VOAL - Online Zëri i Shqiptarëve | ||||
DO FLEJË MES LULEVE Haiku nga ADEM ZAPLLUZHA E Enjte, 07.17.2014, 08:49am (GMT1) Do flejë mes luleve lulja ime, askurrë e puthur. *** Dimri i mbylli portat, në dritaret e rrapit trokiti qukapiku. *** Pas njëqind vjetëve, mes luleve të mollës i humba fluturat. *** Gjërat paskan ndryshuar në vajin e lulediellit, përmbytje lotësh. *** Kur erdhi era ti nuk ishe askund! Zogjtë akoma qajnë. *** Lulëkuqen e zuri gjumi asnjë zog mali, nuk fjeti mbrëmë. *** Në kopshtin biblik një degë pjeshke, ëndërron Evën. *** Vetëm lulja, ti dhe hëna i përngjani pavdekësisë. *** Me lot prej mjegullave lulja dëneste, fatin e shakullinës. *** Po të isha lule në çdo vazo do rritesha si dashuria! *** Era nuk tha asgjë: në krah zogjsh aroma zgjoi ditën. *** Këtu nuk është perëndimi, nga fletëzat e lules lind dita. *** Punë e paqme vetëm lule mështekna. Rritet pa lot. *** Lulja e dashurisë puthi atë të urrejtjes, petalet këndojnë në duet. *** Këtu dhe tash fillon pranvera, në vazo qeshin lulet. *** Kur qajnë mimozat nëpër luadhe trishtohen puthjet e erës..! *** Pas shtrëngatës kalorësit zbritën, nga dizgjinët kryeneç. *** Mbrëmë abdikuan gjethet një ëndërr e shthurur... hyri mes luleve. *** Vjeshta degëthyer hyri në dimër, sërish buzëqeshi pranvera. *** Në faqet e memories ti ishe e fundit, që puthe trishtimin. *** Heshtë! Nëse bisedon sonte sërish do dënesin pjergullat. *** Nesër zgjohen rrënjët, mbase është koha e ringjalljes së vazos. ADEM ZAPLLUZHA
|
||||
Copyright © 2005-2008 Nulled by [x-MoBiLe]. All rights reserved. |