VOAL - Online Zëri i Shqiptarëve

PO IKIN SHOKËT Poetit dhe mikut, Koçi Petriti Dy poezi nga FASLLI HALITI E Djelë, 04.20.2014, 08:58pm (GMT1)  _____________________      «Po ikin shokët çdo vit, Ata Që më donin,    Ata  Që adhuroja, Dhe më adhuronin» ______________________     Po ikin shokët                                           Poetit dhe mikut, Koçi Petriti.       Po ikin shokët çdo vit Shokët fillores Liceut Letësisë. Po ikin Ata Që  çmoja Dhe s'më çmonin Ata Që më çmonin Dhe s'i çmoja Ata Që njihja Dhe s'më njihnin Ata Që më njihnin Dhe s'i njihja Ata Që doja dhe s'më donin Ata Që më donin Dhe s'i doja Ata Që adhuroja E s'më adhuronin Ata Që më adhuronin Dhe s'i adhuroja. Po ikin shokët që çmoja Dhe s'më çmonin Shokët që doja Dhe S'më donin... Shkurt, 2012 Sergej Eseninit                                Në përcjellje të Koçi Petritit Kur të varrosi Rusia Nuk të mbuloi me dhè, Përsipër të hodhi mëngjese, Perëndime, Re. Të mbuloi Rusia me purpure, Me gjethe, Puhiza, Me pellgje, Rrëkera, Dashurira të lira, Rusia të mbuloi me blerim, Të mbuloi me mbrëmje rozë, Të vuri në varr një kuvertë mjegullore, Mbi varr të mbolli një berjozë, Pllakë mermeri të vuri mbi varr, Kashtën e Kumtrit Kurorë trëndafilash të bardhë, Netët të qanë me lot vese Plasën vjeshtat për ty në dënesë. 1967, Zëri i rinisë *Poeti dhe miku im Koçi Petriti, i pëlqente këto dy poezi,  ndaj dhe unë  po e përcjell me këto dy poezi.     FASLLI HALITI

Copyright © 2005-2008 Nulled by [x-MoBiLe]. All rights reserved.