E ËMBLA E FJALËS SË SHPIRTIT Lexim i librit të poetit Gazmend Dashi, "E bukura e fjalës së shpirti" Nga RRUSTEM GECI
E Enjte, 04.17.2014, 12:45pm (GMT+1)
Libri i Gazmend Dashit, " E ëmbla e fjalës së shpirtit", është një poezi me frymë krejt të re. Prej vargt të parë e deri tek poezia e fundit, rekëtinë shpirt i trazuar i poetit. E ëmbla e fjalës në jetë, dhe në dhimbje, tek poeti Dashi, i merr dhe i jep dorën së bukurës. Jeta nuk duket, por atë e ndiejmë. Gazmend Dashi më këtë libër na sjell një poezi me ngjyra të jetës sonë. Lufta dhe hallet shkruan autori na degëdisën në mërgim. Andaj, trofetë e mia thotë autori janë këto poezi . Unë, jo rallë thotë poeti bisedoj me poezinë s´i me fëmijët e mi. Studio e poezisë të poetit, Dashi, është shumë spartane. Një studio me plot libra dhe shënime. Në bufen e mbushur të kohës së poetit, herë bosh, e herë plotë, ai përjeton udhëkryqet e ndërlikuara të jetës . Ky shi me aromë vetëtimash e bubullimash , çdo çast është më i përvuajtur. Nën këtë nënqiell shkruan Gazmend Dashi, banojnë hijet e lashta të diellit, mëgjeset e para, mbrëmjet dhe netët e bukura, yjet që s´ frikohen nga terri. Vargjet e mia s´kanë nevojë për gjeste heroike, kur dihet se kjo jetë është e mbrujtur me lufta dhe beteja. Në librin "E ëmbla e fjalës së shpirtit" Gazmend Dashi, lexuesit i afron një poezi të kohës sonë. Prushi poetik i Gazmend Dashit, ka flakët që reflektojnë. E magjishmja në poezinë e Gazmend Dashit është e tëra prej brumit poetik, prej rrahjeve të forta të zemrës, prej timbrit të gjeniut, popull. Metaforat e pasura, semantika e thukët, togfjalshi bashkëkohor, leksiku , dhe metafizika e dashurisë, janë bota poetike e Gazmend Dashit. Gazmend Dashi u lind më 29 dhjetor 1967 në fshatin Stagovë të Kaçanikut. Shkollën fillore e kreu në vendlindje, ndërsa të mesmen në Kaçanik. Gazmendi u kulturua në Universitetin e Prishtinës, respektivisht, në Fakultetin e Makinerisë. Aty Gazmendi mori dijet dhe përvojën e dijësve të mëdhenj. Gazmend Dashi, që nga viti 1989 jeton dhe punon në Gjermani. Libri e "E ëmbla e fjalës së shpirtit" është libri i tretë, pas librit "Drenica, zemra ime" dhe "Një lutje diellit". Poezia thotë Gazmend Dashi është pasioni im, pa të cilin pasion, unë s´ di të jetoj. Për një kritikë më të thellë të poezisë së Gazmend Dashit, i mbetet lexuesit që edhe ai të flas për vlerat e padiskutueshme të këtij libri mëse poetik. E uroj autorin Dashi, për këtë vepër të bukur që po i shtohet letërsisë sonë.Gëzuar Gazmend!...
Rrustem Geci Dortmund
Tufë poezish nga libri i Gazmend Dashit " E ëmbla e fjalës së shpirtit"
1. Mik i udhëve të gjata Mere këngën me vete Brenda kam amanetin kodin e gjitha betejave 2. Me misër e thekër të arave I kemi festuar lulet tona Ëndrrave tona të bukura U kemi thënë, është casti!.. 3. Me fjalët më të përditshme I kam kënduar lirisë sonë Misrit dhe grurit në ara Dhe djemëve nëpër beteja 4. Tek ky fshat i lindjes sime Uji i lumit është uj i bekuar Nga fusha e gjerë e Kosovës Dhe nga malet me blerim 5. Çasteve kur shkruaj poezi Ngjitem degëve në pemëve Degëve ku ( dehet ) dielli Aty pres lulet të bëhen fruta 6. Vitet më të mira të jetës, më ikën nëpër udhë e vende të huja në mungesë të lirisë ( në dheun e vendit tim ) duart m´u bënë gjak të siguroj bukën e gojës për vete dhe për lirinë 7. Këtë poezi të dhimbjes sime e këputa nga pema e jetës nga degët e saj të gjelbëra dhe nga pesha saj e rëndë 8. Zemërimi s´pyet kurrë për trafikun e jetës sonë ky lumë i bardhë i tokës është vëllai i lumit tim njëri derdhet në Vardar dhe tjetri në det tjetër ... 9. Ato ré të shiut që sjellin këtu shiun disa prej prej tyre janë, ré të vendit ré me afsh të tokës 10. Një dashuri për të bukurën është njëjtë me një betejë është e njëjtë me një fitore është e njëjtë me një krijim 11. Kjo poezi për diellin është një motiv i imi këngë e shkruar që moti me urdhër të shpirtit 12. Ata gurëzi në lumë Të përzier me rërën janë shtrati i lumit udha nga ecën lumi 13. Shpirt, a të kujtohet ai takim, ato puthjet tona kur duheshim nën pjeshkë Të rrethuar me aromë kopshtit,dhe hënë qielli 14. Zemra ime, shpirti im vetëm vëllai ynë lumi dhe bari në breg të tij e dinë sa jemi dashur dhe sa jemi përqafuar 15. Kurrë nuk kam dashur të jem larg e me mall por jeta e bëka të veten në këto vite të mërgimit mërgimi më ka ndarë nga miqtë,shokët,vendi dhe nga jeta në shtëpi 16. Pas shumë përpjekjeve një poezi më kishte lënë unë s´dija ku të kërkoja shëtita në tërë qytetin dhe asgjëkundi s´e gjeta 17. Vashë e njëmijë këngëve më lejo tani të përqafoj dua të puthi me pafund unë sot jam I dehur, kam knjë festë që s´e them dot 18. Në varrezat e fshatit çunat e ajrit,engjujt përherë janë të zgjuar ata nuk i sheh njeri engjëjt e tyre janë aty ata i rujanë varrezat 19. Kjo pemë me plot fruta mendjen e ka tek shiu tek mëngjesi i nesërm tek dielli I pas shirave dhe tek shoqet e tjera 20. Në një ditë të gjatë jete Isha dehur për së mbari Me verë e mezë Kosove ku as emri s´më kujtohej isha dehur për së mbari nga një motiv i pathënë dhe nga mall i pashuar 21. Në ditët e përditshme motivet me dashuri janë krijime të bukura që i shkojnë shijes sime 22. Unë jam një vetëm poet dhe asgjë ma shumë ngutem të mos më qas ndonjë mik i paftuar!..
RRUSTEM GECI
|