VOAL - Online Zëri i Shqiptarëve

SHI PRANVERE Haiku nga libri 'Një grush dashuri' nga ADEM ZAPLLUZHA E Premte, 07.25.2014, 07:32pm (GMT1)            Shi pranvere, dashuria e jonë në vjeshtë fishken gjethet.          *** Po venitën zambakët, në gjëmën e Lumëbardhit sërish çelin lulet.           ***           Në zemrën e trishtuar si një det dallgësh, përmbyten ëndrrat.          *** Punë që s'bëhet stoli në park, paska mbetur në vetmi.            ***           Unë isha i fundit kur e pashë lulemëllagën, me degë të thyer.          *** Edhe luledielli, si ti e dashur i përngjante diellit.                      Prishtinë, 09 janar 2014                                                                                                                     ***             Mbrëmë nuk ishte fillimi, por as fundi gjeneza kishte filluar.           *** Mbi një flluskë vese, si arka biblike notonte mëngjesi.             ***            Ishte shumë herët ose tepër vonë, për dështimin e ditës.           *** Mes dy lojërave duhet zgjedhur lojën, e cila kurrë s'përfundon.             *** Edhe gjethi i fundit i vjeshtës, hyri në gjumë.           *** Stinët janë si hijet, kurrë nuk takohen njëra me tjetrën.             ***           Pas dështimit të errësirës, njëherë e përgjithmonë dolëm përtej dritës.           *** Mbi disa gjethe vjeshtake si në legjendë, notonte stina e përlotur.             ***           Po të isha saksi, i kisha puth të gjitha vashat sybajame .                   *** Më fal kësaj radhe gabimisht besova, vazhdimësisë së gënjeshtrës.          ***                   Nëse vonohesh asgjë s'do të jetë, siç ishte dje.          *** Ti beson në dashuri, kurrë nuk pyete cilën lule e dua.            ***           Ishte tepër vonë kur binte shi, në kopsht zbriti nata.           *** Shumë folët për Parajsën, por asnjëherë nuk deshët të vdisni.   ADEM ZAPLLUZHA

Copyright © 2005-2008 Nulled by [x-MoBiLe]. All rights reserved.