallë tek unë, u kthye i riu?! -- ERA Era loz me flokët e tu Sikur mbi flokë të vërë domenin Moj erë, po ç'bën kështu? Po pse ma shton "helmin?!" Ti ia tund flokët,po unë bëhem "xheloz" Se unë dua vet që ata flokë t'i tund Të shoh nga larg e bëhem "nervoz" Si?! Do lejoj erën që t'më mund?!!! Ndaj dal në "mejdan" e me erën përleshem Frrap-frrup me krahë e përzë erën Pastaj, ballë për ballë,jam me mikeshën Dhe a s'e kam hak që t'më paguaj "vlerën?!" -- DIMËR Dimri ka ardhur... se ka kohën Pritet të ketë ngrica e stuhi Por unë, moj mike,s'e kursej kokën Jam nisur dhe po vij tek ti. Ndoshta e ftohta shtohet dhe era ulërin Por unë nuk trëmbem dhe nga rruga s'kthej Të gjitha i mposht... edhe pleqërinë Moj mike ku një si ti mund të gjej? dhjetor 2013 PËRPARIM HYSI
|
||||
Copyright © 2005-2008 Nulled by [x-MoBiLe]. All rights reserved. |