MBI SHPIRTIN E ERËS PAGANE Vëllim i ri poetik nga ADEM ZAPLLUZHA
E Premte, 08.22.2014, 08:02am (GMT+1)
ADEM ZAPLLUZHA
MBI SHPIRTIN E ERËS PAGANE
Redaktor: Prof.Prend Buzhala
Recensent: Prof. Prend Buzhala
Lektor: Veli Veliu
ADEM ZAPLLUZHA
MBI SHPIRTIN E ERËS PAGANE
Shoqata e Shkrimtarëve "Fahri Fazliu" Kastriot, 2014
Prend BUZHALA
AMËZA E PËRVOJËS POETIKE (Në vend të recensionit) Në shënimet bibliografike të poetit Adem Zaplluzha, shënohet se ky vëllim është i 108-ti me radhë! E çka mund të thotë lexuesi i rëndomtë, lexuesi i vlerësimit kritik, përballë një veprimtarie kaq të vëllimshme! Le të mësohemi të lexojmë e vlerësojmë: mund të shkruash një libër poetik e të ketë vlerë, si "Vargjet e lira" të Migjenit. Por ka plot autorë që kanë shkruar vetëm një vëllim peotik, e, megjithatë, nuk kanë bërë emër në letrat shqipe. Ka dhe autorë që kanë shkruar mbi njëqind vëllime (si Rifat Kukaj dhe Odhise Grillo) dhe që të dytë kanë krijuar emrat kulmorë në letërsinë për fëmijë. Ka dhe të tjerë autorë që arrijnë numrin treshifror të vëllimeve të botuara letrare, dhe të mos arrijnë cilësinë që kërkohet. 1. Megjithatë, Adem Zaplluzha, në krahasim me disa autorë të ngjashëm, ka një fat tjetër krijues. Në radhë të parë, ka përvojën e gjatë krijuese. Nëse rrugën letrare e nisi me vjershën e parë për fëmijë, e ka botuar në revistën "Pionieri" të Prishtinës më 1957; nëse librin e parë poetik "Puthje ia botoi "Rilindja" e Prishtinës më 1974, do të kalojnë, mandej, edhe më shumë se njëzet vjet deri te botimi i librit të dytë, diku më 1995 ("Ecjet e viteve të mëdha", poezi, "Jeta e Re", Prishtinë 1995), kur shprishen rrathët e ndalimeve shtetërore pushtuese serbe mbi botimin e librave shqip. Deri në vitin 2009 ka arritur të botojë 14 tituj veprash, kurse shpërthimet e këtyre botimeve ndodhin prej vitit 2012 e deri këtë vit, më 2014! Për kaq kohë, ai botoi edhe 94 vëllime! Poeti, në këtë moshë të shtyrë krijuese, është i pandalshëm. Po e përjeton renesancën e tij shpërthyese krijuese. Vëllimi i fundit "Mbi shpirtin e erës pagane" dëshmon disa fakte: jo vetëm sasinë e këtyre botimeve, por edhe amëzat poetike të përvojës së tij të gjatë krijuese, nga njëra anë, si dhe lirizmin e tij karakteristik, refleksiv intim, tematizues dhe metaforizues, nga ana tjetër. Zëri lirik, Uni poetik, e ka parasysh se e tërë bota përreth tij është motivi i tij i jashtëm, kurse tensionet midis të jashtmes e të brendshmes shfaqen në relacionet Unë/Bota, Unë/Jeta, Unë/Ekzistimi... Dikur Aristoteli i urtë shkruante katarzën, për ndikimin e fjalës artistike në ndjenjat dhe në psikikën e njeriut, një si spastrim i posaçëm të emocioneve që provokon a nxit tragjedia. Edhe fjala artistike e poezisë lirike, përbën një moment tejet të rëndësishëm të identifikimit emocional, që ndikon pozitivisht në këtë drejtim. Së këndejmi, kështu le ta kuptojmë edhe këtë dëshirë të zjarrtët poetit për të shkruar së më shumë poezi, për ta shquar sa më shumë nevojën e shkrimit si transformim të brendshëm shpirtëror, për ta mbajtur në këmbë duke pasuruar shpirtërisht qenien njerëzore, qoftë edhe si ngushëllim fjalësh të bukura, kundruall situatave të ethshme psiko-sociale. Brengat ekzistenciale, humbjet e shumta në jetë, vetmia moderne, frika e ankthi ("Kur qante vjeshta/ E ngarkuar me ankthe") - janë tema e motove të shpeshta edhe të artit poetik dhe në to e gjen veten edhe lexuesi i kësaj kohe ("Në shpirtin tim të ngrirë/ Po bie nga pak shi i mykur" këndon poeti tek poezia "Pas një ëndrre fjalësh"). Të komunikosh me sa më shumë qenie të tilla poetikisht, me artin e thënies së bukur, të ndjesh njësoj si të tjerët, a nuk do të thotë kjo se lexuesi i tillë e njeh vetveten në përvojat,emocionet, observimet e krijuesit? E pra, libri është urë emocionale e shpirtërore me lexuesin vetmitar, bashkëkohor, jo thjesht vetëm për shkak të halleve të përbashkëta, por edhe për nxitjen e së bukurës e të përjetimit estetik të së bukurës në art e në jetë. Prandaj Fjala i bashkon e lidh njerëzit... dhe e arrin efektin e saj spastrues, prej katarze... nuk është e habitshme, prandaj, pse Adem Zaplluzha e thur atuopoetikën dhe poetikën e tillë nëpër vargje. Dhe jo vetëm tek titujt e disa poezive, por edhe në disa tituj veprash poetike,, të botuara më parë, fjala qëndron në thjerrëzën e nocionit të kënduar lirik. Madje, cikli ballor i librit mban titullin "Posa gjej një fjalë". Fjala merr barrë të kuintesencës poetike, të vetë-komentimit, të metapoezisë:
Posa gjej një fjalë Shaloj trenin e mendimeve Dhe dal ngadalë në udhë Si petalet e trëndafilit Merr krah vargu i bardhë
Poetizimi i fjalës është thelbi i kësaj lirike. Hyrja e kësaj poezie, i ngjet mitit të muzës a grishjes së saj, posi te poetët tanë të traditës (De Rada thërret pëllumbin e Anakreontit, Naimi thërret engjëllin e urtësisë, Fishta zanat mitike shqiptare...), kurse poeti thërret fjalën, kujtesën, muzat... kalin pegasian që e befasonte gjetjet e kësaj aventure poetike të shkrimit të librave ("Më pret befasia/ Një kalë i bardh/ Vrapon nëpër furtunën e zezë"). Kryeneçësia e vargut kërkon gjakimin e brendshëm, shpirtëror, por edhe fashitjen, zbutjen, thjesht shkarkimin prej katarze. Fjala ka plasaritjet e saj të brendshme, ajo në poezi shfaqet për të emërtuar fenomene vrastare të jetës, prandaj ekzistojnë edhe "fjalë plumbash", por fjala ka edhe thellësitë e saj ("Dëgjohej nga thellësia e një fjale"). Ndodh që komunikimi të mos arrijë të vërë dialog me lexuesin e kjo përbën gjendjen më të rëndë të krijuesit ("Humbësit po kalojnë të humbur rrugëve Sillen vërdallë... Askush nuk ua vuri veshin/ Fjalëve të mia"). Ndodh që kujtesa e rëndë historike të zgjohet me pezëm, pikërisht për shembjet e identitetit tonë, temë që del e shpeshtë te këto poezi:
Shoqja ime dhe unë Pamë në Shqipëri duke vdekur një pemë Rrënjët e ullirit në kalanë e Krujës
Prandaj, edhe ndërtimi i komunikimit me të tjerët, me empatinë e emocioneve, me bashkëndjesinë, përbën vlerën tjetër të këtij arti
Zëri yt si zëri i erës më vjen në ëndërr(...) Si fjala e harruar rilind Nga thellësia e tokës (...) Unë do të të pres diku në vetëdijen time (...) Bëhem erë te një muzikë E të presë në zhgjëndrrën time Zgjimi ndodh në momentet e situatave ekstreme ekzistenciale, kur gjakojmë t'i gjejmë fjalët më të goditura, të depërtojmë në zemrën e qenies njerëzore, për ta spikatur ndjesinë e dashurisë, mendimin pozitiv, transofmimin shpirtëror ("Ashti im/ Do të konvertohet në dashuri"); poeti gjakon, gjithsesi, të depërtoj dhe në thelbin e gjërave, realiteteve, dilemave, çështjeve, dhimbjeve...
2. Shumësia kuptimore/ vlera polisemike e figurës së erës Në dy librat e fundit shfaqet edhe simbolika e erës, e cila, semantikisht, popullon titujt e disa poezive (si "Mbi shpirtin e erës pagane", "Zërat e shthurura të erës", "Ajo vetë u shndërrua në erë", "Trajta asnjanëse e erës") por u jep ngjyrim stilistik e semantik edhe shumë vargjeve e shumë poezive të tjera. Ajo ka perspektiva të shumta këndimi të raporteve në mes njeriut dhe realitetit, folësit lirik dhe situatave emocionale, metaforizimeve të këtyre situatave dhe shënjimit të botës së ideve: Këtu çdo gjë po vdes ngadalë Si shpirti im i vrarë në erë (...) Që ta ngushëlloj trishtimin e erës Si këmbët e erës po lëkundet dheu Po dridhen drurët (...)
Askush nuk i besonte fjalëve të erës
(...) Dal në rrugë dhe vrapoj me drurët Vrapoj deri sa e zë etja e erës
Era herë është kapricioze, e pathyeshme, e ndryshueshme, e herë me praninë e saj të pastër, amorfe, të padukshme, pa pamje.
Metaforat kanë hequr dorë Nga kashelashat Trajta asnjanëse e erës Bisedon me boçat e këputura të pishave
Madje, përpjekja krijuese këmbëngul ta zë atë në elementin e saj të vërtetë, në bukurinë e shfaqjes së saj, në kuptimet e logjikën e saj të pakapshme. Ajo nuk ka një imazh statik, pikërisht për shkak se elementi i saj është kaotik, shumë drejtimesh, herë erë e mirë e herë e keqe, e shthurur apo përkëdhelëse, me tipare të çrregullta, sado që autori përpiqet ta zë imazhin e saj, së paku një çast ndalimi të saj:
Mbi shpirtin e erës pagane Galopuan vetëtimat e ndezura ose, kur dëshiron ta shquajë idenë e situatave labirinte historike:
Këto trajta të erës Që duken si sy katrore në pasqyrë Para njëqind vjetëve Ishin të rrumbullakëta si rruzaret e gjyshes
Era është e lashtë, e virgjër, pagane. nga amorfe pothuajse dhe hyjnore. Së këndejmi, kuptimet saj mund të konkretizohen sipas gjendjeve azëm se kjo është një erë pagane që vë në lëvizje botën. Nga kjo perspektivë këndimi, kundrohet edhe e kaluara jonë, me theqafje e ngritje, me fatkeqësi të shumta e me fuqinë energjike të rezistimit... me kaq shumë trajta e forma ende të padefinuara: Në portretin e erës I shoh asociacionet e lotëve (...) Shpirti i kalbur i mesjetës Sërish zuri të vrapoj si era (...) I vështrojë thellësitë e syve të erës Pas pasqyrës së vjetër Fshihen tufanet e shekujve
E pra, kjo figurë ngërthen ambivalencën e saj, larushinë e saj kuptimore, situatën kontekstuale. Ajo ka forcë destruktive (stuhi e furtunë që përlan e shkatërron, që sjell edhe vdekje, dhe ka shenjën e saj të mërzisë e të situatës së luhatshme ) e shoqëruar shpesh e shpesh nga shiu, si figurë paralele; ka frymë freskuese, që sjell freski mendjeje e lehtësim trupi, kënaqësi përjetimi, shpesh dhe me funksion krijues e shpëtimtar. Edhe te vargjet e Zaplluzhës, kund e kund, ajo shënjon karakterin kalimtar të jetës, përkohshmërinë, boshllëkun, topitjen mendore e shpirtërore, tutje edhe shuarjen, zhdukjen, ndryshueshmërinë, rilindjen e brendshme, po edhe çmendurinë, nganjëherë frymëzimin dhe dhurimin e frymës hyjnore. Ndodh mu ashtu si personifikimet e saj që ndodhin për "katër ernat" tek versetet e biblike apo tek vargjet homerike (shih "A Dictionary of Literary Symbols" nga Michael Ferber, Second edition, Cambridge University Press, 2007), ku konfliktet, tensionet, luftërat, përcillen me stuhi, e erëra, kurse engjëj e forca të mbinatyrshme vijnë në këtë botë me krahët e erës. Erërat e forta dhe stuhitë, shpesh simbolizojnë emocionet e vrullshme dhe botën e pasioneve. Së këndejmi, ndonjë varg, a titull poezie, na kujton ndonjë film a vepër me tematikë të ngjashme (për shembull filmin"Fluturoi bashkë me erën"), ashtu sikundër t'i kujton edhe erërat si bashkëpjesëmarrëse në legjendat a mitet antike të frytnimit, lindjes, plleshmërisë etj, kurse te Zaplluzha marrin karakter arkaizues, një si zgjim i kodeve arketipore të shpirtit etnik. 3. Shkrimi si akt i shenjtë krijimi Shkrimi përbën aktin e shenjtë të krijimit, mu atëherë kur poeti kërkon që fjalët e shqipes, me anë të alkimisë krijuese, që të gjitha, të "shndërrohen në poezi". Nëse shkrimtarët kanë qenë e janë gjithnjë ata lexuesit idealë e idealistë, të etur për dije e me besim për ta ndryshuar jetën, atëherë hapja e librit përbën një akt të shenjtë. E krijuesit asgjë më shumë nuk kërkojnë se sa që të respektohet ky akt i shenjtë. Prend Buzhala 17,Prill 2014
Posa gjej një fjalë
PASQYRA S'PO MË ZË
Kur shikimet e tua Depërtojnë në thellësinë time I hapi dritaret e mendjes Dhe shikoj Shikoj tej ujërave detin Se si dridhet në largësi
Shkunden mendimet Si mollët shkunden stinët Një kalë i zi I ka kafshuar mëgojëzat Dhe s'ka më Kush mund ta ndalë vrapin e erës
Nëse shikoj pasqyrën Nuk di kë mund ta shoh Në brendinë e saj Të paskajë Njeriun që nuk njoh Ose vetveten time Që ka dalë andej udhës
Kush është ai atje Në atë kornizë të mykur Të kujt janë këto duar Që po m'i krehin flokët Si kalamajtë e lazdruar Për një çamçakëz Qan një njeri
Këtu jashtë mureve S'po kam vend se ku të rri Pasqyra s'po më zë Vaj halli i ditës së verbët Një nga një Po i largohen zogjtë e fëmijërisë
POSA GJEJ NJË FJALË
Posa gjej një fjalë Shaloj trenin e mendimeve Dhe dal ngadalë në udhë Si petalet e trëndafilit Merr krah vargu i bardhë
Posa e gjej një fjalë Diku në qoshe të dhomës Më pret befasia Një kalë i bardhë Vrapon nëpër furtunën e zezë
Vrapojnë mendimet nëpër eter I zbresin yjet e kaltra Nga degët e kujtesës Dhe tok fjalët e tjera të gjuhës shqipe Shndërrohen në poezi
Posa e gjej një fjalë Ulem këmbëkryq Në prushin e shpirtit të zhuritur Dhe i thërras muzat në ndihmë Që t'i japin fund vargut tim kryeneç
PAS NJË ËNDRRE FJALËSH
Me një grusht silueta gjethesh Dhe pallton kallkan Kalojmë si të dehurit rrugëve Me xhelozi na shikojnë Dritaret e mbyllura Asnjë njeri përtej xhamave të errëta
Në shpirtin tim të ngrirë Po bie nga pak shi i mykur Ullukut kanë ikur nga vetmia e çatisë Te plepat e kujtesës Rendim si zogjtë e egër Pas një ëndrre fjalësh
Nuk di a është dimër Ose dimri na shikon nga malet Kam të ftohtë Po ngrihen qerpikët e mjegullave ky acar që banon me vetminë e pritjes Pjalmon një lloj shtreze që po na e zë frymën
HËNA
Nga ngjyrat e tejdukshme e ujit Përshëndesin mjellmat e zeza Hëna me flokë të shprishura Bredh nëpër udhët E tragjedive antike
Kjo kornizë e zbrazët Në shpirtin e saj po i mëkon Merimangat e zeza Nata lakuriqe kalon e shpërfillur Asnjë flutur mbi këto kangjella Nuk e fsheh shqetësimin
ky shi i marsit nuk di të ndalet Mbase të gjitha marset kanë një emër Ullukët e vjetër të shtëpive zgërdheshen Ky shi i acartë Që po bie mbi gjethe Pamëshirshëm i lagë ninullat Në djepin e përgjumur të lashtësisë
KY MËNGJES I LODHUR
Nuk jam mësuar kështu Të mos më përshëndesin drurët Sa shumë më ofendojnë gjethet Kur kaloj pranë tyre dhe janë indiferente
Ky mëngjes i malaksuar Më çudit se si e la natën të largohet Një mizë e bezdisshme mbi tavolinë Tinëzisht po i shqyen gazetat
Asnjë zë s'dëgjohet nëpër mëhallë Vetëm heshtja lakuriqe I injoron zërat e rrënjëve Një fyell i harruar zgjohet te kallamishtet
Posa i hapa sytë i pash degët e thyera Thyhej edhe stina nën rrënjët e barit Kjo kohë e pakohë paska zënë myk Mbi çatinë e një kujtese lehin mjegullat PRANVERA NUK DUKEJ ASKUND
Ishte dita e dhjetë e vjeshtës Një kohë e mugtë Herë vinin e herë iknin shirat Një re e dyshimtë sillej vërdallë qiellit
Zogjtë shtegtarë s'dukeshin askund Mbase i kishin nuhatur Ndryshimet atmosferike Dhe ishin larguar shumë më herët Se sa që shpërtheu furtuna
Nëpër binarë kryqëzohen trenat E çmendur dhe pa itinerar Një njeri me një pallto të akullt I përngjante kallkanëve Nëpër çatitë e qytetit mjaullinin macet
Ditët e ngarkuara me shtërzim Vuanin nga ethet e zeza Në maja të pemëve Dimri i mprehte dhëmbët
Pranvera nuk dukej askund Vetëm një acar i tërbuar Bredhte si një këlysh i braktisur Përreth pemës së shpresës
NËSE
Përreth nesh gjërat sa ora ndryshojnë Pema shndërrohet në njeri Kurse njeriu në një pemë pa fryte
Posa deshëm të ecim Një dorë pas shpine i lidhi në pranga Ëndrrat e ecjeve tona
Si të reshurat ndryshojnë stinët Nata bëhet ditë Kurse dita ecën në drejtim të natës
Njerëzit pësojnë disa lloje frakturash Prej një cope mishi njerëzit Shndërrohemi në një copë ashti
Kështu që nëse mbërrimë në maja Pa e arritur qëllimin Rrokullisemi deri në asgjësim të dështimit Prishtinë, 13 mars 2014
DHE PASHË NJË ËNDËRR
Ti më tha se dole nga dimri Por unë kuptova se ishte vjeshtë Një ditë e zakonshme Ku pranë shirave të baltosura Nuk mejnë vajet e erës
Mbase ishte një dimër tjetër Që pështillej si qefini Përreth drurit të shpresës Dimri që përherë na vinte Vetëm me ulërimat
Si njerëzit e verbër ecnin drutë Një gërnetë vajtonte së fëmijë Zëri i acarit dukej se rritej Rritej befasia Me tërë peshën e dallgëve
Ti më tha se dole nga dimri Kurse unë posa hyra në dimër Dhe pash një ëndërr Se si kallkanët çelin lule Në shpirtin e ngrirë të natës
NË DHOMËN E KUJTESËS
Mbaje zogun tënd në shpirt Mbaje si testamentin e ndërgjegjes Derisa kalon Nëpër gjumin e brishtë të lumit Mendimi yt lakuriq
Ti nuk je i vetëm sonte Me ty janë mallkimet e zogjve Nëse të lagen mendimet Si gujavat me pika Plasariten muret e fjalëve
Kur je pranë ujëvarës Mos guxo Të marrësh frymë lumi im Mbrëmë u çmendën dallgët Gati se s'vdiqa nga frika
Një lloj myku ka zënë koka ime Në dhomën e kujtesës I ka humbur mendimet Dhe si një zog i zi i fëmijërisë Po qanë mbi disa degë të brishta
NJË ZOG NATE
Mbi tavolinë një pjatë e vjetër Me disa lugë druri Presin ndonjë mysafir të paftuar Nata i përngjan pallamarëve Si anijet e fundosura Përkundet vetmia
I kam lënë të hapura të gjitha dyert As dritaret Nuk janë të mbyllura Sonte s'troket njeri i gjallë Vetëm heshtja si sterra kalon Në ullukët e çatisë
Asnjë njeri në horizont Si të dehurit bredhin yjet Një meteor endacak Bie diku mbi pemë Një zog nate Me një trëndafil në sqep Pret mëngjesin që akoma s'është nisur
SHIRAT E NJË VJESHTE
Nga turpi Vrava vetveten time S'patë njeri as zog nate Që ta ngushëlloj trishtimin e erës
Nuk qava Më ikën lotët si zogjtë Mbi telat e ndryshkura të kujtesës Si një kitarë tringëllijnë shirat e një vjeshte
ATDHEU PO VDES
Më ngufasin këto qeska najloni Më ngufasin kontejnerët e ngarkuar Me horrllëqet e kohës Mbi trupin e dërmuar të atdheut Një nënë te plehrat E prera bisedon Me bastunin e trishtuar të gjyshit
Nëpër qoshe të rrugicave Ecin shiringat Kjo valle e paparë e zuzarëve Nuk paska të ndalur Në duart e kukullave të drunjte Rrinë varur prezervativët
Një jetë e shthurur Për së mbrapshti e ka përfshirë Shpirtin e kombit Gratë me gjysmë barku jashtë Reklamojnë kërthizën Nga e cila si rrëshira Çurgon gjaku i mpiksur i ditës
2.
Atdheu po vdes Po vdes ngadalë Mbi qivurin e ndotur të ditës Merr frymë Shtërzimi i së keqes
Kukuvajkat fluturojnë Me nga një qefin të zi në qafë Të zezë si sterra Janë parathëniet e drurëve Këndej pari më Nuk fluturojnë as çafkat e liga
Thashë se atdheu po vdes Nëpër rrugët e qytetit kundërmojnë Macet e zgjebosura As telat e telefonit nuk marrin frymë Këtu çdo gjë po vdes ngadalë Si shpirti im i vrarë në erë NJË DËNESJE E PAKONTROLLUAR
Pranë një arkivoli Atdheu qante si një kërthi Asnjë hije e vdekur nuk rritej Nëpër vazot E lirikave të trishtuara
Pemët qanin fatin e një guri I cili rrokullisej Rrokullisej teposhtë si shpirti i Sizifit Më pastaj Erdhën disa njerëz të huaj Dhe i fshehën në arkivol Flokët e gështenjta të ditës
Një dënesje e pakontrolluar Dëgjohej nga thellësia e një fjale Plepat si të gurëzuar Përjetuan fatin e gjetheve Kur qante vjeshta E ngarkuar me ankthe
Nuk pashë rrugëdalje tjetër Përpos të eci deri në fund të burimit Shtambat e thyera te kroi Edhe kësaj here mbetën Nën trishtimin e kornizës së pritjes KËTU TË GJALLËT JANË TË VDEKUR
Jemi njerëz Ose mos po i përngjajmë bishave Si nëpër lëkurën E ndonjë bualli të egër Po shkelim mbi plagët e atdheut
Si këmbët e erës po lëkundet dheu Po dridhen drurët Nën rrënjët e rrapit Një tërmet prej qindra shkallësh Po përjetojnë Shpirtrat e të vdekurve
Këtu të gjallët janë të vdekur Kurse të vdekurit Po ringjallen nga legjendat Mbase njeriu i një tjetër kohe Ka zbritur Nëpër udhët e dyndjeve të qiejve
Shiu i sertë po zbret me sterrën Hukama e mjegullave S'ndalet në asnjë kep Një spirancë e ankoruar në kujtesë Bisedon me dallgët Që dalin nga ofshamat e detit
SHIU DHE XHAMAT E DRURËVE
Të thash se duart tona nuk janë lodra Ti mbaje një gur fati nën sqetulla Mbase ishte dimër Stuhia frynte Nëpër udhët e memories
Askush nuk i besonte fjalëve të erës Vetëm shirat e pasdites Ishin dëshmitarë Kur një qukapik rrihte drurin Me tërë forcën e sqepit të thyer
Si në teatër filluan të lëvizin degët U hapën perdet e mbyllura Të mjegullave Një shi i përhitur gjatë tërë kohës Rrihte nëpër xhamat e thyera të drurëve
S'ndalet era e as furtuna Ky kor antik I gjetheve të fishkura Fërshëllen një melodi të harruar Dhe i fshinë djersët e ngrohta të gjelbërimit
DIKUR VONË KAH MBRËMJA
Sa herë që hyj në dhomë Një dritare trekëndëshe E gjej përherë të mbyllur
Janë të mbyllura edhe të gjitha portat Vazot më shikojnë me habi Nga tavani si rrëshira Pikojnë çarçafët e mykur
Për çdo menatë i laj sytë Me vesën e vonuar të gjelbërimit Nën pemët e pjekura I shkundi të gjitha problemet e ditës
Dhe fillikat vetëm Ha kafjallin e së nesërmes Kur dalë në rrugë Udhëtoj deri në Jug Tok me shirat e mesditës
Dikur vonë kah mbrëmja Kur zgjohen serenatat e përgjumura Nëpër rrugicat e ngushta të Korçës Si fluturat e bardha Dalin kopshteve të verdha vashat
2.
Dalin dhe me nalla prej druri Të ngjyrosura Me ngjyra të gjalla Vrapojnë derisa i zënë Meteorët pa rënë në tokë
Mëngjeset i presin si përherë Duke i shkundur fustanet Për ndonjë copë mjegulle
Më pastaj kur dielli Ia jep bregut Pemët i lyejnë Buzët e njoma të degëve Me ngjyrat më të bukura të dashurisë
KUR KAFEJA FTOHET
Kur dal në kafene Dal vetëm t'i shfletoj gazetat Era i mbyllë të gjitha dritaret Asnjë mushkonjë e zezë Nuk fluturon përreth tavolinave
Pas dy a tre orëve kur kafeja ftohet Ia kthej shpinën diellit Dhe duke i përtypur germat Më zë gjumi Kur më shkund kamerieri Lehtazi për shpatulla Kuptoj se ka ikur edhe një ditë
Fare mirë e vërej ardhur mbrëmjes Me të gjitha mëkatet e ditës Ndrydhi gazetën Dhe në qoshe i hedh në kontejner Kronikat e zeza Duke u uruar zogjve të natës Një gjumë pa makthe dhe pa ëndrra Prishtinë,14 mars 2014
UJQËRIT SHNDËRROHEN NË QENGJA
Më duket se këto fjalë u gjetën sot Dje nuk ekzistonin në fjalorin e njeriut Fjalë që sa herë zgjohen Vrasin nga një flutur Mbi gjethet e njoma të stinës
Sivjet koha e të mbjellave Ka përfunduar shumë më herët Te sinorët po mbinë fjalë plumbash Njerëzit kanë hyrë në lëkurën e qengjit Dhe ulërin si ujqërit
Ndërgjegjja në metastazë Në shpirtin e njeriut të sotëm Mjaullin macet e egra Shih në shëtitore Një njeri ndezi qiriun e zi Për shpirtin e një vetëvrasësi
Dimri sivjet filloi më herët Çatitë i zuri në befasi një stinë e egër Pjalmon ironia njerëzore Ujqërit shndërrohen në qengja Kurse qengjat në ujqër SI NË KOHËRAT E BALADAVE
Përtej këtyre mureve të mykura Bota po ecën në disa drejtime Në dhomën time të vogël Është ndalë ora Asnjë zukatje mize Nuk mund ta prish qetësinë e monotonisë
Me një gotë qumësht dhie Shuaj etjen e pangopësisë së ditës Muret ngushtohen Skajshëm ngushtohet ecja e kohës Nëpër tehun e topitur të xhadesë Vrapojnë devetë e shkretëtirës
Një arabaxhi i vonuar Mbase është nisur Në një rrugë të largët Nga mesi i shekullit të kaluar Dhe ka mbetur diku në mes të udhës
Si çdo herë degët e rrapit E kanë marrë për dore një këngë Të vjetër maje krahu Si në kohërat e baladave kanë dalë zanat te kroi Dhe i mëkojnë legjendat për Mujin
NUK NDALEJ AS VALSI I LUGËVE
Në dhomën time Mbrëmë mungonin çarçafët Gjumi im kishte marrë arratinë Karriget e vjetra Gjendeshin jashtë hapësirës Ku darkojnë hijet e përgjumura
Si të sëmurët psikikë Shëtisnin disa lloje gazetash Mbi dyshemenë e papastër Një çrregullim i paparë Nga një këndvështrimin e një ikone Dukeshin se si zvogëlohen muret
Nuk ndalej as valsi i lugëve Pjatat thyheshin Mbi kokën e një mushkonje Këto pamje surrealiste Mund të shihen si dikur Vetëm në pikturat zbehura të shekujve Të përzënë nga loja prej kohe
DRURI I VJETËR Ndonjëherë në jetë Kemi halle të pafundme Pa e parë krimbin në brendinë e mollës Kafshojmë lëvoren e trungut
Nuk na bezdis aroma e barit të fishkur Shqisat tona I ngarkojmë me gjethet e kalbura Dhe bredhim si turtujt pa kokë Nëpër labirintin që e thurim vetë
Nuk prishë punë nëse i lajmë sytë Me djersën e barit të gurtë Druri i vjetër Kurrsesi nuk i beson metafizikës Befasisht nga rrënjët shpërthejnë Lulet e buzëqeshura të shirave
SA GROTESKË JANË ENDACAKËT
Stinët janë gjithmonë të njëjta Të ngarkuara me zërat e bujqve Deri sa piqej kallami Era këndonte një bluz parahistorik
Thashë gjithmonë stinët i përngjajnë Njëra-tjetrës Vijnë me një grotesk të paparë U përngjajnë të varfërve Kur këndojnë serenata në çatitë e rrënuara
Askush nuk ua vuri veshin Fjalëve të mia Si fëmijët çamarrok imitonin zërin e erës Binte edhe shi nga pak Binte mbi metaforat e lodhura të ditës Lageshin flokët e njerëzve Kur fërshëllenin furtunat rrugicave
Humbësit po kalojnë të humbur rrugëve Sillen vërdallë Si zogjtë e qyqes Nëpër çerdhet e lënë nga të tjerët Sa grotesk janë endacakët Kur flenë nën urat e qytetit të Lumëbardhit
ECIM ZBATHUR RRUGËVE
Disa gjëra që i bëjmë Nuk janë pjellë e mendjemadhësisë Por thjeshtë Ecim zbathur rrugëve Për t'i mbrojtur sandalet nga shiu
Kur luajmë top këmbe Çorapet i fshehim nëpër xhepa Kështu që Kursejmë ndonjë qindarkë Për të nesërmen Të mos ankohen këpucët Duke ecur rrugëve të baltosura
Sa herë që kalojmë pranë shitores së kasapit Mbyllim njërin sy me kapelë Duke i marr erë bukëve Që kanë aromë gruri Shkojmë deri te dyqani I gjërave antike Ku shiten gjërat e së kaluarës Dhe të qeshurat e së nesërmes
Mbi shpirtin e erës pagane
SI MUND TË SHKOJ ATJE
Vonë kuptova Këtu nuk paskam më vend Tej mase më është zvogëluar kapela S'po më zënë pantallonat Atdheu është shumë larg Si mund të shkoj atje
Mbase po më bezdisin mizat Ky metropol Po m'i bluan mendimet Përherë mendoj Si të shkoj në atdhe Kur nuk më njeh askush atje
Trokas në shpirtin e së kaluarës Kurrsesi të hapen Porta të mbyllura të fëmijërisë Në këtë dhomë të huaj Po shkyçen dritat Si mund të jetohet në sterrë
Pëllumbit tim prej argjile Iu janë thyer të dy krahët Ju lutem miqtë e mi Ma tregoni udhën Se si mund të mbërri në atdhe
QANTE EDHE NËNA IME
Nuk di Se si mund të na kuptojnë njerëzit Por sytë e nënave tona Në thellësi i fshehin Sinonimet e lotëve
Sa herë që i shikoja sytë e gjyshes Shihja se si qanin dy dete të kaltra Qanin lulet Me trishtimin e një peme Sa që gjethet i përngjanin lotëve
Qante edhe nëna ime Si të gjitha nënat e Kosovës Sa herë që kam etje të madhe Në portretin e erës I shoh asociacionet e lotëve
DIELLI Në të çarët e një shalqiri Një dorë e uruar I mbolli yjet
Dielli u bë dritë Kurse drita një tjetër diell Si syri magjik shndriti atdheu im
NJË SHI I NGROHTË
Më mbërthyen merimangat e zeza Për një dru më gozhduan hijet Në trishtimin e Golgotës Nata ishte Më e gjatë se jeta
Një grua i shkulte flokët Kurse tjetra i shtrydhte gjinjtë Mëkonte diellin Guri i murrmë i qëndresës Nuk lëshon asnjë gjëmë njeriu
Një dru prej abanozi Si një njeri i shenjtë I kishte hapur horizontalisht krahët I kishte hapur sytë si dy dete Që s'lëshojnë pikë loti
I mbërthyer për një dru Qëndronte ndërgjegjja njerëzore Qante rrapi si një fëmijë Një shi i ngrohtë nga palca e kurrizit Pikonte mbi drurin që s'lakohej
MBI SHPIRTIN E ERËS PAGANE
Nga zëri im Si pasione të papërmbajtura Dolën zogjtë e bardhë Mbi shpirtin e erës pagane Galopuan vetëtimat e ndezura
Qielli fluturoi lartësive të kaltra Pëllumbat prej argjile Shpërthyen horizonteve Nga gujava dolën në dritë Mëllenjat e kristalta të shpresës
Kalorësit e lirisë I kishin shaluar mjegullat Nën patkonjtë e argjendtë Si xixa shpresash i pamë vetëtimat Se si shkreptinin nga mëgojëzat e arta Të kuajve të luftës
I MËKONTE XIXËLLONJAT
Ëndrra ime Mbrëmë lozte me ëndrrën tënde Nëpër damar Nuk ndalej vrapi i kalorësve Unë e hoqa kapelën Ti e zhveshe njomësinë e lëkurës
Nën çarçafët e mëndafshtë Nuk dëgjohej frymëmarrja E ajrit të ngrohtë Një dihatje e thellë imitonte Ngrohtësinë e diellit
Varka ime për herë të parë Mbeti në fund të liqenit Llamburitja e duarve Me delikates I kapërcej shtigjet e përsosura Hëna me xhelozi I mëkonte xixëllonjat Prishtinë, 15 mars 2014
EDHE TI O SHPEND I ZI
O lejlek i bardhë Edhe ti o shpend i zi Mi tregoni rrugët Ju përgjëroj tregomëni Si të kthehen në Shqipëri
Të ju japë nga një letër Së tepërmi druaj Se do e hajë era Këtu në vend të huaj Më është mbyllur dera
O lejlek i verdhë Edhe ti o shpend i kuq Më mësoni rrugën deri në atdhe Jeta në mërgim Po më kalon huq
O lejlek i bardhë Edhe ti o shpend i zi Sa shumë kam mall E po digjem si zjarri Për nënën Shqipëri
NUK MUNDENI ME MA MARRË
Mund të më kryqëzoni si Krishtin Të më çoni zvarrë Deri në varr Por dashurinë time ndaj atdheut Kurrë nuk mundeni me ma marrë
Këtë pemë të bekuar Ma mbolli katragjyshi I katragjyshit tim Malli im është një zog i lirë Që jeton në fluturim
Mund të m'i merrni edhe sytë Të më lini nga malli të vdes Në këtë errësirë mizore Por dashuria ndaj atdheut Në mua jeton dhe rritet prore
ZËRAT E SHTHURURA TË ERËS
Një mjegull e zezë Si mjaullimë doli nga sterra Shpirti i kalbur i mesjetës Sërish zuri të vrapoj si era
Përtej mureve britmat Vallja e mortit S'ka të ndalur Jeniçerët i kanë zbrazur kazanët Evropa e turpëruar Përgjon ulërimat e ujqërve
Sërish dëgjohen zërat Britmat e një nate të plagosur S'pushojnë Nga majat e thikave pikon dhimbja Hungërimat e egra Shqyejnë perdet e qiellit
Në një fshat malor Ndërgjegjja rra në provim Nga krimet e një nate Të çmendur Pa tekst mbetën bishat e malit KAH UDHËT E PAUDHA TË DETIT
Mbrëmë më shkisnin këmbët Kah udhët e paudha të detit Mjellma e zezë Në kuvertën e anijes së fundosur E kishte lënë peng folenë
Mes dallgëve dëgjoheshin britma peshqish Nëpër xhepat e shkumës së kripur Rridhte si peshkvja Shpirti i nakatosur i një sirene Mbi një kep të trishtuar Qante pulëbardha
Deti dukej si një nuse e dhunuar Në mol hapeshin Dhe mbylleshin dritaret Nata i kishte shkyçur fenerët Vetëm sytë e humbur të peshkaqenëve Vezullonin si yjet në hemisferë
Deti i trazuar Si i çmendur vraponte rrugicave Një parandjenjë si një bishë zvarritej Në rrjetin e merimangës Asnjë peshk nuk i përngjante Sirenave të shkumës së bardhë të detit
NGA ETHET E FRIKËS
Qenka ndalur koha Ora e vjetër në murin e kishës Paska hyrë Mes tragjedive antike
Një luan i paçjerrë Qëndron mbi këmbët e pasme Dhe bisedon me prenë Që dridhet si thupra e shelgut
Brohoritjet nuk kanë të ndalur Nga ethet e frikës Shemben muranat e gurta
Si thuprat e çelikta Dridhen këmbët e amfiteatrit Nga pamjet bizare të gjakut Heshtin brohoritjet
Një njeri del nga lëkura e luanit Bisha zvogëlohet aq shumë Sa që kokulur Hyn në lëkurën e regjur të ditës
Brohoritjet e kukullave të frikësuara Përfundimisht fundosen në amfiteatër Nga shpirti i thyer i heshtjes Zgjohet një zog i vrarë dhe fluturon qiejve
QËNDROI SI STATUJA E NGRIRË
Këpucët e tua të zeza e të gjakosura U shndërruan në relikte malli Nëna për çdo mbrëmje i vë nën jastëk Dhe fle si një foshnje
Tani ke ikur në një tjetër vend Nuk të njohin më as të afërmit Atë çast kur me dorë kaluan Mbi fytyrën tënde Mua nga frika më zinin ethet
Nuk t'i preka sytë Që më përcjellën çdoherë Dora ime e djathtë Qëndroi pezull mbi qerpikët e tua Qëndroi si statuja e ngrirë
Sa më ka mbetur peng Përshëndetja e fundit Kujt t'i kërkoj falje Për frikën time Ky gur i rënd që më rri në shpirt Për çdo ditë Po më rëndohet nga pak
AJO VETË U SHNDËRRUA NË ERË
Këto trajta të erës Që duken si sy katrore në pasqyrë Para njëqind vjetëve Ishin të rrumbullakëta si rruzaret e gjyshes
Më kujtohet kishin një formë delikate Me të cilën lozte era Sa herë që rrapëllonin dyert e sokakut Dëgjoheshin lehjet e qenve të lagjes
Ishte e vetmja grua gjyshja ime Që e fshihte erën në flokët e saja të verdha Më pastaj tërë kohën lozte me të Lozte për të mos harruar fëmijërinë
Gjyshja ime ishte edhe nënëmadhja ime Sa shumë i donte trajtat e erës Sa që një ditë kur e zuri mjegulla qiellin Ajo vetë u shndërrua në erë
MBI DYSHEKUN E MJEGULLAVE
Unë dhe hija e ime Nën një pemë U ulëm këmbëkryq Ulliri pesëqindvjeçar Dukej se po ecën si kardinal Mes nesh Një lumë i thellë ëndërronte shiun
Një pasqyre e gurtë Bisedonte me pëllumbin prej argjile Përreth si në Ferr dëgjoheshin Krakëllimat e çafkave Për herë të parë Paranoja e erës i shikonte anijet Kah fundoseshin Në lotin e turbullt të detit
Një heshtje si vdekja e zezë Kalonte tërmal rrugës Dy plaka me të veshura të zeza Mbanin në dorë Nga një qiri të mishtë Si llava e vullkanit Digjej rrashta e lisit të rrëzuar
2.
Një hije e zezë Imitonte veshjen morbide të erës Nga një çati e rrënuar Sërish dëgjohen krakëllimat E mjegullave
Lehja e natës kurrsesi të ndalet Sterra ogurzezë Lëshohej mbi shpatullat e Gjergjit I cili dergjej Mbi dyshekun e mjegullave
LINDJEN E NJË GJERGJI TË RI
Shoqja ime dhe unë Pamë në Shqipëri duke vdekur një pemë Rrënjët e ullirit në kalanë e Krujës Kishin më shumë krenari Se sa njerëzit Me syze të errëta që endeshin Përreth tij
I huaji flokëverdhë Në shiritin e një celuloidi I regjistronte kalldrëmet shqiptare Kruja si një foshnje E porsalindur rendte nëpër histori
Kalaja duke i krehur flokët e shekujve Kridhej shtigjeve të lashtësisë E cila çdo çast ëndërron Lindjen e një Gjergji të Ri
Pemët dhe ullinjtë e bardhë Kanë zënë E po lëshojnë lastarët e parë Në drejtim të qiellit gri
2.
Unë dhe shoqja ime I pamë edhe rrapet që s'flinin Qëndronin me gjokse të kthyer Kah stuhia e zezë Burra që u përngjanin perëndive të Olimpit Që për një fjalë goje Armikut ia kallin datën
Unë dhe shoqja ime Pamë duke vdekur Edhe duke lindur Shqipëria
Këtu ullinjtë U përngjajnë kardinalëve Në çdo shekull i ndërrojnë këmishët Mes trupave të pemëve Vrapojnë kalorësit Që asnjëherë nuk vdesin Prishtinë, 16 mars 2014 BREDHTE LEDHAVE TË HISTORISË
I vështrojë thellësitë e syve të erës Pas pasqyrës së vjetër Fshihen tufanet e shekujve Ti asnjëherë nuk rende Përtej vetvetes Mbete një statujë e shkrirë në mermer
Kur u pamë nuk ishe më ai djalosh I adoleshencës Nga duart e tua me kallo Pikonte trishtimi kishe mbetur pa asnjë ëndërr Si vëllezërit binjakë i përngjaje Sizifit
Vonë e kuptova personin që i lante sytë Me pikëllimin e mëngjesit Një meteor i këputur Kishte mbetur Pa asnjë shpresë në hapësirë
Njëqind vjet në mua nuk u ndalën zërat Vendi i kishte humbur të gjitha rrugët Bredhte ledhave të historisë Dhe vajtonte si qyqja Duke i kërkuar zogjtë e ikur Nga foleja e ngurtë e atdheut
SHIKIMET E MIA KLANDESTINE
Në sytë e mi të gështenjtë I shoh sytë e tua të kaltër Silueta ime në pasqyrën e madhe Më duket zbehej tej mase
Nuk di vallë athua isha unë në atë fotografi Ose dikush tjetër banonte në mua Shikimet e mia klandestine Kanë zënë e po mbyten nga myku
Qeni i kuq i lagjes së evgjitëve Sot në mëngjes qante si një njeri Për çudi shelgu i pikëlluar Qeshte si asnjëherë më parë
Brenda një dhome me xhama të errëta Dëgjohen vetëm zukatjet e mizave Dita rrinte pas perdeve të palara Dhe kundronte një pikë të papërcaktuar
MARR FRYMË SI GJETHET E NJOMA
Unë nuk mund të jetoj në këtë zbrazëti Më duhet pak frymëmarrje Ky akuarium qelqi po i përngjan peshqve të ngordhur
Kur më dhemb koka Marr frymë si gjethet e njoma Dal në rrugë dhe vrapoj me drurët Vrapoj deri sa e zë etja e erës
Sot gjethet e pemëve nuk po shkunden Si në rinin time Ato po bien si shirat e vjeshtës Mbi flokët e thinjura të mëngjesit
Qyteti im po më duket Më i zbrazët se kurdoherë Njerëzit kalojnë trotuareve I numërojnë hapat si kukullat e drunjta
Ecin mbi një pistë mode Por kanë një përparësi të madhe Nuk kanë nevojë Për frymëmarrje artificiale
KANË MBETUR EDHE DY HAPA
Kur ngushtohen pantallonat e mia Kaloj nëpër vrimën e gjilpërës S'kam nevojë për asnjë pasqyre Në sytë e tua Përherë e shoh botën lakuriqe
Eca përtej çdo pamundësie Dhe në imazhin e parë Më doli parasysh Qielli i ngrysur i atdheut
Ti mos u hamend Kanë mbetur edhe dy hapa Të mbërrish me kohë Deri atje Ku thyen pasqyrat e botës
Loti im depërtoi Në lotin tënd të brishtë Era i krihte flokët e thinjura Në pasqyrën e thyer të vjeshtës
Ne ishim të etur si zhapini i shkretëtirës Te një dunë e vetmuar Qante kaktusi Një deve e hidhëruar pamasë Pështynte përcëllimin e diellit Nën këmbët e etura të kaktusit Digjej rëra e kuqe
ZËRI YT AI FYELL MAGJIK Zëri yt sonte po i përngjan Qyteteve të largëta Që nuk harrohen Por si ato pasione Që i kanë humbur rrugët Nëpër xhunglat e kujtesës
Zëri yt si zëri i erës më vjen në ëndërr Të shoh se si kridhesh hapësirave Pa e pyetur asnjë njeri Si fjala e harruar rilind Nga thellësia e tokës
Unë do të të pres diku në vetëdijen time Të pres nëpër udhët e jetës Nëse takohemi Të lutem Lërma zërin tënd si një testament Që vetëm mua më përket
Zëri yt ai fyell magjik Që më merr me vete Sa herë që fluturojnë zogjtë Bëhem erë e një muzike E të presë në zhgjëndrrën time
MË PRIT OSE SHKO KU TË DUASH Më prit e dashur Sonte do të dal nga lëkura ime Më prit me krah të hapura Sa ora do të jem Në ëndrrën tënde
Më prit ose ik ku të duash Nëse mundesh Unë veç kam dalë Nga lëkura ime
Një ditë pranvere Kur ti më së paku pret Ashti im Do të konvertohet në dashuri
SYTË TU TË GËSHTENJTË
Më trego e dashura grua Marrëzia e jote Athua ka ndokund derë Sytë tu të gështenjtë Erdhën pas meje Dhe më përcollën Deri në Ferr
Ti ishe dhe mbete një engjëllushë Kurse unë një njeri kokëfortë Si furtuna Poet rebel - zemër prush Që e deshi atdheun Kur si gjarpri i zi Zvarritej dhuna
Sa herë që u treta mjegullave Ma zgjate dorën Askurrë në baltë Gjatë tërë jetës nuk më la Ishe grua -mrekulli prej nëne Meritove kurorën Ah sa shumë kam me ty sevda
TRAJTA ASNJANËSE E ERËS
Me palltot e zeza solemne Mjegullat si qentë endacak Bredhin shëtitoreve të bulevardit
Kukullat si çdoherë Zëshëm protestojnë Rrugëve të boshatisura Një qetësi e llahtarshme Bren pasionin e erës
Shiu rigon mbi statujat e mermerta Rigon pa ndërpre Në brendinë xhamave të mendjes
Metaforat kanë hequr dorë Nga kashelashat Trajta asnjanëse e erës Bisedon me boçat e këputura të pishave
Më tutje buzë shatërvanit Në ballon e maskave Kanë ardhur edhe jashtëtokësorët
Yjet klandestinë fshihen Nëpër xhepat e shqyera Të protestuesve potencialë Në sheshin iks Po deshifrohet kodi i pakënaqësisë
GRATË E PESHKATARËVE
Si një gotë vere Deti u zbraz në stërkalat e shiut Uturimë dallgësh Në flokët e verdha të vjeshtës
Një pulëbardhë e vetmuar Iku nga kuverta Iku E vonuar për një stinë
2.
Moli i shastisur Ëndërron peshkun e artë Gratë e peshkatarëve Të vetmuara Dhe me duar të lidhura për koke I presin fantazmat e anijeve I presin pashpresë Të kthehen Me nga një qiri të ndezur
3.
Horizonti qante si deti Me ngashërim Meduzat e kaltra i mbajnë në dorë Flamujt e zi të pikëllimit
Një anije e bardhë Me vela të zeza Në shpirtin e erës Lëshoi spirancën e dhembjes Prishtinë, 17 mars 2014
Pesha e lotit
NJË HËNË E PIKËLLUAR
Kur ngjau ringjallja Në syrin e kalit tim të verdhë Banonte një njeri i panjohur Sa herë që hapeshin dyert S'ndaleshin hungërimat e cerberit
Thonë se ishte koha e mjegullave Nëpër shtatë palë qiell Galopuan kalorësit e apokalipsit Dhe ngjau ngrysja e paparë
Korbat haptazi dolën në shesh Dhe si shpendët parahistorik E mbuluan me duart e erës fytyrën e mërrolur të qiellit
Shirat e zeza Me vite të tëra s'pushuan Nëpër xhepat e meteorëve Kollej furtuna murrme
Njerëzit dolën në log të trishtimit Një hënë e pikëlluar Diku pas mjegullave të turbullta Për herë të parë përjetoi katarzën
SA ËSHTË VËSHTIRË TË JESH NJERI
Sa është vështirë të mbjellësh një pemë Në Ballkanin e trazuar Sa është vështirë të jesh njeri Aty ku ulërijnë ujqërit Ku pas çdo porte Të presin cerberët e uritur për gjak
Dreqi e ngrëntë sa është vështirë Të jesh njeri Aty ku kryqet shndërrohen në thika Sa është vështirë Të ecësh vertikalisht Deri te mallkimi dhe kryqi yt
Një copë mjegulle bredh netëve të zeza Mjegulla që kafshon varre Në dreq të mallkuar Ky kodë i trishtuar i urrejtjes Sa është vështirë të jesh njeri Aty ku djajtë Lozin vallen e gjakut
Në çastin kur për herë të parë Doli njeriu nga gujave e hapësirës Kuptoi fare mirë Se sa është vështirë me qenë njeri Në dreq të mallkuar Të jesh diçka asgjë më shumë se njeriu Sa është vështirë Të jesh njeri në Ballkanin a trazuar
NË PROVIM KURRË NUK RAMË
Shporru në sterrë Ik nga kjo natë moj qyqe e zezë Ka kohë Që ne i kemi djegur Flatrat e shpendëve të pikëllimit
Kaluan më shumë se njëqind vjet E netët thikave Më s'i pamë
S'di se si të shprehem Por sido që të jetë E deshëm dritën Në provim kurrë nuk ramë
Shporru moj qyqe Ik në vendlindjen e zezë të erës Asgjë nuk deshëm më shumë Se sa që patën të tjerët Shporru Mos i mbaj më cerberët pas derës
VIBROJNË SI GJETHET E FISHKURA
Nëpër sinorët e atdheut Ulërijnë drurët Me buzë të thara etja i përgjëron degët Gjethet e vjeshtës Sivjet nuk zgjohen nga koma
Bari i verbët Po vuan nga ethet e zeza Duart e stinës pjalmojnë trishtim Një zë i shurdhër Parakalon rrugëve ngarkuar me dhembje
Ecin drurët e plagosur Si hijet ecin Somnambulët nëpër çati Ullukët i ka zënë gjumi dimërorë Vetëm kallkanët U përngjajnë hijeve të njerëzve
Një stinë e egër mjaullin rrugëve Shqisat e të dëgjuarit Vibrojnë si gjethet e fishkura Apostujt e krimeve Parakalojnë me arkivole të verdha E pjalmi i trishtimit nuk ka të ndalur VETËM NJERËZIT NDRYSHOJNË
Sa herë që dal në shëtitore Era m'i lëpin flokët M'i lëpin Si mizat e mërzitshme pjatat e palara
Pranë këmbëve të drunjta Rigon shi Ai shi i cili të bezdis Si ato kukulla të përdala
Bie shi i baltosur Nëpër asfalt enden mushkonjat Dikush nga ballkonet Gjuan gazeta të ndrydhura
Imazhet gjysmë të zhveshura Të tmerrojnë Duhet ecur përpara Por si të ecën njeriu me sy të mbyllur
Sërish shiu i njëjtë me pamje të përsëritura Ballkonet s'kanë shkuar në piknik Në qytetin tim s' lëvizin ndërtesat Vetëm njerëzit ndryshojnë Disa shkojnë për në amshim E disa të tjerë vijnë me maska
NËSE BËJ HAPIN E PARË
Paska mbetur vetëm një fije kashte Për ku të kapem Në cilin det u fundosën anijet Kur erdhën përmbytjet e mëdha
Një etje e vogël mbrëmë E solli etjen tjetër Më të madhe Sytë rriten nga dhembja
Nëse e bëjë hapin e parë kah portat e Ferrit Nuk di A do të kem vallë kohë Për hapin tim të fundit
Sytë e mjellmave janë Aq të vogla Sa që u përngjajnë Rruazave të gjyshes sime të ndjerë
Një korb i zi mbeti pa flatra Dhe pa asnjë shpresë Kah po fluturojnë mjegullat Në këto kohëra të liga
SHTATË DETET E BOTËS
Fisi im fisi i zogjve krenarë Nuk u përngjan askurrë Atyre fiseve Që përulen deri në përbuzje
Jemi fëmijët e kalorësve Që i ftuan në dyluftim Kalorësit E çmendur të Apokalipsit
Ne u lindëm nga guri i stralltë Atdheu ynë Pikoi nga një galaktikë Që u përket shpendëve dykrenorë
Kur Dardania në këto fusha Merrte frymë si uji Me krenari i zotëronim Shtatë detet e botës
Fisi im ishte paraardhës I perëndive Sa herë që kishte mall për rrënjët Bisedonte me lartësitë e yjeve POR GJITHSESI
Tani më nuk dihet Sot filloi Ose dje përfundoi Mesha e parë e së dielës
Binte shi e dashur Binte në flokët e erës loti i një stine Ne ishim larg njëri-tjetrit U përngjanim binarëve të trenit
Ishte e diele Ndoshta përfundoi Ose nuk pat se kush me e mbajt meshën Por gjithsesi Diçka nuk ishte në rregull
Binte shi e dashur Një shi i mërzitshëm I kot Si një njeri i humbur
Por gjithsesi Atë ditë Ishte e diela e fundit Kur ishim në meshë Prishtinë, 18 mars 2014
PESHA E LOTIT
Po ikën nga unë Një gjeth i verdhë Ikën edhe stina tej përtej Degët duke rënë bien në humnerë Acari i çmendur Pjalm trishtimi derdh
Po më ikin edhe duart Flokët e zbardhura Shndërrohen në elegji Duke pëlcitur nga vaji Një qyqe e bardhë Natë e ditë Dënes mbi një çati
Kam mbetur si një dunë E verbër në hapësirë Loti lotin Nuk e ndalë dot Sado që është e rëndë Dhembjen e vajit Pesha e lotit Nuk matet me lot o Zot
PO BIEN SI PERËNDITË E TRILLUAR
Sonte po e mbështes Kokën time të lodhur Po e mbështes Mbi zërin melankolik të gërnetës
Këto duar të plagosura Më mbajnë gjallë Po më mbajnë për dore Derisa e shtrij jorganin Mbi shpirtin e pambuktë të reve
Nata e gjatë Shoqërohet me ofshamën E një cope mjegulle të këputur Nëpër hapësirën e paanë të qiellit Ngarendin yjet e verbër Ngarendin Deri në pafundësinë e pafundësisë
Si një jehonë e pikëlluar Nga larg dëgjohen zërat e meteorëve Shirat nuk prajnë Po bien si perënditë e trilluar Po shkunden Nga degët e pikëlluara të yjeve NETËT MË NUK ISHIN NET
Zërat e trishtuara nga lotët Trokasin në portat e mbyllura Të shpirtit Mallëngjimi i erës qan si kërthi Duart e kujt përqafuan mbrëmë Drurin e mykur të akacies
Unë nuk isha askund Edhe hija e ime e përhitur Mbeti pa zë Në ashtin e kujt Mbiu trëndafili i egër Kur zëri tinëzar i heshtjes Kalonte lakuriq rrugëve të dhunuara
Netët më nuk ishin net Dukeshin si disa gjëra të papërcaktuara Rrinin të çrregulluara Ngjashëm me gazetat e vjetra Në kujtesën e epshit qante mështekna
Një zog i zi i trishtimit I kishte lënë flatrat mbi një çati Erdhi era me flokë të shthurura Dhe sërish iku Me të gjitha pëshpërimat e anktheve
NË VESHIN E SHURDHËR TË KOHËS
Ndale të lutem Ndale zërin e kitarës Nuk durohet kjo melodi e përvajshme Në veshin e shurdhër të kohës Po dënes një serenatë
Nuk di a ishte natë ose ditë Por gjithsesi Teri si heshtja kalonte hajnisht Nëpër brinjët e thyera të kateteve Ndale të lutem Ndale zërin e kitarës
Para dy ditëve si foshnja qante lumi Qanin edhe shelgjet e pikëlluara Me cilën peshë sonte Mund ta matim Lotin e brishtë të çastit të humbur
Sërish heshtën mëllenjat Asnjë cicërimë s'dëgjohej Te grunajat Mbase sivjet u vonuan të korrurat Nga hidhërimi Hëna i shkundi kallinjtë nëpër ara
ECJET I KANË TË SHTHURURA
Në qytetin tim Disa njerëz ecin tatëpjetë E disa të tjerë tërmal Nëpër kafenetë e mykura S'pushojnë të qeshurat e jashtëtokësorëve
Çunat rendin pas xhubletave Kurse pleqtë si zakonisht Shëtisin me pantallona të shkurta Ecjet i kanë të shthurura Si mendimet
Era më nuk e përcjellë shtypin ditor Thonë se po vuan nga skleroza Kur përdor tableta për uljen e sheqerit Vrapon si ketri rrugicave Të ngushta Vrapon Derisa mbetet pa frymëmarrje AVULLOJNË NGA PAK TRISHTIM
Në kafenenë te plepat e bardha Nuk më lënë rehat ta pi Kafen e mëngjesit Në një tavolinë dy të moshuar Flasin për seksin e përditshëm
Në tjetrën përballë kësaj monotonie Miqtë e mi të moshuar Me sy të çakërdisur bisedojnë për Zotin Njëri betohet në kuran Kurse tjetri s'e lëshon biblën nga dora
Gotat e mbushura Me verë te kuqe Rahoveci Avullojnë nga pak shpresë E nga pak trishtim
Një mizë e madhe nuk e ndalë zukamën Kurse kamerierja sykaltër Thotë se është e bija e Krishtit
Përballë xhamave të djersitur Protestojnë karriget Tymi i duhanit si mjegulla e zezë U pengon tavolinave që lëvizin Sa këndej e sa andej marrëzisë PIKOJNË KALLKANËT E MURRMË
Thonë se vjeshta i ka sytë e verbët Nëse s'piqen pemët Qanë pa derdhur pikë loti Nga duart e saja të ngrira Pikojnë kallkanët e murrmë
Sivjet vera ishte më e gjatë Se stinët e tjera Ia morri disa javë vjeshtës Dhe iku pa lënë gjurmë Andaj era i shkundi më herët pemët Dhe frytet e tjera të papjekura
Për disa orë dimri erdhi Para kohe Furtuna me radhë pjalmoi Një stuhi e çmendur në pabesi I zuri peng zogjtë shtegtarë Ku sot po bredhin nëpër çerdhe të huaja
Sipas meteorologëve Dimri sivjet Do jetë i gjatë dhe shumë i ashpër Mëllenjat i zuri një brymë e verdhë Dhe hynë Pa u përgatitur nëpër dhomat e dimrit
NDOSHTA NJË DITË
Ndoshta një ditë Ose në një kohë tjetër Do e lë bastunin Diku fshehur nën hambar
Unë do vij te ti Do shihemi patjetër Kur në shpirtin tim Mugullon një grusht bar
Do vij deri te ti S'do shkoj diku tjetër Mbase koha do të jetë Tepër e gjatë
Më beso e dashur Unë do vij patjetër Ka kohë që jam në rrugë Do shihemi menatë
Ndoshta një ditë Më pret dikush tjetër Fajin kurrë mos e lyp te unë Por sërish po të them
Unë do vij te ty patjetër Ta zëmë kohën e duhur Kur bota e jonë S'do të jetë më në gjumë Prishtinë, 19 mars 2014
SHËNIME BIOGRAFIKE PËR AUTORIN Adem Zaplluzha u lind në Prizren, më 1943. Shkollën fillore dhe të mesme i kreu në vendlindje, ndërsa Akademinë Pedagogjike në Prishtinë. Një kohë punoi si mësues nëpër fshatrat Studençan të Therandës (ish Suharekës) dhe Hoça e qytetit, afër Prizrenit. Ndërkohë punësohet si përkthyes në Korporatën Energjetike të Kosovës. Me shkrime filloi të merret kryesisht me poezi që nga mosha e fëmijërisë. Rrugën letrare e nisi me vjershën e parë për fëmijë të cilën e botoi në revistën "Pionieri", më 1957. Si i punësuar në Korporatën Energjetike të Kosovës bashkë me shokët e punës dhe pendës themeloi grupin letrar "Lulëkuqet e Kosovës". Në Kuadër të punës së këtij grupi letrar qe botuar përmbledhja "Ngjyra e kohës", në të cilën u përfshi një numër i konsideruar i poezive të tij. Krahas krijimeve të publikuara në revistat për fëmijë, botoi edhe një serë shkrimesh nëpër gazetat e kohës që dilnin në Prishtinë dhe Shkup. Është anëtar i Lidhjes së shkrimtarëve të Kosovës, prezent në disa antologji dhe në librin Kosova letrare të poeteshës Monica Mureshan. Është prezantuar në Leksikonin e Shkrimtarëve Shqiptarë 1501-1990, nga Hasan Hasani, në Leksikonin Shkrimtarët Shqiptarë për fëmijë 1872 - 1995 nga Odhise K. Grillo, si dhe në librin Portrete Shkrimtarësh nga Demir Behluli, Prishtinë, 2002. Në maj të vitit 2013 Klubi i Artistëve dhe i shkrimtarëve të Durrësit ia ndau çmimin e karrierës për kontributin e dhënë në letrat shqipe. Jeton dhe krijon në Prizren.
BOTIME TË AUTORIT
1. "Puthje", poezi, "Rilindja", Prishtinë,1974. 2. "Ecjet e viteve të mëdha", poezi, "Jeta e Re", Prishtinë 1995. 3. "Çamarrokët e Thepores", poezi për fëmijë, "Shkëndija",Prishtinë 1996. 4. "Muret", poezi, "Jeta e Re", Prishtinë, 1997. 5. "Morfologjia e dhembjes", poezi, "Faik Konica", Prishtinë,2000 6. "Ai vjen nesër", poezi, Qendra e Kulturës, Klubi letrar"Fahri Fazliu", Kastriot, 2oo7 7. "Letër nga mërgimi", poezi, Klubi letrar "Fahri Fazliu"Kastriot , 2007 8. "Letër nga mërgimi 2 " poezi, "Qendra e Kulturës", Klubi letrar , "Fahri Fazliu", Kastriot 2007 9. "Udhëndarja", poezi, "Qendra e Kulturës", Klubi letrar ,"Fahri Fazliu", Kastriot , 2008 1o. "Thirrje e gjakut", poezi,"Qendra e Kulturës", Klubi letrar, "Fahri Fazliu"Kastriot 2008 11. "Asgjë sikur molla", poezi, "Qendra e Kulturës", Klubi letrar "Fahri Fazliu", Kastriot, 2009. 12. "Vesa në lotin tim", poezi, "Qendra e Kulturës", Klubi letrar "Fahri Fazliu", 2009, 13. "Puthja e gozhduar", poezi, "Qendra e Kulturës", Klubi letrar, "Fahri Fazliu", Kastriot , 2oo9. 14. "Kashelasha në vargje", poezi për fëmijë," Qendra e kulturës, Kastriot, 2oo9.
15. "Pema e bekuar", E përkthyer, Rumani, 2o1o. 16. "Bajraktarët e vatanit", poezi satirike, Klubi letrar, "Fahri Fazliu" Kastriot , 2010. 17. "Hijet e ndryshkura", poezi,"Qendra e kulturës", Kastriot,2010. 18."Stuhi në Kutulishte", poezi,"Qendra e kulturës", Kastriot,2010. 19. "Posa ikte nata", poezi, "Qendra e kulturës ", Kastriot,2010. 2o. "Loja e myshqeve", poezi,"Qendra e kulturës", Kastriot,2010. 21. "Lumëbardhi dhe gjëma", poezi,"Qendra e kulturës",Kastriot, 2o1o 22. "Metafora e heshtjes", poezi, "Qendra e kulturës",Kastriot, 2o1o 23. "Hyji në Prekaz", poezi,"Qendra e Kulturës", Kastriot,2010. 24. "Sinorët e hinores", poezi, Shoqata e Shkrimtarëve-Kastriot 2010 25. "Don Kishoti dhe Rosinanti", poezi, Shoqata e Shkrimtarëve, Kastriot, 2010 26."Zjarri i dashurisë", poezi, Shoqata e Shkrimtarëve-Kastriot, 2010 27. "Kur likenet vallëzojnë", poezi, Shoqata e shkrimtarëve-Kastriot, 2010 28. "Ditari në vargje", poezi, Shoqata e Shkrimtarëve-Kastriot, 201O 29. "Tingujt që nuk përfundojnë", poezi, Shoqata e shkrimtarëve Kastriot, 2o1o. 3o. "Shtegu i mallit", poezi, Shoqata e shkrimtarëve-Kastriot, 2010 31. "Korniza e thyer"',Poezi, Shoqata e shkrimtarëve, -Kastriot, 2010 32. "Zgjimi i gjëmës",Poezi, Shoqata e Shkrimtareve-Kastriot, 2010 33. "Vallja mistike", Poezi, Shoqata e Shkrimtarëve- Kastriot, 2010 34. "Merre kodin", Poezi për fëmijë, Shoqata e shkrimtarëve Kastriot,2011 35. " Letër atdheut" poezi, Shoqata e Shkrimtarëve-Kastriot, 2011 36. " Tejdukshmëria e shiut", Poezi, Shoqata e Shkrimtarëve- Kastriot, 2o11 37. " Përtej teje",poezi, Shoqata e Shkrimtarëve-Kastriot, 2011 38. "Sa afër e sa larg" , poezi, Shoqata e shkrimtarëve-Kastriot, 2011 39. "Vallja e zanoreve", Poezi , Shoqata e Shkrimtarëve- Kastriot, 2o11 40. "Ikja e eshtrave", Poezi për të rritur, Shoqata e Shkrimtarëve- Kastriot, 2o11 41."Kalorësit e mjegullave", Poezi, Shoqata e shkrimtarëve-Kastriot, 2012 42. "Hingëllimat e shiut", Poezi, Shoqata e Shkrimtarëve- Kastriot 2012 43. "Kur pemët i ndërrojnë këmishët". Poezi, Shoqata e Shkrimtarëve- Kastriot, 2o12 44. "Mirëmëngjes Imzot", Poezi, Shoqata e shkrimtarëve Kastriot, 2o12 45. "Kafshimi i mikut", Poezi satirike, Shoqata e Shkrimtarëve- Kastriot, 2012 46. "Atje tej maleve", Poezi, Shoqata e shkrimtarëve , Kastriot-2012 47. "Heshtja që del në shesh," Poezi, Shoqata e Shkrimtarëve, Kastriot -2o12 48. "Portat e shpresës", Poezi, Shoqata e shkrimtarëve, Kastriot-2012 49. "Në dhomën time gjysmë të errët", Poezi, Shoqata e Shkrimtarëve- Kastriot, 2o12 5o. "Kinse Lojë Shahu", Poezi, Shoqata e Shkrimtarëve- Kastriot, 2o12 51. " Për çdo dekadë nga një baladë ", Poezi, Shoqata e Shkrimtarëve Kastriot, 2o12 52. "Fusha e mëllenjave", Poezi, Shoqata e shkrimtarëve- Kastriot, 2o12 53. "E kujt është kjo vetmi", Poezi, Shoqate e Shkrimtarëve- Kastriot, 2o12 54. "Mos pyet për adresën e lumit", Poezi, Shoqata e Shkrimtarëve Kastriot, 2012 55. " Stoli në parkun vjetër" Poezi, Shoqata e Shkrimtarëve- Kastriot, 2012 56. "Urori i stralltë", poezi, Shoqata e shkrimtarëve Kastriot, 2o12 57. "Po të mos ishte fjala", Poezi, Shoqata e shkrimtarëve- Kastriot,2o12 58. "Thyerja e urave", poezi, Shoqata e shkrimtarëve Kastriot, 2o12 59. " Trokëllimat në gjumin e dallgëve", Poezi, Shoqata e Shkrimtarëve- Kastriot, 2o12 60. " Në flokët e dëborës", poezi, Shoqata e Shkrimtarëve Kastriot, 2012 61. "Një grusht nostalgji", Poezi, Shoqata e Shkrimtarëve-Kastriot, 2o12 62. " Kur filluan të flasin njerëzit", poezi, Shoqata e shkrimtarëve- Kastriot, 2012 63. "Kur stinët kapërcejnë fshehurazi", poezi, Shoqata e Shkrimtarëve Kastriot,2012 64. " Lisi në rrënjët e veta" , Poezi, Shoqata e Shkrimtarëve Kastriot 2o12 65. "Eca ecëm dhe do ecim", Poezi, Shoqata e Shkrimtarëve Kastriot, 2o12 66. "Fëmijët e erës", Poezi, Shoqata e shkrimtarëve-Kastriot 2012 67. " Çast në fund të stinës", Poezi, Shoqata e Shkrimtarëve- Kastriot-2012 68. "Si të flas me drurët", Poezi, Shoqata e Shkrimtarëve-Kastriot, 2012 69, " Më pëlqejnë mendimet e tua", Poezi, Shoqata e Shkrimtarëve- Kastriot , 2012 70. "Andej dhe këndej kohës", poezi, Shoqata e Shkrimtarëve- Kastriot , 2012 71. "Zëri i heshtjes", poezi, Shoqata e Shkrimtarëve- Kastriot, 2o12 72. "Kush i lexoi letrat prej erës", poezi, Shoqata e Shkrimtarëve-Kastriot, 2012 73. " Fluturimi i korbave në netët pa hënë", prozë poetike, Shoqata e Shkrimtarëve Kastriot, 2012 74. "Koha e ime dhe koha e jote", Poezi, Shoqata e Shkrimtarëve-Kastriot , 2012 75." Diku te një baladë", Poezi, Shoqate e Shkrimtarëve Kastriot, 2012 76. " Sonte çdo gjë po i përngjan lotëve",Poezi, Shoqata e Shkrimtarëve Kastriot, 2012 77 " Ky def prej hëne", Poezi, Shoqata e Shkrimtarëve-Kastriot, 2012
78."Pyesni zogjtë në ikje ",Poezi , Shtëpia botuese "Fahri Fazliu"- Kastriot 2013 79 " Fërfërimë gjethesh", Poezi, Shtëpia botuese "Fahri Fazliu", Kastriot- 2013 80. "Refrene yjesh", Poezi, Shtëpia botuese "Fahri Fazliu"- Kastriot, 2013 81. "Te delta e mjellmave", Poezi, Shtëpia botuese "Fahri Fazliu", Kastriot- 2013 82."Rinjohja", Poezi, Shoqata e Shkrimtarëve "Fahri Fazliu"- Kastriot, 2013 83."Diku në fund të një fillimi", Poezi, Shoqata e Shkrimtarëve, "Fahri Fazliu"- Kastriot, 2013 84."Makthi i hijes", Poezi, Shoqata e Shkrimtarëve-" Fahri Fazliu"Kastriot, 2013 85."Një zog prej uji", Poezi, Shoqata e Shkrimtarëve "Fahri Fazliu"- Kastriot,2013 86."Asnjë fjalë nuk frymon", Poezi, Shoqata e Shkrimtarëve, "Fahri Fazliu"- Kastriot, 2014- 87."Daullet e një nate", Poezi, Shoqata e shkrimtarëve "Fahri Fazliu"-Kastriot 2014 88."Sytë e gurtë të erës", Poezi, Shoqata e Shkrimtarëve "Fahri Fazliu"- Kastriot, 2014 89."Kur dehen perënditë" , Poezi, Shoqata e Shkrimtarëve "Fahri Fazliu"-Kastriot -2014 90. "Fjetëm njëqind shekuj" Prozë poetike, Shoqata e Shkrimtarëve "Fahri Fazliu"-Kastriot ,2014 91."Krakëllimat e natës",Poezi, Shoqata e shkrimtarëve "Fahri Fazliu"-Kastriot, 2014 92. "Ndjekësit e enigmave", Poezi, Shoqata e Shkrimtarëve "Fahri Fazliu"-Kastriot -2014 93. "Atdheu i paçmuar"Poezi, Shoqata e Shkrimtarëve-" Fahri Fazliu"- Kastriot, 2014 94."Psalm i harruar ",Poezi, Shoqata e Shkrimtarëve, "Fahri Fazliu"Kastriot 2014 95,"Për kë po bie moj kambanë", Poezi Shoqata e Shkrimtarëve "Fahri Fazliu"-Kastriot, 2014 96. "Mbi flokët e ullukëve", Poezi, Shoqata e Shkrimtarëve "Fahri Fazliu" Kastriot 2014 97. "Menatë vijnë lejlekë", Poezi, Shoqata e Shkrimtarëve "Fahri Fazliu" Kastriot 2014 98. "Loti i gotës së dehur" , Poezi, Shoqata e Shkrimtarëve "Fahri Fazliu" Kastriot 2014 99. " Stina asnjanëse" , Poezi, Shoqata e Shkrimtarëve "Fahri Fazliu" Kastriot 2014 100. "Dëneste bashkë me erën" Poezi, Shoqata e Shkrimtarëve "Fahri Fazliu" Kastriot 2014 101. "Druri i pikëlluar", poezi, Shoqata e Shkrimtarëve, "Fahri Fazliu"- Kastriot, 2014 102. " Një grusht dashuri" , poezi, Shoqata e Shkrimtarëve, "Fahri Fazliu"- Kastriot, 2014 103. "Lëreni zërin tim" , poezi, Shoqata e Shkrimtarëve, "Fahri Fazliu"- Kastriot, 2014 104. "Shi në qytetin tim" , poezi, Shoqata e Shkrimtarëve, "Fahri Fazliu"- Kastriot, 2014 105. . "Si trenat e verbër " , poezi, Shoqata e Shkrimtarëve, "Fahri Fazliu"- Kastriot, 2014 106. "Zjarri i malli tim " , poezi, Shoqata e Shkrimtarëve, "Fahri Fazliu"- Kastriot, 2014 107 . "Kur teshtinë era " , poezi, Shoqata e Shkrimtarëve, "Fahri Fazliu"- Kastriot, 2014 108. "Mbi shpirtin e erës pagane " , poezi, Shoqata e Shkrimtarëve, "Fahri Fazliu"- Kastriot, 2014
PËRMBAJTJA POSA GJEJ NJË FJALË ................................... 15 Pasqyra s'po më zë ................................................ 19 Posa gjej një fjalë .................................................. 20 Pas një ëndrre fjalësh ........................................... 20 Hëna ...................................................................... 21 Ky mëngjes i lodhur .............................................. 22 Pranvera nuk dukej askund ................................... 23 Nëse ....................................................................... 24 Dhe Pash një ëndërr .............................................. 25 Në dhomën e kujtesës ........................................... 26 Një zog .................................................................. 27 Shirat e një vjeshte ................................................ 28 Atdheu po vdes ..................................................... 29 2. ............................................................................ 30 Një dënesje e pakontrolluar .................................. 31 Këtu të gjallët janë të vdekur ................................ 32 Shiu dhe xhamat e drurëve .................................... 33 Dikur vonë kah mbrëmje ...................................... 34 2. ............................................................................ 35 Kur kafeja ftohet ................................................... 36 Ujqërit shndërrohen në qengja .............................. 37 Si në kohërat e baladave ....................................... 38 Nuk ndalej as valsi i lugëve .................................. 39 Druri i vjetër .......................................................... 40 Sa grotesk janë endacakët ..................................... 41 Ecim zbathur rrugëve ............................................ 42 MBI SHPIRTIN E ERËS PAGANE ................. 43 Si mund të shkoj atje ............................................. 45 Qante edhe nëna ime ............................................. 46 Dielli ..................................................................... 47 Një shi i ngrohtë .................................................... 48 Mbi shpirtin e erës pagane .................................... 49 I mëkonte xixëllonjat ............................................ 50 Edhe ti o shpend i zi .............................................. 51 Nuk mundeni me na marr ..................................... 52 Zërat e shthurura të erës ........................................ 53 Kah udhët e paudha të detit ................................... 54 Nga ethet e frikës .................................................. 55 Qëndroi si statuja e ngrirë ..................................... 57 Ajo vet u shndërrua në erë .................................... 58 Mbi dyshekun e mjegullave .................................. 59 2. ............................................................................ 60 Lindja e një Gjergji të Ri ...................................... 61 2. ............................................................................ 62 Bredhte ledheve të historisë .................................. 63 Shikimet e mia klandestin ..................................... 64 Marr frymë si gjethet e njoma ............................... 65 Kanë mbetur edhe dy hapa .................................... 66 Zëri yt ai fyell magjik ........................................... 68 Më prit ose shko ku të duash ................................. 69 Sytë e tua të gështenjta .......................................... 70 Trajta asnjanëse të erës ......................................... 71 Gratë e peshkatarëve ............................................. 73 2. ............................................................................ 74 3. ............................................................................ 75 Pesha e lotit .......................................................... 77 Një hënë e pikëlluar .............................................. 79 Sa është vështir të jesh njeri .................................. 80 Në provim kurrë nuk rram .................................... 82 Vibrojnë si gjethet e fishkura ................................ 83 Vetëm njerëzit ndryshojnë .................................... 84 Nëse bëjë hapin e parë .......................................... 85 Shtatë detet e botës ................................................ 86 Por gjithsesi ........................................................... 87 Pesha e lotit ........................................................... 88 Po bien si perëndit e trilluar .................................. 89 Netët më nuk ishin net .......................................... 90 Në veshin e shurdhër të kohës .............................. 91 Ecjet i kanë të shthurura ........................................ 92 Avullojnë nga pak trishtim .................................... 93 Pikojnë kallkanët e murrmë .................................. 94 Ndoshta një ditë .................................................... 95
Katalogimi në botim (CIP) Biblioteka Kombëtare e Kosovës "Pjetër Bogdani"
821.18-1
Zaplluzha, Adem Mbi shpirtin e erës pagane / Adem
ADEM ZAPLLUZHA
|